◼ HEDURU PIONEER GAUKARA: April ena hua lalonai namona be oi goada karaia heduru pioneer gaukara oi karaia totona, ani? Unai hua lalonai gaukara taudia edia holide be rua. Lohiabada ena Adorahi Anianina ena hebou be Tuesday, April 6, dina ia diho murinai do ita karaia. Bema April lalonai elda bona hesiai taudia be mai edia dala heduru pioneer gaukara idia karaia, unai ese pablisa taudia ia hagoadaia idia karaia totona danu.

January Ena Hesiai Hebou

December 28 ai Ia Matamaia Purana

Ane 180

10 min: Kongregesen ena hadibaia herevadia.

20 min: “Ruma Bese ena Bible Stadi Namona Karaia Dalana.” Duahiduahi idia diba momo tadikaka oi abia hidi guna paragraf ta ta idia duahia totona, bena idia duahia murinai henanadai do oi gwauraia. Bema nega ia hegeregere, tama bona sina rua oi boiridia platfom dekenai, bona edia ruma bese stadi dekenai dahaka idia karaia natudia hadibaia bona stadi idia moalelaia totona do idia gwauraia.

15 min: “Lagani 1993 Ena Siri Badana: ‘Iehova e, emu dala lau oi hadibaia . . . Lauegu kudouna oi hatamonaia oiemu ladana gari henia totona.’​—Sal. 86:11.“ Duahiduahi idia diba momo tadikaka oi abia hidi guna paragraf ta ta idia duahia totona, bena idia duahia murinai henanadai do oi gwauraia.

Ane 77 bona guriguri.

January 4 ai Ia Matamaia Purana

Ane 10

10 min: Kongregesen ena hadibaia herevadia.

20 min: “Lagani 1993 Lalonai Dahaka Do Oi Karaia Sikuli Dekenai?” Duahiduahi idia diba momo tadikaka oi abia hidi guna paragraf ta ta idia duahia totona, bena idia duahia murinai henanadai do oi gwauraia.

15 min: Memero Kekeni Badadia bona Maragidia E, Lagani 1993 Ai Edena Bamona Iehova Umui Hamoalea Diba? Iseda natudia badadia bona maragidia momo be edia sikuli negana ia kahirakahira vadaeni. Elda ta ese memero bona kekeni haida do ia henanadai henia. Namona be idia hegaegae namonamo guna. Namona be inai henanadai idia dekenai oi henia:

1. Bema oi goada karaia sikuli ena diba oi abia totona dahaka dainai unai ese Iehova ia hamoalea?

2. Dahaka dainai tisa taudia edia hereva oi badinaia be namo?

3. Tisa taudia be edena bamona memero kekeni idia ura henia?

4. Dahaka do oi karaia emu tisa taudia hamoalea totona?

5. Oi laloa nega haida harihari gauna ta eiava palaoapalaoa tisa dekenai oi henia be ia namo, a? Dahaka dainai?

6. Iehova ena sivarai be emu tisa taudia dekenai do oi kikilaia, a?

7. Oiemu lalohadai tanobada bese edia holide karadia dekenai be dahaka?

8. Daika sibona ita tomadiho henia be namo?

9. Sikuli natudia be buatau, kuku, drag eiava bia oi idia henia toho neganai, dahaka do oi karaia?

(Itaia: Memero bona kekeni edia lagani bona edia diba hegeregerena idia dekenai henanadai oi henia.)

Ane 146 bona guriguri.

January 11 ai Ia Matamaia Purana

Ane 92

10 min: Kongregesen ena hadibaia herevadia.

20 min: Kiki Herevana. Inai Kiki Herevana matamatana ia namo ena badina do oi kikilaia.

Kara Dika Negana Do Ia Ore.

2 Timoteo 3:​1-5: Nega dokona lalonai kara dika momo idia vara.

Luka 21:​28: Hahemauri negana be ia kahirakahira.

HAHEITALAI 1: Taihu kekeni rua be ruma ta ruma ta gaukara idia karaia. Hahine ta be ia nanadu lalonai idia davaria. Idia kiki noho lalonai ia gwau gau iboudiai edia davana idia bada idia lao. Taihu rua be Kiki Herevana matamatana idia gwauraia, bona murinai Maino buka idia henia. Dala idia hegaegaelaia idia lou henia totona.

