‘Keriso ida Umui Raka Tamona Noho’

“Unai dainai, Lohiabada Keriso Iesu umui abia dae hegeregerena, ia ida umui raka tamona noho.”​—KOLOSE 2:6, NW.

1, 2. (a) Baibel ese Enoka ena hesiai gaukara mai abidadama Iehova dekenai be edena bamona ia herevalaia? (b) Kolose 2:​6, 7 ena hereva hegeregerena, edena dala ai Iehova be ita ia durua ia ida ita raka tamona totona?

NEGA ta oi ese mero maragina ta be iena tamana ida ia raka neganai oi itaia, a? Unai mero maragina ese ena tamana ena kara ibounai ia tohotohoa, mero ena vairana ia diaridiari ena tamana ia laloa bada dainai; tamana ese mero ia durua bona iena vairana dekenai ena lalokau bona ena moale idia hedinarai. Iehova ese unai bamona laulau ia gaukaralaia, abidadama tauna be ena mauri ibounai lalonai Dirava ia hesiai hania ia haheialaia totona. Hegeregere, Dirava ena mauri ibounai lalonai Dirava ena Hereva ia guaw, abidadama tauna Enoka “be Dirava momokanina ida ia raka noho.”—Genese 5:24; 6:9, NW.

² Tamana namona ese ena mero matagina ia durua ia ida ia raka totona, unai hegeregere na Iehova ese heduru namo hereana ia henia ita dekenai. Dirava ese ia sibona ia havaraia Natuna tanobada dekenai ia raka negana ibounai lalonai ena raka dalana ese ena guba ibounai lalonai ena raka dalana ese ena guba Tamana ene kara ia hahedinaraia gorvagoeva. (Ioane 14 9, 10; Heburu 1:3) Unai dainai, Dirava ida ita raka totona, namona be Iesu ida ita raka. Aposetolo Paulo ia gwau: “Unai dainai, Lohiabada Keriso Iesu umui abia dae hegeregerena, ia ida umui raka tomona noho, ia lalonai emui ramuna umui hadihoa bona sibona umui haginia noho bona abidadama dekenai umui marere lasi, umui idia hadibaia vadaeni bamona, tanikiu karana lalonai abidadama amo umui honu momokani.“—Kolose 2:6, 7, NW.

3. Kolose 2:​6, 7 ena hereva dainai, dahaka dainai ita gwau diba Keriso ida raka tamona noho karana be bapatiso ita abia sibona lasi?

³ Kudou-maoro Baibel stiuden taudia idia ura Keriso ida idia raka tamona bona ena aena gabudia goevadaedia dekenai idia raka toho dainai, bapatiso idia abia. (Luka 3:​21; Heberu 10:​7-9) Tanobada hegegemadai, lagani 1997 ai, taunimanima 375,000 mai kahana be unai mai anina bada karana idia karaia​—dina ta ta edia averes be 1,000 ia hanaia. Unai namba ia bada daekau dainai ita moale bada! To, Paulo ena hereva Kolose 2:​6, 7 ai ese idia hahedinaraia Keriso ida ita raka tamona noho karana be bapatiso ita abia sibona lasi. Greek herevana idia hahanaia “raka tamona noho” ese ta ia karaia noho, eiava do ia hadokoa lasi karana ia herevalaia. Danu, Paulo ma ia gwau Keriso ida raka tamona ena anina be inai gau hani ita karaia: Keriso lalonai iseda ramuna ita hadihoa, ia lalonai sibona ita haginia noho, abidadama dekenai ita marere lasi, bona tanikiu karana amo ita honu momokani. Namona be unai hereva ta ta ita laloa bona do ita itaia edena dala ai ita idia durua Keriso ida do ita raka tamona noho totona.

‘Keriso Lalonai Emu Ramuna Oi Hadihoa,’ A?

4. ‘Keriso lalonai iseda ramuna ita hadihoa’ ena anina be dahaka?

⁴ Paulo ia torea herevana ginigunana be ‘Keriso lalonai iseda ramuna ita hadihoa.’ (Mataio 13:​20, 21 itaia.) Edena dala ai tau ta ia gaukara goada Keriso lalonai ena ramuna ia hadihoa totona? Tubutubu gauna ena ramuna oi itaia lasi, to tubutubu gauna dekenai idia be mai anina bada​—idia dainai ia moru lasi bona ia idia ubua. Unai hegeregerena, Keriso ena haheitalai bona ena hahediba herevadia ese ita idia haidaua matamaia neganai, ita itaia lasi daladia ai, iseda lalona bona iseda kudouna lalonai idia noho momokani. Unuseniai ita idia ubua bona ita idia hagoadaia. Bema idia ita dadaraia lasi to iseda laloa dalana, iseda kara, bona ita abia hidi gaudia idia biagua, ita do idia doria Iehova dekenai iseda mauri ita gwauhamatalaia totona.​—1 Petero 2:21.

