Haroro Hanamoa Daladia—Iseda Stiuden Ita Hadibaia Idia Hegaegae Totona

DAHAKA DAINAI MAI ANINA BADA: Bema Baibel stiuden idia hegaegae, idia dekenai ita hadibaia gaudia do idia lalopararalaia bona laloatao diba. Edia laloparara bona laloatao karana ia bada neganai, idia goada haraga diba. Ena be bapatiso idia abia murinai, namona be hebou bona haroro gaukara totona idia hegaegae unai amo ‘do idia gima noho.’ (Mat 25:13) Unai dainai, stadi karaia dalana bona stadi sediual namona idia dibaia neganai, edia mauri ibounai lalonai namo do idia davaria. Stadi ita matamaia negana amo, namona be iseda stiuden ita durua sibodia edia Baibel stadi idia hegaegaelaia karana idia manadalaia.

KARAIA DALANA:

• 

  Haheitalai namona oi hahedinaraia. (Roma 2:21) Stadi ta ta ita hegaegae lalonai stiuden ita laloa be namo. (km 11/15 3) Namona be oi makaia pablikeisen ia itaia

• 

  Ia oi hagoadaia ia hegaegae totona. Stadi oi hamatamaia neganai, ia oi hadibaia hegaegae karana be Baibel stadi ena kahana ta, bona ena namo oi gwauraia hedinarai ia dekenai. Do ia karaia diba daladia haida oi gwauraia bona ena sediual amo nega do ia gaukaralaia namonamo ia hegaegae totona. Tisa taudia haida be stadi negadia ai, stiuden taudia dekenai idia makaia pablikeisen idia henia idia gaukaralaia totona bona unai ese stiuden ia durua stadi ena namo idia itaia totona. Ia hegaegae neganai, ia oi hanamoa

• Hegaegae dalana oi hadibaia. Matamanai, tisa taudia haida be stadi karaia ena nega do idia gaukaralaia edia stiuden dekenai stadi hegaegaelaia karana idia hadibaia totona