Baibel Stiuden Taudia Durua Iehova Idia Tura Henia Totona

Iehova ia ura lalokau dainai ia ita hesiai henia. (Mt 22:37, 38) Dirava lalokau henia karana ese Baibel stiuden do ia hagoadaia, ena mauri lalonai senisi haida ia karaia bona hahetoho lalonai ia gini goada totona. (1Io 5:3) Dirava lalokau henia karana ese idia do ia durua bapatiso idia abia totona.

Emu Baibel stiuden oi durua Dirava ese idia ia lalokau henia dalana idia lalopararalaia totona. Oi nanadaia: “Iehova ena kara amo dahaka oi dibaia?” eiava “Edena dala ai unai ese Dirava ena lalokau oi dekenai ia hahedinaraia?” Idia oi durua Iehova ese idia ia durua dalana idia laloa totona. (2Si 16:9) Iehova ese emu guriguri ia haerelaia daladia oi herevalaia, bona oi hagoadaia Iehova ese edia guriguri ia haerelaia dalana idia laloa. Baibel stiuden be Iehova ia lalokau henia bona ena hetura karana Dirava ida ia hagoadaia dalana oi itaia neganai, do oi moale bada.

VIDIO LADANA EMU BAIBEL STIUDEN TAUDIA OI DURUDIA IEHOVA IDIA TURA HENIA TOTONA ITAIA, BENA INAI HENANADAI HAERELAIA:

• 

  Jade be dahaka hahetoho ia davaria?

• 

  Neeta ese edena dala ai Jade ia durua?

• 

  Jade be edena dala ai ia davaria hahetoho ia hanaia?