HAHEITALAI 2: Tadikaka rua be ruma ta ruma ta gaukara idia karaia. Ia lalohisihisi tauna ta idia davaria. Unai tau be ia lalohisihisi badina hua gunanai ena natuna maragina ia mase motuka aksiden dekenai. Tadikaka rua ese unai Kiki Herevana matamatana idia gwauraia, bona murinai mase bona toreisi lou ia gwauraia pepapepana ta idia henia. Idia hamaoroa pura vairanai do idia giroa lou idia kiki hebou lou totona.

15 min: Emu Natudia be Dirava ena Hereva amo Oi Hadibadia bona Sikuli Dekenai Idia Lao Neganai, Edia Kudouna Dekenai Do Idia Laloatao. Elda ta ese inai hereva ia gwauraia.

Ita be inai tanobada dikana dekenai ita noho, bona ena taunimanima idia ura edia kara dikana ita tohotohoa. Memero bona kekeni dekenai unai kara ia momokani. Namona be tama bona sina be edia natudia edia ura bona edia hekwakwanai idia diba be namo. (Her. 20:5) Namona be Dirava ena taravatu bona ena lalokau oi hadibaia idia dekenai, bona tama bona sina edia lalokau danu idia hahedinaraia idia dekenai.

HAHEITALAI: Ruma bese ta ese Sikuli buklet gaukaralaia dalana idia herevalaia hebou. Natuna ta be iena nega ginigunana sikuli dekenai ia lao, to natudia rua be lagani haida lalonai idia sikuli vadaeni. Idia ta ta edia kara hegeregerenai hereva ta oi abia hidi bona oi herevalaia. Namona be tama eiava sina be tisa ena gabu ia abia bona natuna be sibona ena lalohadai amo ia dekenai ia hereva. Natudia ese unai taravatu idia lalo-pararalaia be namo. Namona be inai hereva ia henia tadikakana ese ruma bese taudia ia hagoadadia edia ruma bese stadi do idia karaia hanaihanai totona, bona ia hahedinaraia goevagoeva namona be tama bona sina be edia natudia danu idia hetura namonamo.

Ane 165 bona guriguri.

January 18 ai Ia Matamaia Purana

Ane 118

10 min: Kongregesen ena hadibaia herevadia. Kongregesen ena akaun ripotina gwauraia.

20 min: “Emu Lalona Oi Hadaia Nega Ibounai Hesiai Gaukarana Karaia Totona.” Duahiduahi idia diba momo tadikaka oi abia hidi guna paragraf ta ta idia duahia totona, bena idia duahia murinai henanadai do oi gwauraia.

15 min: “Kingdom Hall Oi Laloa Bada, A? Oi Matauraia, A?” Elda ta ese inai hereva be helai taudia ida ia herevalaia.

Ane 15 bona guriguri.

January 25 ai Ia Matamaia Purana

Ane 151

10 min: Kongregesen ena hadibaia herevadia.

20 min: “Magasin Hariharilaidia Karana amo Moale Habadaia.” Hebou vairanai, idia duahiduahi namonamo diba taudia oi abia hidi paragraf ta ta do idia duahia totona, bona idia duahia murinai henanadai be helai taudia oi henidia.

15 min: Nega Dikadia Do Idia Ore, A? Elda ta ese haheitalai ia hegaegaelaia. Elda ta ese haheitalai ia hegaegaelaia.

KARAIA DALANA: Guna Jane ena turana ta, ladana Mareta, be hanua amo ia mai Jane ia vadivadi henia totona. Mareta be iena hanua ena misini kekeni ta, to iena turana Jane be Iehova ena Witness taudia edia hereva ia kamonai henia noho vadaeni.

Jane: Mareta, hari, lau be hanua ena misini kekeni lasi. Lau ura Iehova ena Witness kekeni ta ai do lau lao.

