Toreisi Lou—Mauri Davana Dainai Do Ia Vara

Memorial negana be nega namona mauri davana dainai do ita abia hahenamo ita lalodia totona, hegeregere toreisi lou. Iehova ese taunimanima ia karadia idia mauri hanaihanai totona. Unai dainai iseda lalokau tauna ta ia mase neganai, ita lalohisihisi bada. (1Ko 15:26) Iesu ena hahediba taudia be Lasaro ia mase dainai idia taitai neganai, ena lalona ia hisihisi bada. (Ioa 11:33-35) Iesu ese ena Tamana ena kara ia hahedinaraia goevagoeva dainai, ita be eda lalokau taudia idia mase dainai ita taitai neganai, Iehova ena lalona ia hisihisi danu. (Ioa 14:7) Iehova ia ura bada ena hesiai taudia be mase amo ia hatorea isi lou, bona ita danu be unai nega ita naria.—Iob 14:14, 15, NWT.

Iehova be gau ibounai ia karaia namonamo Diravana dainai, ita diba toreisi lou be dala maorona ai do ia vara. (1Ko 14:33, 40) Unai nega ai, mase taudia do ita guria lasi, to idia toreisi lou taudia do ita welkam henia. Mase negadiai, unai nega oi laloa, a? (2Ko 4:17, 18) Iehova ese mauri davana ia henia bona Baibel amo ia hahedinaraia mase taudia do idia toreisi lou dainai, Ia oi tanikiu henia, a?—Kol 3:15.

• Toreisi lou negana ai, oi ura daika oi itaia?

• Baibel ese ia herevalaia taudia amo oi ura daika oi itaia bona hereva henia?