5. Edena dala ai lauma aniani do ita “ura dikadika”?

⁵ Iesu be Dirava amo ia abia dibana ia ura henia momokani. Aniani ida ia hahegeregerea. (Mataio 4:4) Ororo dekenai ia henia herevana ai, Heberu Revarevadia ena buka idauidau 8 amo herevadia 21 ia gwauraia lou. Iena haheitalai ita tohotohoa totona, namona be aposetolo Petero ena hereva ita badinaia​—lauma aniani ita “ura dikadika,” “beibi matamata ese rata” idia ura dikadika bamona. (1 Petero 2:2) Ia vara matamata beibina ia ura ta ese ia ubua neganai ita daradara lasi edena gauna ia ura dikadika. Bema hari iseda hemami lauma aniani dekenai be unai bamona lasi, Petero ena hereva ese ita idia hagoadaia ‘do ita ura henia’ be namo. Edena dala ai? Salamo 34:8 ia herevalaia hakaua herevana ese ita ia durua diba: “Lohiabada ena kara do umui tahua namonamo, iena dala do umui tohoa namonamo, vadaeni do umui diba momokani, Lohiabada be namo momokani.” Bema Iehova ena Hereva, Baibel, ita “tahua” loulou, reana dina ta ta ai ena kahana ta ita duahia, do ita itaia lauma dalanai ita ia ubua bona ia namo herea. Gabeai, iseda tahua urana do ia tubu daekau.

⁶ Aniani ita ania murinai, gau badana be nega sisina ita laga-ani iseda tauanina ese do ia gaukaralaia namonamo totona. Danu, hereva ta ita duahia neganai, nega ita atoa ita laloa namonamo totona be namo. (Salamo 77:​11, 12) Hegeregere, Tau Hereadaena bukana ita duahia neganai, karoa ta ta ena anina do ia bada ita dekenai bema ita sibona ita nanadaia: ‘Inai sivarai lalonai edena kara ta, Keriso ena, lau itaia, bona edena dala ai egu mauri lalonai do lau tohotohoa diba?’ Bema unai bamona ita laloa namonamo, ita do ia durua ita dibaia gaudia ita badinaia totona. Bena, dahaka do ita karaia ita abia hidi neganai, sibona do ita nanadaia reana Iesu ese dahaka do ia karaia. Bema unai bamona abia hidi karana ita karaia, do ia hahedinaraia ita be Iesu lalonai iseda ramuna ita hadihoa.

⁷ Paulo ia gwau danu “aniani korikori,” Dirava ena Hereva lalonai idia noho hereva dobudia, ita ania bamona be namo. (Heberu 5:​14) Reana iseda tahua gauna ginigunana be Baibel ibounai do ita duahia haorea. Bena gau haida ita stadilaia, hegeregere Keriso ena mauri davalaia boubouna, Iehova be ena taunimanima ida ia karaia gwauhamata taravatudia idauidau, eiava Baibel ena peroveta herevadia haida. Durua gaudia momo herea idia noho, unai lauma aniani korikorina ena namo ita abia totona. Unai bamona diba ita abia, dahaka ita karaia totona? Ita abia ita heagilaia totona lasi, to ita abia iseda lalokau Iehova dekenai do ita habadaia bona ia kahirakahira do ita raka lao totona. (1 Korinto 8:1; Iamesi 4:8) Bema unai diba ita tahua mai hitolo ida, sibona eda mauri lalonai ita badinaia, bona ita gaukaralaia ma haida ita durua totona, Keriso do ita tohotohoa momokani. Unai ese ita do ia durua ia lalonai, dala maorona ai, iseda ramuna ita hadihoa.

‘Keriso Lalonai Sibona Oi Haginia Noho,’ A?

8. ‘Keriso lalonai sibona ita haginia noho’ ena anina be dahaka?

