Guriguri Amo Iehova Ena Heduru Oi Abia

Iehova sibona ese ta ena kudouna ai ia noho hereva momokani ena uhe ia hatubua. (1Ko 3:6-9) Unai dainai iseda haroro gaukara ai anina namona ia vara totona, Iehova dekenai ita tabekau ita bona iseda Baibel stiuden ia durua totona.

Iehova oi noia emu stadi tauna ia durua hekwakwanai idauidau ia haheaukalaia bona hahetoho ia hanaia totona. (Fp 1:9, 10) Guriguri ai emu ura gaudia oi gwauraia hedinarai. Bona oi guriguri lauma helaga ese emu lalohadai bona kara ia biagua totona. (Lu 11:13) Emu stadi taudia dekenai guriguri dalana oi hadibaia, bona oi hagoadaia unai bamona do idia karaia. Emu stiuden ida oi guriguri bona idia totona oi guriguri neganai, edia ladana oi gwauraia.

VIDIO LADANA HAHEDIBA TAUDIA HALAOA GAUKARANA OI MOALELAIA​—IEHOVA ENA HEDURU OI ABIA DAE​—GURIGURI ITAIA, BENA INAI HENANADAI HAERELAIA:

• Neeta be Jade ena stadi ia karaia lalonai dahaka hekwakwanai ia davaria?

• Edena dala ai 1 Korinto 3:6 ese Neeta ia durua?

• Edena dala ai Neeta ese ena hekwakwanai ia hanaia?