Futnout

a Ena be Baibel ia gwau, “Bema tau ta aniani uhena ia hadoa, vadaeni unai bamona aniani sibona be do ia abia,” to reana ta ena hisihisi be Dirava ena panisi lasi. (Galatia 6:7) Satani ese inai tanobada ia biagua dainai, nega momo kara maoromaoro taudia ese hekwakwanai momo idia davaria to kara dika taudia be unai bamona lasi. (1 Ioane 5:19) Iesu ese ena hahediba taudia ia hamaoroa, ia gwau: “Lauegu ladana dainai taunimanima ibounai ese do idia badu henia umui dekenai.” (Mataio 10:22) Dirava ena hesiai taudia mai edia kamonai iboudiai ese gorere bona dika idaudia idia davaria diba.​—Salamo 41:3; 73:​3-5; Filipi 2:​25-27.