⁸ Keriso ida ita raka tamona noho ena kahana ma ta ia gwauraia totona, Paulo be iseda lalona ai ita itaia diba gaudia ia haidaua​—tubutubu gaudia ia rakatania bona ruma ena haheitalai ia gaukaralaia. Ruma haginia gaukara ita laloa neganai, ena badina sibona ita laloa lasi, to mai hekwarahi ida idia haginia bona ita itaia goevagoeva diba rumana ita laloa danu. Unai hegeregerena, ita hekwarahi bada iseda mauri lalonai Keriso bamona karadia ita haginia totona. Taunimanima ese unai bamona gaukara goadagoada karana idia itaia. Paulo be Timoteo dekenai ia torea herevana hegeregerena, ia gwau: “Taunimanima iboudiai do idia itaia oiemu goada ia bada ia lao.” (1 Timoteo 4:​15, NW; Mataio 5:​16) Edena Keristani gaukaradia ese ita idia hagoadaia?

9. (a) Iseda hesiai gaukara lalonai Iesu ita tohotohoa totona, edena tahua gaudia ita atoa be namo? (b) Edena dala ai ita diba Iehova ia ura iseda hesiai gaukara ita moalelaia?

⁹ Iesu ese ita dekenai sivarai namona harorolaia bona hadibaia gaukarana ia henia. (Mataio 24:14; 28:​19, 20) Ia ese haheitalai goevadaena ia hahedinaraia, mai gari lasi ida ia haroro bona ena gaukara ese anina ia havaraia. Momokani, ia bamona do ita gaukara diba lasi. To, aposetolo Petero ese inai tahua gauna ia atoa ita totona, ia gwau: “To emui kudouna dekenai Keriso do umui abia dae, do umui matauraia, bona ia tamona emui Lohiabada do umui halaoa. Bema haida ese emui abidadama bona lalona namo totona umui idia nanadaia neganai, nega ibounai do umui naria hegaegae noho, idia do umui haere henia totona. To mai mataurai bona manau danu do umui haere.” (1 Petero 3:15) Bema emu hemami be ‘nega ibounai oi naria hegaegae noho’ lasi, idia ‘do oi haere henia totona,’ oi lalohisihisi lasi. Tahua gaudia, gabeai do oi karaia diba gaudia, oi atoa, bena unai ese oi do ia durua unai oi karaia diba totona. Haroro totona oi hegaegae guna dainai, emu kiki herevana do oi haidaua diba eiava Baibel ena siri ta o rua do oi duahia diba. Reana emu tahua gaudia be Baibel magasin o buka ma haida oi hariharilaia, lou henia ma haida oi karaia, eiava Baibel stadi ta oi hamatamaia. Namona be edia momo oi laloa hanaihanai lasi​—hegeregere hora hida oi haroro, magasin o buka hida oi hariharilaia, eiava stadi hida oi karaia​—to unai gaukara oi karaia namonamo oi laloa guna. Tahua gaudia namodia ita atoa bena ita hekwarahi idia ita karaia totona neganai, iseda hesiai gaukara lalonai do ita moale. Unai be Iehova ena ura​—ia ura ia ita hesiai henia ‘mai iseda moale danu.’​—Salamo 100:2; ma danu 2 Korinto 9:7 itaia.

¹⁰ Kongregesen dekenai ita karaia karadia danu dainai, Keriso lalonai sibona ita haginia noho. Mai anina bada karana ta be ita lalokau heheni, badina unai be Keristani taudia momokanidia edia toana korikorina. (Ioane 13:​34, 35) Vaia, Baibel ita do stadilaia neganai, ita ia hadibaia tauna dekenai ita manada. To, reana hari Paulo ena sisiba, iseda lalokau ita “habadaia,” ita badinaia totona, kongregesen taudia ma haida ita tura henia diba, a? (2 Korinto 6:​13) Elda taudia danu ita lalokau henia bona ita laloa bada be namo. Idia ida ita gaukara hebou, edia sisiba Baibel amo ita tahua bona ita abia dae neganai, edia gaukara aukana do ita durua bada. (Heberu 13:17) Nega tamona ai, unai ese ita do ia durua Keriso lalonai sibona ita haginia noho totona.

11. Bapatiso laloa dalana namona be dahaka?

¹¹ Bapatiso be moale negana bada hereana ta! To, namo lasi ita laloa iseda mauri ena miniti ta ta lalonai unai bamona moale do ita mamia noho. Keriso lalonai sibona ita haginia noho ena kahana badana ta be iseda Keristani dalana “do ita badinaia noho.” (Filipi 3:​16) Ita gwau lasi unai ena anina be iseda mauri lalonai gadara o moale karadia be lasi. Ena anina be ita raka maoromaoro​—hegeregere lauma dalanai kara namodia ita manadalaia bona lagani ta ta ibounai lalonai, dina ta ta ai, unai ita badinaia. Laloaboio lasi, “iena lalona do ia goada noho ela bona dokona, unai tauna be do ia mauri.”​—Mataio 24:13.

