STADI 1

Hamatamaia Hereva Namona

Kara 17:22

POINT BADANA: Emu hamatamaia hereva ese ta ena ura ia habadaia totona, do oi gwauraia topik oi hahedinaraia unai amo kamonai taudia be mai moale ida emu hereva do idia kamonai.

KARAIA DALANA:

Ura habadaia. Henanadai ta, ekspiriens, o nius dekenai oi kamonai gauna ta amo kamonai taudia edia ura oi habadaia.

Namona be kamonai taudia ese idia laloa bada bona idia lalohekwarahilaia gaudia oi laloa guna, bena emu hamatamaia hereva oi hegaegaelaia.
Do oi gwauraia topik oi hahedinaraia. Emu hamatamaia hereva amo kamonai taudia dekenai do oi gwauraia topik bona emu haroro herevana ena badina oi hahedinaraia namonamo.
Oi hahedinaraia unai topik be mai anina bada. Namona be kamonai taudia ese idia laloa bada gaudia hegeregerena emu hereva oi haidaua. Namona be idia diba oi herevalaia topik ese idia ta ta do ia durua.

Emu tok oi hegaegaelaia neganai, sibona oi nanadaia, ‘Egu kongrigeisen lalonai tadikaka bona taihu be dahaka hekwakwanai idia davaria noho?’ Bena unai gaudia hegeregerena emu hamatamaia herevana oi gwauraia.