Tuari—Dirava Ena Basileia ese Dahaka Do Ia Karaia?

Tanobada ibounai ai, tuari ia vara noho, unai ese hisihisi bona kohu momo ia hadikaia noho. Ripoti haida itaia:

• “Vanegai lagani ai, Ethiopia bona Ukraine edia tuari dainai, taunimanima momo idia mase, unai namba ese lagani 28 lalonai tuari dainai idia mase taudia edia namba ia hanaia.”​—Peace Research Institute Oslo, June 7, 2023.

• “Lagani 2022 ai, tuari momo idia vara bona ia bada, idia ta be Ukraine ena tuari. Politikol dainai idia vara dagedage be vanegai lagani amo 27% ia daekau bona taunimanima 1.7 bilioni bamona be dika idia davaria.”​— The Armed Conflict Location & Event Data Project (ACLED), February 8, 2023.

Baibel ese helaro ia henia. Ia gwau “guba Diravana ese basileia ta do ia haginia, ta ese do ia hadikaia lasi.” (Daniela 2:44) Unai Basileia o gavamani amo, Dirava ese ‘tanobada ibounai lalonai tuari do ia haorea.’​—Salamo 46:9.