Duahia Maoro

1 Timoteo 4:13

POINT BADANA: Idia printaia herevadia ibounai oi duahia badabada.

KARAIA DALANA:

• Oi hegaegae namonamo. Do oi duahia sivarai ena badina oi lalopararalaia guna. Hereva ta ta sibona lasi, to hereva ibounai oi duahia hebou dalana oi praktis. Hereva ta oi atoa kau lasi, hereva ta oi reaia lasi, o hereva ta ena gabunai ma hereva idauna ta oi gwauraia lasi. Maka maragidia ibounai oi laloa bada be namo, hegeregere koma (,), fulstop (.), eiava kwesten maka (?).

• Hereva ta ta oi gwauraia maoromaoro. Bema hereva ta gwauraia dalana oi diba lasi, diksenari ta ai unai oi itaia, o idia rekodia pablikeisen ta oi kamonai, o ia duahiduahi namonamo pablisa ta ena heduru oi noia.

• Oi hereva namonamo. Hereva oi gwauraia goevagoeva, emu kwarana oi abia isi bona uduna oi kehoa. Namona be hereva ta ta oi gwauraia maoromaoro.