KERISTANI TAUDIA EDIA MAURI DALANA

Iehova ese Goeva Taudia Ia Lalokau Henia

“Emu imana oi huria. Emu daiutu oi hagoevaia. Gabu oi daroa. Momoru oi negea.” Tama sina momo ese edia natudia idia hadibaia tauanina dalanai idia goeva be namo. To, goeva karana ena hakaua herevana be helaga Diravana ese ia henia. (Eso 30:18-20; De 23:14; 2Ko 7:1) Bema iseda tauanina bona iseda kohu idia goeva, Iehova do ita hanamoa. (1Pe 1:14-16) To iseda ruma bona noho gabuna be edena bamona? Dala dekenai momoru idia negea taudia be Keristani taudia ida ita hahegeregerea neganai, do oi itaia Keristani taudia be idia gaukara goada tanobada idia hagoevaia totona. (Sa 115:16; Apo 11:18) Herevana momoru maragidia, hegeregere plastik, tini, eiava PK ita negea dalana ese ia hahedinaraia diba, goeva karana ita laloa bada eiava lasi. Namona be gau ibounai lalonai ita hahedinaraia ita be “Dirava ena hesiai taudia.”—2Ko 6:3, 4.

VIDIO LADANA, DIRAVA ESE GOEVA TAUDIA IA LALOKAU HENIA HAHEDINARAIA, BENA INAI HENANADAI HAERELAIA:

Haida be edia kohu idia hagoevaia lasi dainai, dahaka ekskius idia gwauraia?
Edena dala ai Mose ena Taravatu ese Iehova ena lalohadai goeva karana dekenai ia hahedinaraia?
Edena dala ai iseda kara amo Iehova ita hanamoa diba?

Tama ta be natuna ena motuka mirona ai ia guia; tama ese ena natuna dekenai Iehova ena lalohadai goeva karana dekenai ia herevalaia; idaunegai Israela ai hahelaga taudia rua be imana bona aena huria ena kopa disi badinai; haroro grup ta be natuna ena motuka, ia hagoevaia vadaeni gauna, amo idia raka lasi — Edena dala ai egu mauri lalonai Iehova ena lalohadai goeva karana dekenai lau hahedinaraia diba?