STADI 6

Baibel Siri Ena Badina Hahedinaraia Namonamo

Ioane 10:33-36

POINT BADANA: Namo lasi Baibel siri ta sibona oi duahia bena point ma ta oi herevalaia. Namona be kamonai taudia dekenai oi duahia Baibel siri bona oi ura hahedinaraia point ida ia hegeregere.

KARAIA DALANA:

Point badana ia durua hereva ta ta hahedinaraia. Baibel siri oi duahia murinai, point badana ia durua hereva ta ta oi hahedinaraia. Dala ta be unai hereva badana oi duahia lou, eiava kamonai tauna oi noia point badadia ia hahedinaraia totona.

Bema hereva ma haida amo Baibel siri ena anina oi ura hahedinaraia, namona be kamonai taudia idia laloparara edena dala ai Baibel ai ia noho herevana be oi gwauraia point badana ida ia hegeregere.
Point badana hahedinaraia. Siri ta oi do duahia lasi neganai, do oi duahia ena badina oi gwauraia, bena unai siri ese oi herevalaia point badana ia durua dalana oi hahedinaraia.

Baibel siri ena anina oi herevalaia neganai emu Baibel oi koua lasi. Unai amo kamonai taudia do idia diba oi be Baibel siri hegeregerena oi hereva noho.
Siri badinaia dalana hahedinaraia. Point badana idia hahedinaraia o durua lasi herevadia oi gwauraia lasi. Bema kamonai taudia be oi herevalaia topik idia diba vadaeni, namona be hamomokania herevadia haida sibona oi abia hidi unai amo kamonai taudia oi durua point badana idia lalopararalaia totona.