gwau: “Inai dainai umui diba lasi Diravana, to umui tomadiho henia, unai Dirava ena kara do lau hadibaia umui. To haida be ia dekenai idia hakapua, bona abidadama henia taudia idia halaoa.” Paulo ena haroro dalana namona dainai, unuseniai idia noho taudia haida ese Basileia ena sivarai idia abia dae bona abidadama taudia ai idia lao.​—Kara 17:​23, 34.

⁵ Unai hegeregerena, bema gau idauidau ita itaia namonamo, unai ese ita do ia durua tau ta ia laloa bada gaudia ita diba totona, bena unai hegeregerena iseda haroro herevana do ita gwauraia. Henanadai ita gaukaralaia ruma tauna ena lalohadai ita dibaia totona. Ena ura idia habadaia Baibel siridia ita gaukaralaia. (Aon. 20:5) Bema gau idauidau ita itaia namonamo bona ma haida ita laloa bada, unai ese ita do ia durua anina namona ia havaraia dalanai sivarai namona ita gwauraia totona.

Hadibaia Hereva

◼ November: Hadibaia Tauna Badana amo Diba Ita Abia bukana. Bema ruma tauna ia gwau ia be natudia lasi, vadaeni Dahaka Ita Karaia? buklet eiava Oi Ura Baibel Do Oi Diba Namonamo, A? pepapepana hariharilaia. December: Lauegu Baibel Sivarai Bukana eiava Buka Helaga​—Dirava Ena Hereva Eiava Taunimanima Edia. January: Memero Kekeni​—Moale Umui Davaria Dalana, Maino Bona Noho Namona—​Daika amo Ia Mai?, Emu Ruma Bese Hamoalea Dalana. Ibounai be nega tamona oi henia. Bema unai buka idia noho lasi Gima Noho! buklet oi hariharilaia. February: Iehova Kahirakahira Oi Lao bukana hariharilaia.

◼ December 1 ai eiava karaharaga unai dina murinai, hakaua naria tauna eiava ia ese ia abia hidi tadikaka ta ese kongrigeisen ena akaun ia sekea be namo. Bema akaun rua idia noho, hegeregere ta be meintenens eiava konstraksen totona, namona be dala danu ia karaia unai akaun ia odit totona. Unai idia karaia murinai, akaun ripoti gabena do idia duahia neganai kongrigeisen do idia hadibaia.

◼ Bema ta ese seke amo tanobada ibounai gaukarana bona Kingdom Hall Fund totona kontribusen monina ia henia, namona be seke dekenai kongrigeisen ena akaun ena ladana ia torea. Hegeregere “Kavieng Congregation of Jehovah’s Witnesses.” Bema ta ese distrik hebouhebou dekenai seke amo kontribusen monina ia henia eiava brens opesi dekenai ia siaia, namona be seke dekenai inai ladana “International Bible Students Association” eiava “IBSA” ia torea. Brens opesi ena adres be International Bible Students Association, P.O. Box 636, Boroko, NCD 111.

◼ Inai Iseda Basileia Gaukara lalonai idia udaia pepana be “Baibel Siri Indeks 2001.” Namona be umui haboioa lasi, ia be tulu namona gabeai emui stadi lalonai umui gaukaralaia totona. Inai indeks gaukaralaia dalana be Gima Kohorona Bukadia Baibel Siri Indeks 1991-2000 buklet lalonai umui davaria diba.

Edena Bamona Do Ita Durudia?

¹ Iehova ena Witnes taudia ese tanobada ena kahana haida dekenai dika badana ta ena sivarai idia kamonai neganai, nega momo idia henanadai “Edena bamona do ita durudia?” Kara 11:​27-30 ese ia hahedinaraia bamona, Keristani ginigunadia idia kamonai Iudea dekenai hitolo bada ia vara neganai, tadikaka durua totona harihari gaudia idia siaia.

² Hari iseda nega lalonai, orea ena taravatu ese ia hahedinaraia, moni be ita gaukaralaia diba dabu taudia bona dika idauidau dainai hisihisi idia davaria taudia ita durua totona.

³ Hegeregere vanegai lagani ai, tadikaka momo ese kontribusen idia henia Saut Asia dekenai sunami dainai dika idia davaria taudia idia durua. Tadikaka idia hebogahisi bona edia heduru moni be orea dekenai idia siaia dainai, idia ai tanikiu henia bada.

⁴ Namo lasi kontribusen moni be dika ta sibona durua totona ita henia, to ita idia hagoadaia iseda kontribusen be tanobada ibounai gaukarana durua totona ita henia. Badina unai moni idia gaukaralaia Keristani tadikaka be tauanina bona lauma dalanai idia durua totona. Bema ta ia ura ia henia kontribusen be tano mareremarere eiava abata dainai dika idia davaria taudia durua totona, to tanobada ibounai gaukarana durua totona lasi, unai moni do ai abia dae bona gabeai dika ta ia vara neganai, ai gaukaralaia diba. To do ai moale bada bema unai bamona kontribusen be dika ta sibona totona umui henia lasi, to tanobada ibounai gaukarana durua totona umui henia.

⁵ Tanobada ibounai gaukarana durua totona moni ita henia neganai, Basileia ena gaukara ibounai totona do idia gaukaralaia diba, to vaira negai ia vara dika ta durua totona unai moni do idia haboua lasi. Unai be Efeso 4:16 ena hereva bamona, ita gaukara hebou heduru ita henia totona, “unai dala dekenai tauanina be lalokau dekena amo ia tubu daekau noho.”