‘Abidadama Dekenai Oi Marere Lasi,’ A?

12. ‘Abidadama dekenai ita marere lasi’ ena anina be dahaka?

¹² Keriso ida ita raka tamona noho ia gwauraia hedinarai herevana ihatoina lalonai, Paulo ese ita ia hagoadaia, “abidadama dekenai umui marere lasi.” Baibel ma ta ia gwau, “oi hamomokania, abidadama dekenai oi noho,” badina Paulo ia gaukaralaia Greek herevana ena anina ma haida be “oi hamomokania, oi gwauhamata henia, bona taravatu oi atoa do ia idau lasi totona.” Iseda diba ia bada ia lao neganai, ita itaia iseda abidadama Iehova Dirava dekenai be mai ena badina namodia, bona idia vara vadaeni hamomokania gaudia idia noho. Unai ita diba dainai ita gini goada, ita marere lasi. Satani ena tanobada ese ita ia hamorua be ia auka ia lao. Unai dainai Paulo ena sisiba ita laloa lou, ia gwau Keriso ena “hereva badadia do ita tahua,” lauma dalana ai ita lo totona. (Heberu 6:1) Lauma dalanai ta ia lo bona ia gini goada be idia gaukara hebou karadia.

¹³ Aposetolo taudia edia nega lalonai, Kolose Keristani taudia idia hamorua diba gaudia idia vara. Paulo ena sisiba be inai: “Naria namonamo: sedira ta ia noho, ia ese taunimanima edia sene herevadia hegeregerena lalohadai bona anina lasi koikoi herevadia amo iena vamu bamona umui do ia abia lao, tanobada ena diba matamaia gaudia hegeregerena, Keriso ena dala hegeregerena lasi.” (Kolose 2:8, NW) Paulo ia ura lasi Kolose taudia, “Natuna, [Dirava ena] lalokau, ena Basileia lalonai” idia noho taudia unai, be unai hahenamo do idia haboioa, ta ese idia ia abia lao dainai. (Kolose 1:​13) Edena dala ai do idia hakaua kerere? Paulo ese “lalohadai” ia gwauraia, bona ia gaukaralaia Greek gado herevana be Baibel lalonai iniseniai sibona ia hedinarai. Ia ese Greek sene taudia edia lalohadai, hegeregere Plato bona Socrates edia, ia herevalaia, a? Ena be unai taudia edia lalohadai ese Keristani taudia ia hakaua kerere diba, to unai neganai unai hereva, “lalohadai,” ena anina be idauidau. Nega momo idia gaukaralaia, grup ta o dala tamona ai idia laloa oreadia idia gwauraia totona​—tomadiho oreadia danu. Hegeregere, aposetolo taudia edia negai idia noho Iuda taudia Josephus bona Philo idia gwau edia tomadiho be taunimanima edia lalohadai ta​—reana ena namo idia habadaia totona.

13, 14. (a) Aposetolo taudia edia negai, Kolose Keristani taudia ese edena hamorua diba gaudia idia davaria? (b) Reana Paulo be dahaka ia lalo-hekwarahilaia?

¹⁴ Reana Paulo ia lalo-hekwarahilaia lalohadai idauidau be tomadiho lalohadai. Gabeai, Kolose bukana ena karoa iharuana lalonai, idia gwau ‘umui dogoatao lasi, unai aniani umui ania lasi, bona imana umui atoa lasi’ hadibaia taudia dekenai ia hereva. Unai amo ia ese Mose ena Taravatu karadia haida, Keriso ena mase ia haorea gaudia unai, ia gwauraia. (Roma 10:4) Dirava koikoidia idia tomadiho henia taudia edia lalohadai sibona lasi, to siahu ma haida ese kongregesen ena goada lauma dalanai idia hadikaia toho. (Kolose 2:​20-​22) Paulo ia gwau unai lalohadai idauidau, “tanobada ena diba matamaia gaudia,” dainai idia naria be namo. Unai hahediba koikoi herevadia be taunimanima amo idia mai.ralaia, abidadama tauna be ena mauri ibounai lalonai Dirava ia hesiai henia ia haheitalaia totona. Hegeregere, Dirava ena Hereva ia gwau, abidadama tauna Enoka “be Dirava [momokanina] ida ia raka noho.”​—Genese 5:​24; 6:9, NW.

