Dina Iboudiai Buka Helaga Tahua Buklet Oi Duahia Noho, A?

Iehova kahirakahira oi lao totona Dina Iboudiai Buka Helaga Tahua buklet amo dina ena siri bona koment oi duahia, a? Bema lasi, mani dina ta ta ai oi duahia. Momo idia davaria daba ai dina ena siri idia duahia be mai ena namo. Unai amo idia duahia gaudia be dina ibounai lalonai idia laloa diba. (Ios 1:8; Sa 119:97) Edena dala ai dina ta ta ena Baibel siridia ese oi ia durua diba? Siri ena badina do oi lalopararalaia totona, ena hereva ibounai oi duahia. Reana unai siri ena hakaua herevana ia hahedinaraia Baibel sivarai ta oi laloa. Bena emu mauri ai unai hakaua herevana oi badinaia dalana oi laloa diba. Dirava ena Hereva amo abia hidi oi karaia neganai, dala maorona ai oi do ia hakaua bona namo do oi davaria.​—Sa 119:105.

Tanobada hegegemadai Betele famili ibounai be daba ai Dina Iboudiai Buka Helaga Tahua buklet idia herevalaia hebou. Vanegai laganidia ai, idia herevalaia gaudia momo be JW Broadcasting^® ai idia atoa, bona PROGRAMS AND EVENTS kahana dekenai unai vidio oi davaridia diba. Unai vidio ta o haida oi itaia vadaeni, a? Reana idia herevalaia gaudia haida ese oi do ia durua. Hegeregere, abia hidi ta oi ura karaia neganai, edena dala ai Lota ena sivarai ese oi ia durua diba?

VIDIO LADANA TANOBADA DO UMUI LALOKAU HENIA LASI (1IO 2:15) ITAIA. BENA INAI HENANADAI HAERELAIA:

• Unai Morning Worship program ai idia herevalaia siri ena hakaua hereva badana be dahaka?

• Edena dala ai Lota ena sivarai ese tanobada bona ia lalonai idia noho gaudia lalokau henia karana ena dika ia hahedinaraia?​—Ge 13:12; 14:12; 19:3, 12, 13, 24-26

• Edena dala ai ita hahedinaraia Iehova ita lalokau henia, to inai tanobada bona ia lalonai idia noho gaudia ita lalokau henia lasi?