Sibona Oi Noho Ena Lalohisihisi​—Dahaka Oi Karaia Diba?

• “America ai, taunimanima momo be sibona idia noho dainai idia lalohisihisi, unai namba badana be matamata taudia.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[The World Health Organization] ia gwau orea ta ia haginia, unai be Social Connection, unai amo sibona noho ena lalohisihisi taudia do ia durua. Unai orea ia laloa sibona noho dainai idia lalohisihisi taudia be helt kahanai hekwakwanai do idia davaria. Bona taunimanima idia hagoadaia ma haida tura henia totona. Bona tano ibounai dekenai unai hekwakwanai hamaoromaoroa dalana idia tahua, ena be tano haida be ogogami tanodia.”​—World Health Organization, November 15, 2023.

Baibel ese ma haida ida ita tura namonamo dalana ena sisiba namodia ia henia.

Ita ia durua diba Baibel ena hakaua herevadia

Sibona oi karaia gaudia haida oi dadaraia. Unai gau haida be hegeregere social media gaukaralaia karana. Namona be taunimanima ida oi karaia diba gaudia oi karaia bona tura korikori oi tahua.

• Baibel ena hakaua hereva: “Tura korikori be nega ibounai lalokau ia hahedinaraia, bona hekwakwanai negadia ai ia be tadikaka korikori ta bamona oi ia durua.”​—Aonega Herevadia 17:17.

Dala oi tahua haida oi durua totona. Ma haida dekenai kara namodia oi karaia neganai, unai ese hetura karana ia hagoadaia bona iseda hemami do ia namo.

• Baibel ena hakaua hereva: “Henia kara ena moale be bada, to abia kara ena moale be maragi.”​—Kara 20:35.

Emai websait dekenai oi lao Baibel amo hetura karana namona karaia dalana ena hereva ma haida abia totona.