Memorial Totona Ita Hegaegae Dalana

Inai lagani ai, Keriso ena mase laloatao dinana totona nega bada ia noho ita hegaegae diba. Bema Memorial dinana be wiki lalonai, Haroro Bona Mauri Dalana Hebouna do ita karaia lasi. Danu bema Memorial dinana be wikeni lalonai, pablik haroro bona Gima Kohorona ena stadi do ita karaia lasi. Emu sediual ai, unai nega do oi gaukaralaia namonamo, a? Aposetolo edia negai idia karaia bamona, unai spesel dinana totona ita hegaegae be namo. (Lu 22:7-13;km 3/15 1) To namona be ita ibounai ese iseda kudouna ita hegaegaelaia. Edena dala ai unai ita karaia diba?

• Unai hebou ita lao ena badina ita lalohadailaia.​—1Ko 11:23-26.

• Mai guriguri ida emu hetura karana Iehova ida oi lalohadailaia.​—1Ko 11:27-29; 2Ko 13:5.

• Memorial ita karaia ena badina idia herevalaia atikol idauidau oi duahia bona laloa dobu.​—⁠Ioa 3:16; 15:13.

Tadikaka bona taihu haida be Dina Iboudiai Buka Helaga Tahua ai ia noho Memorial ena Baibel duahiduahi idia duahia bona laloa dobu. Ma haida be henunai ia noho maua ai ia noho Baibel siridia idia duahia. Haida be Iehova bona Iesu ese idia hahedinaraia lalokau karana bona Memorial ia herevalaia Gima Kohorona ena atikol haida idia riviulaia. Ena be dahaka stadi daladia oi abia hidi, to namona be unai ese oi ia durua Iehova bona ena Natuna kahirakahira oi lao totona.