“Inai Gaudia Do Umui Laloa Noho”

Dahaka gaudia? Filipi 4:8 ia gwau, momokani gaudia, mai anina bada gaudia, maoromaoro gaudia, kara goeva gaudia, lalokau gaudia, ladana namo gaudia, namo gaudia ibounai, bona taunimanima ese idia hanamoa be maoro gaudia. Ita gwau lasi Keristani taudia be hanaihanai Baibel sibona do idia laloa. To, namona be Iehova ia hamoalea gaudia sibona ita laloa. Namo lasi ita laloa gaudia ese iseda Dirava badinaia karana ia hadikaia.​—Sa 19:14.

Nega haida ia auka iseda abidadama do ia durua gaudia sibona ita laloa. To namona be ita hekwarahi sibona eda ura dikadia bona Satani, “inai nega oromana ena dirava,” ita dadaraia totona. (2Ko 4:4) Badina ia ese nius halasia oreadia ia hakaua kerere noho TV, reidio, Intanet, bona idia printaia gaudia amo sivarai dikadia idia halasia totona. Bema ita naria namonamo lasi, iseda lalona dekenai ita atoa gaudia ese iseda lalohadai bona kara idia hadikaia diba.​—Ia 1:14, 15.

VIDIO LADANA, DIRAVA BADINAIA KARANA IDIA HADIKAIA GAUDIA DADARAIA​—MOALE KARADIA DIKADIA ITAIA, BENA INAI HENANADAI HAERELAIA:

• 

  Tadikaka be ena mobael fon amo dahaka ia itaia noho bona ia dekenai dahaka ia vara?

• 

  Edena dala ai Galatia 6:7, 8 bona Salamo 119:37 ese tadikaka ia durua?