Henanadai Gaukaralaia Dalana

Mataio 16:13-16

POINT BADANA: Kamonai taudia edia lalona oi veria totona, henanadai maorodia oi gaukaralaia, edia lalohadai idia gwauraia bona point badadia oi hahedinaraia.

KARAIA DALANA:

• Lalona veria bona ura habadaia. Namona be oi gaukaralaia henanadai ese kamonai tauna ena lalona ia veria bona ena ura ia habadaia oi gwauraia gauna dekenai diba ma haida ia abia totona.

• Topik ta ena badina hahedinaraia. Kamonai taudia dekenai henanadai oi gaukaralaia karana ese idia ia durua oi herevalaia gauna idia lalopararalaia totona.

• Point badadia hahedinaraia namonamo. Point ta oi hahedinaraia totona lalona veria henanadai ta oi gaukaralaia. Bema mai anina bada point ta oi herevalaia o emu haroro herevana oi do hadokoa lasi neganai, riviu henanadai haida oi gaukaralaia.