² Tamana namona ese ena mero maragina ia durua ia ida ia raka totona, unai hegeregerena Iehova ese heduru namo hereana ia henia ita dekenai. Dirava ese ia sibona ia havaraia Natuna tamona ia siaia tanobada dekenai. Iesu Keriso be tanobada dekenai ia raka negana ibounai lalonai ena raka dalana ese ena guba Tamana ena kara ia hahedinaraia goevagoeva. (Ioane 14:​9, 10; Heberu 1:3) Unai dainai, Dirava ida ita raka totona, namona be Iesu ida ita raka. Aposetolo Paulo ia gwau: “Unai dainai, Lohiabada Keriso Iesu umui abia dae hegeregerena, ia ida umui raka tamona noho, ia lalonai emui ramuna umui hadihoa bona sibona umui haginia noho bona abidadama dekenai umui marere lasi, umui idia hadibaia vadaeni bamona, tanikiu karana lalonai abidadama amo umui honu momokani.”​—Kolose 2:​6, 7, NW.

¹⁵ Taunimanima edia lalohadai bona laloa dalana, Baibel amo idia hamomokania diba lasi gaudia, ena hagoadaia karana ese Keristani ta ena gini goada ia hadikaia diba. Hari inai negai, unai bamona gaudia dainai namona be ita naria namonamo. Aposetolo Ioane ia gwau: “Lauegu lalokau taudia e, . . . bema taunimanima idia gwau, ‘Lau be Lauma Helaga lau abia vadaeni,’ do umui naria namonamo. Idia ibounai do umui hamomokania lasi. To unai tau do umui tohoa guna, do umui davaria, Dirava ena Lauma ia abia momokani, o lasi.” (1 Ioane 4:1) Unai dainai, bema sikuli turana ta ia ura oi laloa Baibel ena hahegani badinaia karana be taravatu gunana ta sibona, eiava dekena tauna ta ese emu lalona ia ania toho kohu ura dikadika karana oi laloa namo totona, eiava oi danu ia gaukara tauna ese oi ia doria Baibel amo oi hadibaia lalona ena hemami oi laloa lasi, eiava tadikaka ta ia maumau, kongregesen dekenai tadikaka ma haida ia gwauraia dika, bona unai be iena lalohadai sibona, edia hereva oi abia dae lasi. Dirava ena hereva ida idia hegeregere lasi lalohadai oi dadaraia. Ita be unai ita karaia neganai, do ita marere lasi to Keriso ida do ita raka tamona noho.

‘Tanikiu Karana Lalonai Abidadama amo Oi Honu Momokani’

16. Keriso ida ita raka tamona noho ena kahana namba 4 be dahaka, bona edena henanadai ita henia diba?

¹⁶ Paulo ia gwau Keriso ida ita raka tamona noho ena kahana namba 4 be “tanikiu karana lalonai abidadama amo umui honu momokani.” (Kolose 2:7, NW) Unai hereva, “honu momokani” ita laloa neganai, ia abata sinavaina ita laloa. Unai ena anina ita Keristani taudia dekenai be iseda tanikiu henia karana do ita karaia loulou, ia be vaia iseda kara. Reana ita ta ta be sibona ita nanadaia, ‘Tanikiu henia hemami ia noho, a?’

17. (a) Dahaka dainai ita gwau diba nega dikadia ai danu ita ibounai be badina momo dainai tanikiu henia karana ita hahedinaraia diba? (b) Edena harihari gaudia be Iehova amo oi abia dainai ia oi tanikiu henia bada?

¹⁷ Momokani, dina ta ta ai, Iehova ita tanikiu henia ena badina be momo. Nega dikadia ai danu, gau maragidia haida be iseda lalohisihisi idia hamaragia diba. Hegeregere, reana turana ta ese ita dekenai ena hebogahisi ia hahedinaraia. Iseda lalokau tauna o hahine ese iseda imana ia dogoatao. Hanuaboi ai ita mahuta namonamo dainai ita goada lou. Aniani namona ese iseda hitolo mamina ia hadokoa. Manu ena ane, natuna ta ena kiri regena, ori be lasi gubana ena toana, lai namona​—reana dina tamona lalonai unai gaudia ibounai bona ma haida ita mamia diba. Karaharaga unai bamona harihari gaudia ita laloa bada lasi. To idia ibounai dainai ita gwau tanikiu be namo, ani? Idia ibounai be Iehova amo, ia be “gau namodia ibounai, bona harihari gaudia namodia momokani ibounai” edia Badina. (Iamesi 1:17) Bona unai gaudia idia hereaia harihari gaudia ma haida ia henia​—hegeregere, ita dekenai mauri ia henia. (Salamo 36:9) Danu, dala ia kehoa mauri hanaihanai ita abia diba totona. Unai harihari gauna ia henia totona, Iehova ese boubou hereadaena ia henia, ia sibona ia havaraia Natuna tamona, ia lalokau henia bada tauna, ia siaia.​—Aonega Herevadia 8:​30, NW; Ioane 3:​16.