Mareta: Dahaka! Jane, oi diba lasi iseda dubu haidaua karana be mai ena kerere, a? Lau hoa bada, badina oi be iseda hanua ena dubu goada kekenina ta, bona oiemu ruma bese ibounai be unai dubu ena memba taudia. Oi karaia gauna do idia moalelaia lasi momokani. Dahaka dainai oi ura emu dubu oi haidaua?

Jane: Mareta, oi diba iseda hanua ena dubu ena memba taudia be hanaihanai idia lalo-tamona lasi, hanaihanai idia heai heheni bona sibodia idia heatu heheni danu!

Mareta: Oibe, unai lau diba. Bona unai lau lalo-hekwarahilaia danu.

Jane: Bona ma gau ta be inai! Dubu taudia ese Bible ena hereva momo edia anina lau dekenai idia hadibaia lasi.

Mareta: To edena bamona Iehova ena Witness taudia edia hereva oi abia dae?

Jane: Nega ta lau lalohisihisi noho, bona unai nega ai Iehova ena Witness hahine ta be lauegu ruma dekenai ia mai. Ia be Bible ena hereva ia daradaralaia lasi, bona ia hahedinaraia taunimanima edia hekwakwanai ena haere iboudiai be Bible lalonai, unai dainai lau boiria vareai ruma ai ia helai totona. Bona ena Bible ia kehoa bona siri ta ia duahia. Bona ia duahia herevana ese lau ia hagaria bada.

Mareta: Dahaka ia duahia.

Jane: Lauegu Bible do lau abia guna bona oi dekenai do lau duahia. (Bible ia abia.) Inai, 2 Timoteo 3:​1, 2 dekenai. (Ia duahia.) Unai lau kamonai neganai, lau diba ita be nega dokonai ita noho. Bena unai Iehova ena Witness hahine ia gwau: “Ita gari ena badina ta be lasi badina Iesu be Luka dekenai inai bamona ia gwau.” (Luka 21:28 ia duahia.)

Mareta: Unai hereva ibounai be namo herea. Ma dahaka ia gwauraia oi dekenai?

Jane: Lau dekenai Gima Kohorona magasin ia hahedinaraia. Do lau abia bona oi dekenai do lau haheitalaia. (Magasin ia abia.) Gauna inai. (Mareta dekenai ia hahedinaraia.) Inai “Gima Kohorona magasin idia karaia ena badina” do lau duahia oi dekenai. (Ia duahia.) Inai hereva lau ura henia dainai lagani ta ena sabskripsen lau abia, bona unai magasin ena kopi haida lau abidia vadaeni.

Mareta: Ena davana be hida?

Jane: Ena davana be K6.00 sibona. Natudia be hari sibona sikuli amo idia ginidae inai. Gabeai unai do ita kikilaia hebou. (Natudia be platfom dekenai idia lao bona Jane, Mareta bona natudia ibounai be platfom idia rakatania.)

Elda: Oi be mai emu turadia haida, Mareta bamona, a? Hereva momokani idia dekenai oi herevalaia vadaeni, a? Reana idia haida be sabskripsen do idia ura henia, ani? Mani oi karaia toho, ani?

Ane 165 bona guriguri.

Emu Lalona Oi Hadaia Nega Ibounai Hesiai Gaukarana Karaia Totona

¹ Iseda gwauhamata hagugurua totona bona mauri hanaihanai do ita abia totona, gau badana be Keristen ena haroro gaukarana ita karaia. (Roma 10:10; 1 Tim. 4:16) Iesu ese taunimanima haida ia boiridia neganai iena hahediba taudia ai do idia lao totona, ia hahedinaraia goevagoeva edia maduna ta be Dirava ena Basileia ena sivarai do idia harorolaia. (Luka 9:57-62) Iesu ena boiboi ita kamonai bona ena hahediba taudia ai ita lao neganai, reana iseda moni gaukara do ita haidaua lasi, to ena anina be iseda lalohadai ita haidaua mai anina bada gaudia do ita lalodia guna totona. Mai anina bada gaukarana ta be Iehova ena “hoa kara badadia [ita] gwauraia hedinarai.” Unai anina be hahediba taudia ita halaodia danu. (1 Pet. 2:9; Mat. 24:14; 28:19, 20) Iehova dekenai edia mauri idia gwauhamatalaia taudia iboudiai be haroro gaukara idia laloa guna. Idia momo be mai edia dala dainai nega ibounai hesiai gaukarana idia karaia.—2 Kor. 4:1-7.

