LESENI 08
Iehova Ena Turana ai Oi Lao Diba
Iehova ia ura ia do oi diba namonamo. Dahaka dainai? Ia ura iena kara, iena dala bona ia karaia gaudia oi dibaia, unai amo do oi ura ia oi tura henia. Dirava oi tura henia diba, a? (Salamo 25:14 duahia.) Dahaka oi karaia diba iena turana ai oi lao totona? Baibel ese unai henanadai ia haerelaia, bona do ia hahedinaraia Iehova oi tura henia karana be mai anina bada.
1. Iehova ese oi ia boiria dahaka oi karaia totona?
“Dirava kahirakahira umui lao, bona ia be umui kahirakahira do ia mai.” (Iamesi 4:8) Unai ena anina be dahaka? Iehova ese oi ia boiria iena turana ai oi lao totona. Haida idia laloa Dirava idia tura henia be auka, badina ia idia itaia diba lasi. To Iehova ese ena Hereva, Baibel amo iena kara idauidau ia hahedinaraia, bona unai ita dibaia neganai, ia kahirakahira ita lao diba. Dirava ena hereva be ita sibona ese ita duahia neganai, iseda hetura karana Iehova ida ia goada ia lao, ena be ia ita itaia lasi.
2. Dahaka dainai Iehova be emu Tura namona?
Iehova sibona be oi ia lalokau henia bada. Ia ura do oi moale bona heduru totona ia dekenai oi lao diba. “Emui lalohekwarahi ibounai be ia dekenai umui negea lao, badina ia be umui ia laloa bada.” (1 Petero 5:7) Iehova be ia noho hegaegae iena turadia do ia durua, hagoadaia bona kamonai henidia totona.—Salamo 94:18, 19 duahia.
3. Iehova ia ura iena turadia be dahaka do idia karaia?
Iehova be taunimanima ibounai ia lalokau henia, “to kara maoromaoro tauna be Dirava ena turana namona.” (Aonega Herevadia 3:32) Iehova ia ura iena turadia ese gau namodia idia karaia, bona gau dikadia do idia dadaraia. Haida idia laloa idia be Iehova ena taravatu namo bona dika dekenai idia badinaia be auka. To Iehova be hebogahisi Diravana. Ia idia lalokau henia momokani bona idia hekwarahi ia idia hamoalea taudia ibounai ia abia dae.—Salamo 147:11; Kara 10:34, 35.
DIBA MA HAIDA ABIA
Iehova tura henia dalana bona dahaka dainai ia be Tura namona ena diba ma haida oi abia.
4. Aberahamo be Iehova ena turana
Baibel lalonai Aberahamo (ladana ma ta be Aberamo) ena sivarai ese ita ia durua Dirava tura henia karana ena anina ita lalopararalaia totona. Genese 12:1-4 ai Aberahamo ena sivarai oi duahia. Bena inai henanadai herevalaia.
Iehova ese Aberahamo ia noia dahaka ia karaia totona?
Iehova ese Aberahamo dekenai dahaka ia gwauhamatalaia?
Aberahamo be dahaka ia karaia?
5. Iehova ia ura ena turadia be dahaka do idia karaia?
Vaia ita ura iseda turadia be gau haida idia karaia.
Oi ura emu turadia ese dahaka gaudia do idia karaia?
Ioane Ginigunana 5:3 duahia, bena inai henanadai herevalaia:
Iehova ia ura iena turadia be dahaka do idia karaia?
Iehova ita badinaia totona, namona be iseda kara eiava mauri dalana do ita haidaua. Isaia 48:17, 18 duahia, bena inai henanadai herevalaia:
Dahaka dainai Iehova ese ena turadia ia noia edia mauri dalana idia haidaua totona?
Tura namona be iseda namo bona ita do ia gimaia gaudia be ita dekenai ia hadibaia. Iehova danu be iena turadia totona unai bamona ia karaia
6. Iehova ese iena turadia totona ia karaia gaudia
Iehova ese iena turadia ia durua edia hekwakwanai idia haheaukalaia totona. VIDIO itaia, bona henunai idia noho henanadai herevalaia.
Inai vidio lalonai edena dala ai Iehova ese inai hahine ia durua ena lalohadai kereredia bona lalometau ia hanaia totona?
Isaia 41:10, 13 duahia, bena inai henanadai herevalaia:
Iehova ia gwauhamata iena turadia totona dahaka do ia karaia?
Oi laloa Iehova be emu tura namona ai ia lao diba, a? Dahaka dainai?
Tura namodia be ita idia durua. Iehova danu be oi do ia durua
7. Iehova tura henia totona, namona be ia ida ita herevahereva bona kamonai henia
Herevahereva karana ese hetura karana ia hagoadaia. Salamo 86:6, 11 duahia, bena inai henanadai herevalaia:
Edena dala ai Iehova ita hereva henia diba?
Edena dala ai Iehova ese ita ia hereva henia?
Ita be guriguri amo Iehova ita hereva henia; ia be Baibel amo ita ia hereva henia
HAIDA IDIA GWAU: “Ia auka Dirava ena turana ai ita lao totona.”
Edena siri amo oi hahedinaraia diba ita be Iehova ena turana ai ita lao diba?
POINT BADANA
Iehova ia ura ena turana ai oi lao, bona oi do ia durua ia kahirakahira oi lao totona.
Riviu
Edena dala ai Iehova ese iena turadia ia durua?
Dahaka dainai Iehova ese ena turadia ia hadibaia edia mauri dalana idia haidaua totona?
Oi laloa ia auka Iehova ena turana ai oi lao totona, a? Dahaka dainai unai bamona oi hereva?
REFERENS ITAIA
Edena dala ai emu hetura karana Dirava ida ese emu mauri ia haidaua?
“Iehova Dirava Dibaia Ena Namo” (The Watchtower, February 15, 2003)
Dirava ena turana ai lao dalana oi dibaia.
Hahine ta ia mamia iena hetura karana Iehova ida ese ia ia hamauria dalana oi itaia.
Matamata taudia ese Iehova tura henia karana dekenai edia hemami idia gwauraia dalana oi kamonai.