18. Edena dala ai ita hahedinaraia Iehova ita tanikiu henia?

¹⁸ Salamo tauna ena hereva be momokani, ia gwau: “Lohiabada e, oi . . . ai tanikiu henia be namo.” (Salamo 92:1) Unai hegeregerena, Paulo ese Tesalonika Keristani taudia ia hamaoroa lou, ia gwau: “Emui mauri lalonai idia vara gaudia ibounai dainai Dirava do umui tanikiu henia.” (1 Tesalonika 5:​18; Efeso 5:​20; Kolose 3:​15) Namona be ita ta ta be iseda lalona ita hadaia iseda tanikiu henia karana do ita habadaia. Dirava dekenai ita guriguri negadia ibounai tauanina durua gaudia do ita noinoilaia sibona lasi. Nega maorona ai idia totona ita noia be namo. To bema emu turana ta ese gau ta ia ura ia abia neganai sibona oi ia hereva henia, mani emu hemami oi laloa! Unai dainai nega haida Iehova dekenai oi guriguri ia oi tanikiu henia bona ia oi hanamoa sibona totona be namo, ani? Inai tanikiu henia lasi tanobadana ia itaia neganai, ita diba unai bamona guriguri ese ia idia hamoalea! Unai bamona guriguri idia havaraia namo iharuana be ita idia durua iseda mauri lalonai idia vara gaudia namodia ita laloa lou totona, bona ita laloatao hahenamo momo ita abia vadaeni.

¹⁹ Dirava ena Hereva ena siri tamona lalonai hakaua herevadia mai aonega bada herea idia noho dainai ita hoa, ani? Paulo ena sisiba, Keriso ida ita raka tamona noho, ita abia dae momokani be namo. Namona be iseda lalona ita hadaia ‘Keriso lalonai iseda ramuna ita hadihoa,’ ‘ia lalonai sibona ita haginia noho,’ ‘abidadama dekenai ita marere lasi,’ bona ‘tanikiu karana amo do ita honu momokani.’ Vanegai sibona idia bapatiso taudia dekenai unai sisiba be mai anina bada. To ia be mai anina bada ita ibounai dekenai. Ramuna badana ia tubu neganai ia diho noho, bona idia haginia rumana ia daekau noho dalana mani oi laloa. Unai hegeregerena, Keriso ida ita raka tamona noho karana do ia doko lasi. Ita ibounai be lauma dalanai ita tubu daekau diba. Iehova ese ita do ia durua bona hanamoa, badina ena ura be ia bona ia lalokau henia Natuna ida ita raka tamona noho ela bona hanaihanai.

Edena Bamona Do Oi Haere?

◻ Keriso ida raka tamona noho dalana be dahaka?

◻ ‘Keriso lalonai iseda ramuna ita hadihoa’ ena anina be dahaka?

◻ ‘Keriso lalonai sibona ita haginia noho’ dalana be dahaka?

◻ Badina be dahaka ‘abidadama dekenai ita marere lasi’ be mai anina bada?

◻ ‘Tanikiu karana amo ita honu momokani’ ena badina be dahaka dahaka?

6. Dahaka dainai ita duahia gaudia ita laloa namonamo be mai anina?

7. Lauma aniani korikori be edena bamona ita laloa be namo?

10. Edena Keristani karadia ma haida ita karaia be namo, bona edena dala ai idia ese ita idia durua?

15. Baibel amo idia mai lasi lalohadai be iseda lalona idia ania lasi totona, dahaka ita karaia be namo?

19. Paulo ena hereva Kolose 2:​6, 7 dekenai be edena bamona ia hahedinaraia ita ibounai be Keriso ida raka tamona karana ita hanamoa noho diba?

[Picture on page 10]

Reana au ena ramuna oi itaia lasi, to au ena aniani idia veria daekau bona idia dainai au ia gini goada