IA BE MAURI DALA NAMONA

² Pioneer ta be lagani 54 lalodiai nega ibounai hesiai gaukarana ia karaia, bona ia gwau: “Lau abia hekwakwanai be momo lasi, to lau abia hahenamo be momo herea. Bema mai egu dala lau matamata lou, egu mauri dala lau haidaua lasi, do lau ura egu mauri ibounai lau henia Dirava badana, Iehova, ena hanamoa gaukarana lau karaia totona.” Tanobada ena gaukara ta amo unai bamona lalona ena mamina namona bona moale bada karana do lau abia diba lasi. Nega ibounai hesiai gaukarana be Dirava abidadama henia dalana ta, bona unai gaukara amo hahenamo momo hari bona gabeai danu do ia havaraia diba.—1 Tim. 4:8.

³ Nega ibounai hesiai gaukarana amo oi moale bada badina heduru karana bona henia karana oi karaia momo dainai. (Kara 20:35) Emu turana karaia karana Iehova bona ena Natuna, Iesu Keriso dekenai ia habadaia bona ia hagoadaia badina Basileia gaukarana oi karaia hanaihanai dainai. (Luka 16:9; 1 Kor. 15:58) Oi lalo-manau bona emu lalona ena mamina ia namo, badina mai emu dala neganai emu goada ibounai ida pioneer haroro gaukarana oi karaia. Unai maduna oi manadalaia dainai unai ese oi ia durua haroro gaukara habadaia bona Iesu ena hahegani oi badinaia totona, ia gwau, ”Basileia bona iena kara maoromaoro do umui tahua guna.”—Mat. 6:33.

⁴ Taunimanima momo idia karaia hegeregerena, bema oi ura pioneer gaukara do oi karaia, namona be unai oi gurigurilaia noho Iehova dekenai dala ia kehoa totona. (Mat. 7:7, 8) Momo herea be heduru pioneer gaukara idia karaia guna, bena unai dala amo edia abidadama Iehova dekenai idia habadaia.

⁵ Mai ena diba bona aonega bada taudia sibodia lasi be pioneer gaukara idia karaia diba. To bema Dirava bona taunimanima oi lalokau henidia momokani, bona oi hegeregere nega haida oi sibona emu ura oi reaia, vadaeni pioneer gaukara oi karaia diba. (Mat. 22:37-39; Fil. 4:13) Keristen haroro gaukarana ese oi do ia durua kara namodia oi manadalaia totona, bona Aramagedono amo do idia roho mauri taudia ese unai bamona kara idia hahedinaraia be mai anina bada. Bema nega ibounai hesiai gaukarana oi karaia unai ese emu lalokau, abidadama, moale bona maino do ia habadaia. (Gal. 5:22, 23) Unai dainai namona be emu lalona oi hadaia pioneer gaukara oi karaia totona bona unai gaukara namona oi karaia noho!

[Questions]

1. (a) Roma 10:10 oi duahia. Oiemu Keristen haroro gaukarana oi laloa bada, a? (b) Luka 9:57-62 ia gwau Iesu murinai ia raka tauna ese dahaka hahegani ia abia? (c) Edena Bible siri idia hahedinaraia gwauhamata Keristen taudia be haroro gaukarana do idia laloa guna be gau badana, a? (d) Korinto Iharuana 4:​1, 7 hegeregerena, dahaka dainai Keristen taudia momo be nega ibounai hesiai gaukarana idia karaia?

2. (a) Tanobada gaukara ta amo lasi, to pioneer gaukara amo dahaka hahenamo do oi abia diba? (b) Timoteo Ginigunana 4:8 ai, Paulo ese dahaka hahenamo haida ia gwauraidia?

3. (a) Dahaka dainai nega ibounai hesiai gaukarana amo moale bada oi abia? (b) Luka 16:9 ese turana karaia karana ia gwauraia. Unai turana taudia be daidia?

