Mauri Gunana Oi Kokia, Bona Matamatana Oi Hahedokilaia

3:5-14

Hereva momokani oi dibaia neganai, emu mauri lalonai senisi badadia haida oi karaia, a? Namona be oi diba Iehova be emu hekwarahi dainai ia moale bada. (Ese 33:11) To, iseda mauri gunana ai ita karaia gaudia ita dadaraia totona, namona be ita hekwarahi noho mauri matamatana ita hahedinaraia totona. Henunai idia noho henanadai oi haerelaia karana amo do oi diba edena kara do oi hanamoa:

• Lau ia kara namo henia lasi tauna dekenai lau badu noho, a?

• Bema gabu ta lau ura lao haraga o lau hesiku, boga-auka karana lau hahedinaraia, a?

• Bema matabodaga lalohadaina ta lau abia, kara haraga lau dadaraia, a?

• Lau ese bese idauidau taudia dekenai lalohadai kereredia lau abia, a?

• Nega ta sibona lau biagua lasi dainai ta dekenai mai badu ida lau hereva, a?