Hahine Badadia be Sinana Bamona, Bona Kekeni Matamatadia be Taihuna Bamona Oi Kara Henia

Baibel ese ita ia hadibaia Keristani tatau bona hahine badadia be iseda sinana bona tamana bamona ita kara henia, bona matamata taudia be iseda tadina eiava kakana bamona ita kara henia. (1 Timoteo 5:1, 2 duahia.) Danu, tadikaka ese taihu dekenai kara namo bona hemataurai idia hahedinaraia be namo.

Namo lasi tadikaka ta be taihu ta ia hauraia kava bona ena hemami ia hadikaia. (Iob 31:1) Bona namo lasi singul tadikaka be koikoi dalanai ena hereva bona kara amo singul taihu ia koia bona do ia laloa ia ia ura henia.

Bema taihu be mai hemataurai ida elda taudia dekenai henanadai ta eiava do idia hamaoromaoroa gauna ta ia gwauraia, namona be elda taudia ese unai idia kamonai henia. Danu, elda taudia ese adavana lasi taihudia idia laloa bada be namo.​—Ru 2:8, 9.

VIDIO LADANA  TADIKAKA TAIHU DEKENAI LALOKAU HAHEDINARAIA​—VABU BONA TAMA SINA LASI NATUDIA ITAIA, BENA INAI HENANADAI HARERELAIA:

• 

  Edena dala ai kongrigeisen taudia ese Taihu Myint dekenai lalokau idia hahedinaraia?

• 

  Edena dala ai kongrigeisen taudia ese idia hahedinaraia lalokau karana ese Iehova ena ladana ia hanamoa?

• 

  Edena dala ai kongrigeisen taudia ese idia hahedinaraia lalokauna ese Taihu Myint ena natudia ia durua?

Edena dala ma haida ai oi hahedinaraia emu kongrigeisen ai idia noho taihu oi laloa bada?