Hereva Koikoi Gwauraia Loaloa Karana Dadaraia

Hari, taunimanima milioni momo be idia printaia gaudia, reidio, TV, bona intanet amo infomeisen idauidau idia abia haraga diba. Unai dainai “kara momokani Diravana” idia tomadiho henia taudia idia naria namonamo be namo, badina aksiden ai infomeisen koikoidia idia gwauraia loaloa diba. (Sa 31:5, NWT; Eso 23:1) Hereva koikoidia gwauraia loaloa karana ese dika bada ia havaraia diba. Bema oi ura diba sivarai ta be ia momokani eiava lasi, sibona oi nanadaia:

• ‘Inai sivarai be lau trust tauna ta amo lau kamonai, a?’ Sivarai ia gwauraia tauna be reana infomeisen ibounai ia diba lasi. Nega haida idia gwauraia loaloa sivaraidia idia idau diba, unai dainai bema ita diba lasi daika ese unai sivarai ia gwauraia guna, ita naria namonamo. Kongrigeisen ai mai edia maduna taudia ese idia gwauraia infomeisen be momo ese idia matauraia, unai dainai bema infomeisen ta ena hamomokanina gauna be lasi, idia gwauraia lasi be namo

• ‘Inai infomeisen ese ma ta ena ladana do ia hadikaia, a?’ Bema ita gwauraia loaloa sivaraina ese ma ta ena ladana namona eiava orea ta do ia hadikaia, ita gwauraia lasi be namo.​—Ao 18:8; Fp 4:8

• ‘Inai sivarai be momokani, a?’ Ita kamonai sivarai eiava ekspiriens dekenai ita naria namonamo

VIDIO LADANA EDENA DALA AI GOSSIP KARANA LAU HADOKOA DIBA? ITAIA, BENA INAI HENANADAI HAERELAIA:

• 

  Aonega herevadia 12:18 ena hereva bamona, ta ena hereva ese dahaka dika ia havaraia diba?

• 

  Edena dala ai Filipi 2:4 ese ita ia durua ma ta ita herevalaia neganai, ita laloa namonamo guna be namo?

• 

  Dahaka ita karaia diba bema ta ese ma haida ia gwauraia dika eiava ia hevasehalaia?

• 

  Ta ita do herevalaia lasi neganai, ita sibona dekenai dahaka henanadai ita henia be namo?