Taunimanima Idia Laloparara be Namo

1 Korinto 14:9

POINT BADANA: Kamonai taudia oi durua emu hereva ena anina idia lalopararalaia totona.

KARAIA DALANA:

• Do oi herevalaia gauna oi stadilaia namonamo. Topik oi lalopararalaia namonamo, unai amo auka lasi dalanai bona sibona emu hereva amo oi gwauraia namonamo diba.

• Sentens kwadogidia bona auka lasi herevadia gaukaralaia. Ena be sentens latadia oi gaukaralaia diba, to lalohadai badadia bona sentens kwadogidia oi gaukaralaia unai amo point badadia oi gwauraia hedinarai.

• Taunimanima idia diba lasi herevadia edia anina oi gwauraia. Kamonai taudia idia diba lasi herevadia oi gaukaralaia momo lasi. Bema kamonai tauna ia diba lasi herevana ta, o Baibel ese ia sivarailaia tauna ta, o Baibel negadiai idia gaukaralaia mesament o kastom ta oi ura herevalaia, namona be ena anina oi gwauraia hedinarai danu.