“Do Umui Gima Noho”

25:1-12

Ena be Iesu be rami-hebou kekeni 10 edia parabole be iena murinai idia raka horoa taudia totona ia herevalaia, to ena sisiba badana be Keristani taudia ibounai totona. (w15 3/15 12-16) “Unai dainai, do umui gima noho, badina dina eiava hora be umui diba lasi.” (Mat 25:13) Iesu ena parabole oi gwauraia hedinarai diba, a?

• Headava matamata tauna (siri 1)​—Iesu

• Idia hegaegae, aonega kekenidia (siri 2)​—Horoa Keristani taudia idia hegaegae mai kamonai ida edia hesiai gaukara idia karaia bona idia be diari bamona idia hedinarai ela bona dokona (Fili 2:15)

• Boiboi herevana: “Headava matamata tauna ia mai inai!” (siri 6)​—Iesu ena noho ena toana idia lalopararalaia

• Kavakava kekenidia (siri 8)​—Horoa Keristani taudia idia lao Headava matamata tauna idia hedavari henia totona, to idia gima lasi bona Dirava idia badinaia lasi

• Aonega kekenidia idia ura lasi edia oela idia haria (siri 9)​—Maka ginigabena idia abia murinai, nega be lasi abidadama hora taudia ese Dirava idia badinaia lasi taudia idia durua totona

• “Headava matamata tauna ia ginidae” (siri 10)​—Iesu be hisihisi badana ena dokonai do ia mai ena hahemaoro do ia karaia totona

• Idia aonega rami-hebou kekenidia be headava matamata tauna danu headava rumana lalonai idia vareai bona iduara idia koua (siri 10)​—Iesu be ena abidadama horoa taudia be guba dekenai do ia haboua, to Dirava idia badinaia lasi taudia be edia guba ahuna do idia abia lasi