Vidio Oi Gaukaralaia Emu Baibel Stiuden Oi Hadibaia Totona

Laulau bona vidio ese kamonai taudia edia lalona ia veria bona idia ia durua idia dibaia gaudia idia lalopararalaia bona laloatao totona. Iseda Hadibaia Tauna Badana, Iehova, ese ita itaia gaudia ia gaukaralaia mai anina bada gaudia ia hadibaia totona. (Ge 15:5; Ie 18:1-6) Hadibaia Tauna Namona, Iesu, be unai bamona ia karaia danu. (Mt 18:2-6; 22:19-21) Lagani haida lalonai, hadibaia gaukara ai momo ia durua gauna ta be vidio. Oi be vidio oi gaukaralaia noho emu Baibel stiuden taudia oi hadibaia totona, a?

Vidio ten idia hegaegaelaia, unai amo ita idia durua diba Dirava Ena Sivarai Namona! buklet ai idia noho kahana ta ta ita hadibaia totona. Vidio ta ta ena sinado be buklet lalonai ia noho henanadai ta, toretore koremana ai idia torea gauna, amo idia abia. Websait ai ia noho buklet be mai ena link ta ta, bona edia henunai be do ita gaukaralaia vidio ia hahedinaraia. Danu, vidio ma haida be iseda Hadibaia Gaukara Ena Tulu Idauidau ai idia noho stadi pablikeisen idauidau, idia durua.

Dahaka oi karaia diba bema emu stiuden dekenai oi herevalaia Baibel topik ta ia lalopararalaia lasi? Eiava emu stiuden be hekwakwanai ta ia haheaukalaia noho? Namona be jw.org® bona JW Broadcasting® ai idia noho vidio namona ta oi tahua ia oi durua totona. Reana umui ruaosi ese unai vidio ta umui itaia hebou bona herevalaia diba.

Hua ta ta ai, vidio matamatadia idia halasia. Unai vidio oi itaia neganai, do oi gaukaralaia dalana oi laloa, ma haida hadibaia totona.