Intanet Ena Dika Dadaraia

ENA BADINA: Intanet eiava websait be mai ena namo bona mai ena dika. Keristani taudia haida be idia ura lasi intanet ta idia gaukaralaia. Ma haida be intanet idia gaukaralaia, unai amo edia famili bona turadia ida idia herevahereva totona. To, Diabolo ia ura intanet ita gaukaralaia kerere, unai ese eda ladana namona bona eda hetura karana Iehova ida ia hadikaia diba. Iesu bamona, Dirava ena Hereva ita gaukaralaia diba, intanet ena dika idauidau ita itaia bena ita dadaraidia.​—⁠Lu 4:4, 8, 12.

ENA DIKA HAIDA:

• Intanet gaukaralaia momo karana. Bema hora momo be intanet o websait dekenai ita gaukaralaia, anina be iseda nega do ia hegeregere lasi Iehova totona

  Hakaua herevadia: Ef 5:15, 16; Fp 1:10

• Maoro lasi gaudia itaia noho karana. Ura kererena o lalohadai kererena idia havaraia laulau (provocative image) idia itaia momo taudia be gabeai ponografi laulaudia itaia karana idia manadalaia eiava idia sihari kava o heudahanai diba. Bema aposteit gaudia o blogs ita duahia noho, unai ese eda abidadama ia hadikaia diba

  Hakaua herevadia: Mt 5:28; Fp 4:8

• Maoro lasi koment o foto siaia noho karana. Taunimanima edia kudouna be mai koikoi bada dainai, ta be reana ia ura intanet ena Web sait ta dekenai maoro lasi koment o foto do ia siaia. To, unai kara ese ta ena ladana namona ia hadikaia diba o ena abidadama ia manoka ia lao diba

  Hakaua herevadia: Ro 14:13; Ef 4:29

VIDIO LADANA INTANET GAUKARALAIA NAMONAMO ITAIA MURINAI, VIDIO AI IDIA HEDINARAI LAULAU FOA EDIA DIKA HAIDA RIVIULAIA: