Deuteronomi
33 Dirava momokani ena hesiai tauna, Mose, ia do mase lasi neganai, ia ese Israela taudia dekenai inai hanamoa hereva ia gwauraia.+ 2 Ia gwau:
“Iehova be Sinai amo ia mai,+
Bona Seiri amo idia latanai ia hedinarai.
Parana ena ororo gabudia amo mai hairai ida ena diari lalonai ia hedinarai,+
Bona ia ida be aneru helagadia tausen momo,*+
Bona ena imana idiba kahana dekenai be ena tuari taudia goadadia.+
3 Ia ese ena taunimanima ia lalokau henia.+
Edia helaga taudia ibounai be emu imana dekenai.+
5 Taunimanima edia gunalaia taudia bona
Israela ena iduhu taudia idia hebou neganai,+
6 Lau guriguri Rubena do ia mauri bona do ia mase lasi,+
Bona ena taunimanima edia namba ia maragi lasi be namo.”+
7 Bona Iuda dekenai inai hanamoa hereva ia gwauraia:+
“Iehova e, Iuda ena hereva oi kamonai,+
Bona namona be ena taunimanima dekenai ia oi abia giroa lou.
Ia ese ena imana ia abia isi ena taunimanima ia gimaia totona,
Ia oi durua ena inai taudia ia tuari henia totona.”+
8 Levi totona ia gwau:+
Meriba ena ranu gabudia ai ia ida oi hepapahuahu matamaia,+
9 ‘Levi taudia ese edia tamana bona sinana idia laloa lasi.’
Idia ese edia tadikaka danu idia lalodia lasi,+
Bona edia natudia korikori edia kahana ai idia gini lasi.
Badina Levi taudia ese emu hereva idia kamonai,
Bona emu taravatu idia badinaia.+
10 Namona be Iakobo dekenai emu hahemaoro hereva idia hadibaia,+
Oibe, Israela dekenai emu Taravatu idia hadibaia.+
Namona be oi dekenai* bonana namo muramura idia bouboulaia,+
Bona emu boubou patana latanai gabua ore boubou idia henia.+
11 Iehova e, iena goada oi hanamoa,
Bona iena ima gaukaradia oi moalelaia.
Ia tuari henia totona idia toreisi taudia edia aena* oi hamakohia,
Unai amo ia idia inai henia taudia be do idia gini diba lasi.”
12 Beniamina totona ia gwau:+
“Lau guriguri Iehova ese ena lalokau tauna do ia naria be namo,
Dina ta ibounai lalonai ia gimaia,
Ia be ena pagana ruaosi huanai do ia noho.”
13 Iosepa totona ia gwau:+
“Lau guriguri Iehova ese ena tano ia hanamoa+
Guba ena gau namodia amo,
Daba ena paripari bona sinavai amo idia mai ranu amo,+
14 Dina ena diari dainai idia tubu gau namodia amo
Bona hua ta ta ai ena aniani namodia amo,+
15 Gunaguna idia noho ororodia* edia gau namo hereadia amo+
Bona idia noho daudau ororo maragidia edia gau namodia amo,
16 Tanobada bona ia dekenai idia honu gau namodia+
Bona au ginigini lalonai ia hedinarai Tauna ena lalonamo.+
Unai gaudia be Iosepa ena kwarana latanai idia diho be namo,
Oibe, ena tadikaka huana amo idia abia hidi tauna ena kwarana latanai idia diho.+
17 Iena hairai be boromakau ena vara guna bamona,
Bona ena doana be dagedage boromakau ena doana.
Unai doana amo taunimanima do ia doria lao*
Ela bona tanobada ena dokona.
Unai doana be Eparaima ena tuari taudia ten tausen momo,+
Bona idia be Manase ena tuari taudia tausen momo.”
18 Sebuluno totona ia gwau:+
“Sebuluno e, namona be emu laolao lalonai oi kwalimu bona oi moale,
Bona Isakara e, emu palai ruma ai oi moale.+
19 Idia ese taunimanima be ororo dekenai do idia boiria lao.
Unuseniai kara maoromaoro bouboudia do idia henia.
Badina idia ese davara ena dava bada kohudia do idia abia
Bona miri lalonai idia hunia dava bada kohudia danu.”
20 Gado totona ia gwau:+
“Gado ena tano hetoana ia habadaia tauna do ia hanamoa.+
Ia be laiona bamona unuseni ia hekure,
Ia hegaegae ena inai tauna ena imana ia darea oho totona, oibe, iena kwarana unai.
21 Ia sibona totona kahana ginigunana do ia abia hidi,+
Bona unai kahana be taravatu henia tauna ese ia totona ia atoa siri.+
Taunimanima edia gunalaia taudia be do idia haboua.
Ia ese Iehova ena kara maoromaoro do ia hahedinaraia,
Oibe, Israela taudia dekenai iena hahemaoro hereva do ia hahedinaraia.”
22 Dano totona ia gwau:+
“Dano be laiona natuna.+
Ia be Basana amo do ia roho-lasi.”+
23 Napatali totona ia gwau:+
“Napatali be Iehova ena lalonamo ia abia dainai ia moale,
Bona iena hanamoa amo ia honu.
Ia ese west bona saut kahana ia abia.”
24 Asere totona ia gwau:+
“Dirava ese Asere ia hanamoa bona natudia momo ia henia.
Namona be ena tadikaka ese ia idia ura henia,
Bona namona be ena aena be dehoro lalonai ia atoa.
25 Oiemu geiti ena loka be auri bona kopa amo,+
Bona emu mauri dinadia ibounai lalonai do oi noho namonamo.*
26 Ma ta be Iesurunu+ ena Dirava momokanina hegeregerena lasi,+
Ia be guba dekenai ia hanaia lao oi ia durua totona
Bona mai hairai bada ida ori amo ia hanaia lao.+
Bona ia ese emu inai tauna be emu vairana amo do ia lulua,+
Bona do ia gwau, ‘Idia oi hadikaia ore!’+
28 Israela be do ia noho namonamo,
Bona Iakobo ena ranu guri be sibona do ia noho
Witi bona wain matamata tanona ai,+
Bona ia latanai guba amo daba ena paripari do ia diho.+
29 Israela e, oi moale!+
Daika be oi bamona?+