Iosua

13 Iosua be ia buruka vadaeni bona ena mauri lagani be bada.+ Unai dainai Iehova be ia dekenai ia gwau: “Oi be oi buruka vadaeni bona emu mauri lagani be bada, to tano bada herea ia do noho oi abia totona. 2 Idia do noho tanodia be inai:+ Filistia taudia bona Gesuru taudia edia tano ibounai,+ 3 (Aigupito ena ist kahana ai ia noho Naila Sinavai* amo ela bona Ekarona ena boda, unai be not kahana dekenai, guna idia gwauraia Kanana taudia edia tano)+ bona Filistia lohia taudia 5 ese idia lohiaia tanodia danu,+ idia be Gasa, Asadoda,+ Asakelona,+ Gata,+ bona Ekarona.+ Bona Avima taudia danu be unai tano ai idia noho.+ 4 Bona saut kahana ai Kanana taudia edia tano ibounai, Meara, Sidono taudia edia tano unai,+ ela bona Apeka, ia be Amoro taudia edia boda dekenai ia noho. 5 Gebala taudia edia tano+ bona Lebanona ena ist kahana ibounai bona Bala-gada, Heremona Ororo henunai ia noho tano unai, ela bona Lebo-hamata.*+ 6 Bona ororo gabudia ai idia noho taudia ibounai Lebanona amo+ ela bona Misirepoto-maimi,+ bona Sidono taudia ibounai.+ Lau ese Israela taudia edia vairana amo idia do lau lulua raka-lasi.+ Bona oi ese unai tano be Israela taudia dekenai do oi henia, edia ahuna bamona, oi lau oda henia hegeregerena.+ 7 Namona be oi ese unai tano be iduhu 9 bona Manase iduhu kahana dekenai oi haria, edia ahuna bamona.”+

8 To Manase iduhu kahana ma ta, Rubena iduhu bona Gado iduhu edia ahuna be Mose ese idia dekenai ia henia vadaeni, unai be Ioridane ena ist kahana ai. Iehova ena hesiai tauna Mose ese ia henia tano be inai:+ 9 Aranona Koura ena isena ai ia noho siti,+ Aroere+ bona koura huanai ia noho siti, bona Medeba ena tano palakana amo ela bona Dibona. 10 Bona Amoro taudia edia king, Sihona ena siti ibounai, ia be Hesebona ai ia lohia, ela bona Amono taudia edia boda dekenai.+ 11 Bona Gileada, Gesuru bona Makata taudia edia tano danu,+ bona Heremona Ororo ibounai bona Basana ibounai+ ela bona Saleka.+ 12 Bona Oga ena basileia ibounai Basana ai, ia be Asataroto bona Ederei ia lohiaia. (Ia be Repaima taudia ginigabedia ta.)+ Mose ese idia ia halusia bona idia ia lulua.+ 13 To Israela taudia ese Gesuru bona Makata taudia idia lulua lasi.+ Gesuru bona Makata taudia be Israela taudia huanai idia noho ema bona hari.

14 Mose ese Levi iduhu dekenai ahuna ta ia henia lasi.+ To taunimanima ese Iehova, Israela ena Dirava dekenai idia henia lahi boubou amo edia kahana idia abia,+ ia ese ia gwauhamata henidia hegeregerena.+

15 Bena Mose ese Rubena iduhu dekenai ahuna ia henia, edia famili ta ta hegeregerena. 16 Bona edia tano be Aroere amo, unai be Aranona Koura ena isena ai ia noho, bona unai koura ena huanai ia noho siti, bona Medeba ena tano palaka ibounai. 17 Hesebona bona ena taoni ibounai,+ idia be tano palakana ai idia noho, bona Dibona, Bamoto-bala, Bete-bala-meono,+ 18 Iahasa,+ Kedemoto,+ Mepata,+ 19 Kiriataimi, Sibima,+ bona Serete-sahara, unai be ororo ataiai, bona unai ororo be koura kahirakahira, 20 Bete-peoro, Pisiga ena koura,+ Bete-iesimoto,+ 21 tano palaka ena siti ibounai, bona Amoro taudia edia king, Sihona, Hesebona ai ia lohia tauna unai, ena basileia ibounai.+ Mose ese ia bona Midiana ena iduhu gunalaia taudia Evi, Rekema, Suru, Huru, bona Reba ia halusidia.+ Idia be Sihona ena lohia taudia* bona unai tano ai idia noho. 22 Beoro ena natuna, Balama,+ meamea tauna unai,+ be Israela taudia ese tuari kaia amo ma haida idia alaia mase neganai, ia danu idia hamasea. 23 Rubena taudia edia tano hetoana be Ioridane. Bona unai tano mai edia siti bona hanua be Rubena taudia ese edia famili ta ta hegeregerena idia abia, edia ahuna bamona.

24 Danu, Mose ese Gado iduhu dekenai ahuna ia henia, edia famili ta ta hegeregerena. 25 Bona edia tano be Iasera+ bona Gileada ena siti ibounai bona Amono taudia edia tano kahana+ ela bona Aroere, ia be Raba ia vaira henia.+ 26 Bona Hesebona amo+ ela bona Ramata-misipe bona Betonimi, bona Mahanaimi amo+ ela bona Debiri ena boda. 27 Bona koura ai be Bete-harama, Bete-nimera,+ Sukoto,+ bona Sapona, idia be Hesebona ena king, Sihona ena basileia oredia ibounai.+ Bona edia tano be Ioridane ena ist kahana ibounai amo ela bona Kinerete Gohuna* ena isena dekenai.+ 28 Unai siti bona edia hanua ibounai be Gado taudia ese edia famili ta ta hegeregerena idia abia, edia ahuna bamona.

29 Danu, Mose ese Manase iduhu kahana dekenai edia ahuna ia henia, bona unai ahuna be idia bona edia famili ta ta ese idia abia.+ 30 Bona edia tano be Mahanaimi amo+ ela bona Basana ibounai, anina be Basana ena king, Oga ena basileia henunai idia noho gabu ibounai, bona Basana ena taoni lalonai idia noho Iairi ena hanua* ibounai,+ taoni ibounai 60. 31 Bona Gileada kahana ta, Asataroto bona Ederei,+ idia be Oga ena basileia henunai idia noho siti, Basana ai. Idia be Makiri ena natudia ese idia abia, ia be Manase ena natuna, oibe, Makiri ena famili kahana ta ese idia abia.+

32 Moaba ena taunimanima lasi gabuna ai Mose ese idia dekenai unai ahuna ia henia, unai be Ioridane unai kahana ai, Ieriko ena ist kahana dekenai.+

33 To Mose ese Levi iduhu dekenai ahuna ta ia henia lasi.+ Iehova, Israela ena Dirava be edia ahuna, ia ese idia ia gwauhamata henia hegeregerena.+