4. Mataio 7:7, 8 lalonai dahaka sisiba ia noho idia ura pioneer gaukara idia karaia taudia totona?

5. (a) Dahaka do oi karaia nega ibounai hesiai gaukarana oi karaia namonamo totona? (b) Edena bamona nega ibounai hesiai gaukarana ese oi do ia durua Aramagedono amo do oi roho mauri totona?

This article is repeated in km 12/93.

Kingdom Hall Oi Laloa Bada, A? Oi Matauraia, A?

¹ Iseda hanua lalonai ruma iboudiai amo Kingdom Hall be mai anina bada ita dekenai. Oi laloa bada, a? Oi matauraia, a?

² Dahaka dainai ita dekenai ia be mai anina bada rumana? Badina ia be iseda tomadiho gabuna dainai. Iehova ena taunimanima idia hebou neganai Iehova idia tomadiho henia totona, ena be Dirava idia itaia lasi to iena lauma helaga ia noho. Keriso Iesu danu ia gwauhamata, ia gwau tomadiho totona iena hahediba taudia rua eiava toi idia hebou neganai, ia be idia ida ia noho! Iseda hebou dekenai Iehova bona Keriso Iesu idia noho be hahenamo badana momokani!

³ Iseda Kingdom Hall be Iehova ena ladana ia hahedinaraia. Kingdom Hall ena saini ta dekenai dahaka ita torea? Ita torea herevana be inai: “Iehova ena Witness Taudia edia Kingdom Hall.” Basileia (Kingdom) be Bible ena hereva badana. Unai dainai unai saini ese Iehova ena ladana ia hahedinaraia. Daika sibodia be Basileia ena sivarai idia harorolaia tanobada ibounai lalonai? Ita Iehova ena Witness taudia sibona, ani?

⁴ Oibe, iseda hanua lalonai ruma iboudiai amo Kingdom Hall be mai anina bada ita dekenai. Momokani ena be unai bamona ita laloa, to ita matauraia momokani, a?

⁵ Ita laloaboio lasi, kongregesen ena tano bona ruma be ‘Basileia ena kohu’ bona ita matauraia be gau badana badina ia be ‘Basileia gaukarana’ ia durua dainai. Taunimanima be aedia amo eiava motuka amo iseda Kingdom Hall idia hanaia neganai dahaka idia laloa?

⁶ Namona be iseda Kingdom Hall ena saini ita laloa guna. Ena toana ia namo bona ia goeva, a? Bema ia dika sisina namona be ita hanamoa. Bema magu ia noho, ena toana be ia namo, a? Unai gabu totona ia hegeregere, a? Geiti be ia hegeregere, a? Bema Kingdom Hall tanona ena hetoana dekenai, palaoapalaoa ita hadodia magu bamona, ita utudia namonamo toana ia namo totona, a?

⁷ Hari, namona be Kingdom Hall ena tano ita laloa. Rei ita utua namonamo bona ranu ita henia dainai toana ia namo, a? Sisia eiava boroma be idia loaloa kava unuseniai, a? Bema oibe, tano idia hamiroa, bonana dikana ia noho bona lao do idia mai bona unai amo gorere idia vara diba. Mei gabudia be ruma lalonai eiava ruma murimurinai? Herevana edeseniai idia noho, to gau badana be idia goeva bona bonana dikana ia noho lasi. Hanaihanai toilet pepa ia noho, a? Bema imana huria besini ia noho, sopu bona tauele danu idia noho, a? Mei rumana bona ia lalonai idia noho gaudia be hanaihanai idia goeva, a? Namona be hebou vairanai bona murinai mei rumana do idia sekea unai gaudia idia noho totona. Madi, nega momo mei rumana idia naria namonamo lasi dainai ena toana ia dika bona ia be mai ena bonana danu.

⁸ Ita kikilaia vadaeni gaudia naridia totona be moni bada ia ania lasi. Namona be ita laloa namonamo bona do ita ura gau iboudiai do idia namo, badina kongregesen ena gau iboudiai idia noho ‘Basileia gaukarana’ idia naria totona. Oibe, iseda nega bona gaukara auka amo Basileia gaukarana ita naria diba!

