Kiki Herevadia Gaukaralaia Dalana

¹ Iseda magasin bona buka ma haida edia kiki herevadia be nega momo Iseda Basileia Gaukara lalonai idia hahedinaraia. Ita haroro neganai, idia torea kiki herevadia hegeregerena ita hereva toho lasi. Unai idia torea, unai amo do ita diba edena bamona hereva do ita gaukaralaia. Bema iseda kiki herevadia be sibona iseda hereva amo ita gwauraia, namo bada do ita havaraia. Sibona iseda hereva dalanai ita hereva neganai, unai ese lalo-momokani bona lalo-goada ia hahedinaraia bona ruma tauna do ia gari lasi.—2 Kor. 2:17; 1 Tes. 1:5.

² Oiemu Kiki Herevana Oi Manadalaia: Sivarai namona ita herevalaia dalana be iseda gabu taudia edia kastom hegeregerena ita karaia. Ruma tauna oi hanamoa murinai, maoromaoro emu kiki herevana oi hamatamaia diba, eiava emu teritori dekenai idia noho taudia idia ura maoromaoro emu kiki herevana oi gwauraia, a? Gabu ta be gabu ma ta amo ia idau bona tau ta be ma ta amo ia idau. Unai dainai, henanadai ita henia neganai, ita laloa namonamo be namo. Gabu ma haida dekenai oi gaukaralaia diba henanadaidia ese gabu ma haida taudia edia lalona ia hadikaia diba. Unai dainai, namona be ita laloa namonamo bona iseda kiki herevana ita haidaua bona iseda gabu ai ia hegeregere herevana ta ita gaukaralaia.

³ Danu, haroro gaukara totona ita hegaegae neganai, iseda teritori dekenai idia noho taudia edia noho dalana bona lalohadai ita laloa be namo. Hegeregere, Mataio 6:9, 10 be Katolik tauna ta ida oi herevalaia dalana be idau, to Lohiabada Ena Guriguri ia diba lasi tauna ida unai siri do oi herevalaia dalana be ma ia idau. Bema ita hegaegae namonamo, iseda kiki herevadia ita haidaua diba, iseda haroro gaukara ai ita davaria taudia edia lalona ita veria totona.—1 Kor. 9:20-23.

⁴ Herevana ita ura kiki herevadia be idia torea hegeregerena ita gaukaralaia, to hegaegae namonamo karana be mai anina bada. Namona be ita ura herevalaia buka eiava karoa ita duahia namonamo, bona lalona idia veria herevadia ita tahua. Bena iseda kiki herevana lalonai ita gaukaralaia diba. Iseda buka bona magasin lalonai idia noho hereva ita diba namonamo neganai, do ita ura bada ita hariharilaia.

⁵ Dala Ma Haida: Iseda Basileia Gaukara lalonai idia noho kiki herevadia sibona ita gaukaralaia be namo, a? Lasi. Oi dekenai ia auka lasi dala ma ta, eiava siri idauna oi gaukaralaia diba. Magasin oi gaukaralaia neganai, magasin lalonai ena hereva ma haida, emu teritori lalonai idia noho taudia ese idia laloa bada herevadia, oi gaukaralaia diba. Hesiai Hebou dekenai haroro gaukara totona idia gwauraia kiki herevana ta oi haheitalaia neganai, emu teritori dekenai ia hegeregere kiki herevana ta oi gaukaralaia diba. Unai dala amo ibounai ese sivarai namona do idia harorolaia namonamo diba.

Magasin Herevalaia Daladia

The Watchtower Jan. 15

“Ita ibounai ita ura ita bona iseda natudia edia mauri ia namo, to momo idia laloa idia hegeregere lasi edia mauri idia hanamoa totona. Oi laloa iseda vaira negana ita biagua diba, a? [Haere naria.] Inai magasin lalonai, Baibel ese ia hahedinaraia ita be iseda vaira negana ita biagua diba, to hari ita karaia abia hidi ese unai do ia hahedinaraia.” Deuteronomi 30:19 duahia.

Awake! Jan. 22

“Ita gorere neganai, ita ibounai be iseda hemami ia laloa doketa tauna ita laloa bada. To oi laloa gorere taudia momo be edia doketa taudia edia hemami idia laloa, a? [Haere naria.] Inai magasin ese doketa taudia idia davaria hekwakwanai bona vaira negana ai doketa gaukara dekenai dahaka do ia vara ia herevalaia.” Isaia 33:24 duahia.

The Watchtower Feb. 1

“Taunimanima momo be hisihisi bona dagedage momo idia davaria dainai oi lalohisihisi, a? [Emu gabu dekenai ia vara gauna ta gwauraia, bona haere naria.] Inai magasin be Dirava ena lalohadai taunimanima edia mauri dekenai ia herevalaia. Danu, hari ia vara noho hisihisina amo Dirava ese ita do ia hamauria dalana ia herevalaia.” Salamo 72:12-14 duahia.