⁹ Kongregesen lalonai dagi idia abia taudia be idia gaukara goada Basileia gaukarana idia naria totona. Bema ita dekenai idia mai badina idia ura ‘gaukara’ ta ita karaia totona, namona be mai moale danu idia ita durua. Aposetolo Paulo be 1 Korinto 16:16 dekenai ita ia sisiba henia, ia gwau: “Inai bamona taudia edia hereva do umui kamonai henia. Bona inai taudia danu idia gaukara hebou bona durua taudia, idia do umui kamonai henia danu.”

¹⁰ Hari, iseda Kingdom Hall ena toana ia namo noho dalana ita kikilaia vadaeni. Taunimanima haida idia gwau ‘nega ginigunana oi itaia gaudia be oi lalodia hanaihanai.’ Unai dainai nega ginigunana taunimanima ese iseda Kingdom Hall idia itaia neganai, ita ura do idia laloa ita be Iehova bona ena orea hanamoa bona matauraia bada taudia, a?

This article is unique to PNG.

Magasin Hariharilaidia Karana amo Moale Habadaia

¹ Iehova ena guba oreana be gaukara bada oreana. Iesu Keriso dekena amo, Iehova ese tanobada dekenai orea ta ia haginia, bona unai orea taudia danu be mai edia ura danu idia gaukara bada. (Sal. 110:3; Mat. 9:37, 38) Bema iseda haroro gaukara ita karaia namonamo bona ita ura habadaia, iseda moale do ia bada ia lao danu. (Luka 10:17) Unai bamona do ia vara momokani bema iseda lalona do ita hadaia Gima Kohorona bona Noga! magasin hariharilaidia gaukarana do ita habadaia neganai.

² Magasin hariharilaidia gaukarana be Basileia sivaraina harorolaia dalana badana ta. Ena be haroro gaukara ia bada ia lao noho, to gabu haida dekenai ia hedinarai idia hariharilaidia magasin edia namba be ia diho ia lao. Edena bamona magasin hariharilaia gaukarana do ita hanamoa diba? Ita ta ta iboudiai be dahaka do ita laloa noho iseda magasin gaukara do ita habadaia totona?

³ Magasin hariharilaidia edia namba habadaia totona, gau ginigunana be: MAGASIN ITA LALODIA BADA. Bema Gima Kohorona bona Noga! magasin ita duahidia hanaihanai, unai ese ita do ia durua unai magasin ita lalodia bada totona. Magasin lalodiai idia toredia sivaraidia iboudiai ita duahidia dainai, namona be nega ibounai dala ita tahua taunimanima dekenai ita henidia toho totona. Reana ita iboudiai dekenai Saturday iboudiai be nega namona ruma ta ruma ta gaukara, dala ai, bona maketi gabudia ai magasin do ita hariharilaidia totona. Kongregesen momo lalodiai dina ta pura lalonai idia gwauraia magasin gaukara idia karaia totona, badina pablisa taudia haida be dala lasi Saturday dekenai idia karaia. Ma haida idia gwau adorahi 5 okoloko ia lao 6 okoloko adorahi be nega namona ruma ta ruma ta gaukara idia karaia magasin idia hariharilaidia totona. Dala dekenai, sitoa ta sitoa ta dekenai, edeseniai taunimanima ita davaria neganai, bona magasin matamatadia be ura taudia dekenai ita abidia loulou karadia, be dala namodia magasin ita hariharilaidia totona. Ruma ta ruma ta gaukara ita karaia neganai, bema hua ena henia gauna idia ura abia lasi, magasin matamatana ita henidia toho diba. Bema ita gima noho magasin ita hariharilaidia totona, do ita moale bada diba.

⁴ Heduru hereva iharuana magasin hariharilaidia gaukara habadaia totona be: HEREVA KWADOGINA GWAURAIA. Pablisa haida be idia hereva momo dainai ruma taudia be magasin idia ura lasi abia. Ma pablisa haida ese Kiki Herevana idia gaukaralaia