Dirava Ena Lalohadai Rara Dekenai

Rara be mai anina bada. Bema rara be lasi, do ita mauri diba lasi. Dirava be Havaraia Tauna dainai, ia be mai ena maoro rara gaukaralaia karana dekenai taravatu ia atoa. Ia ese rara dekenai dahaka taravatu ia atoa? Rara ita ania eiava medikol dalanai ita abia diba, a? Bona unai gaudia dekenai edena dala ai abia hidi maorodia oi karaia diba?

1. Iehova ena lalohadai rara dekenai be dahaka?

Baibel negadia ai Iehova ese ia idia tomadiho henia taudia ia hadibaia: “Mauri gaudia idauidau ibounai edia mauri be rara.” (Levitiko 17:14) Iehova dekenai, rara ese mauri ia laulaulaia. Mauri be helaga, o harihari gauna Dirava amo dainai, rara danu be helaga.

2. Dirava ena taravatu rara gaukaralaia karana dekenai be dahaka?

Iehova ese idaunegai, ia idia tomadiho henia taudia ia oda henidia, rara do idia ania lasi. (Genese 9:4 bona Levitiko 17:10 duahia.) Gabeai, ia ese unai oda herevana ma ia gwauraia lou. Tau badadia amo Keristani taudia ia hamaoroa, ‘rara do idia dadaraia noho.’—Kara 15:​28, 29 duahia.

Rara dadaraia karana ena anina be dahaka? Bema doketa ia gwau, alkahol oi dadaraia anina be do oi inua lasi. To aniani mai ena alkahol do oi ania eiava hekodo amo alkahol do oi abia, a? Lasi. Unai hegeregerena, Dirava ena oda rara dadaraia karana dekenai ena anina be, rara do ita inua lasi eiava vamu mai ena rara do ita ania lasi. Bona aniani haida mai edia rara do ita ania lasi.

Medikol dalanai rara gaukaralaia karana be edena bamona? Medikol daladia haida ese Dirava ena taravatu ia utua. Unai dala haida be, rara ibounai eiava ena kahana badadia henia hanai karana. Unai kahana badadia foa be, sel kakakakadia, sel kurokurodia, pleitelet bona plasma. Medikol daladia ma haida ese do idia hahedinaraia namonamo lasi, bema unai ese Dirava ena taravatu idia utua eiava lasi. Hegeregere, heduru daladia ma haida ai, rara ena kahana badana ta amo ena kahana maragina idia gaukaralaia. Heduru daladia ma haida ai, ta sibona ena rara idia gaukaralaia. Unai heduru daladia ita laloa neganai, ita ta ta sibona ese abia hidi do ita karaia.a—Galatia 6:5.

DIBA MA HAIDA ABIA

3. Oi karaia medikol disisen ese Iehova ia hamoalea be namo

Edena dala ai Dirava ena lalohadai hegeregerena medikol disisen oi karaia diba? VIDIO itaia, bena do oi badinaia mai anina bada daladia herevalaia.

VIDIO: Medikol Dalanai Rara Dekenai Disisen Namodia Karaia Dalana (5:​47)

• Aonega totona guriguri.—Iamesi 1:5.

• Baibel ena hakaua herevadia bona oi badinaia daladia tahua.—Aonega Herevadia 13:16.

• Oi tahua emu gabu ai edena heduru daladia idia gaukaralaia.

• Namona be oi tahua edena heduru daladia be maoro lasi oi totona.

• Namo lasi oi karaia abia hidi ese emu lalomamina ia hadikaia.—Kara 24:16.b

• Oi sibona ese abia hidi do oi karaia—namo lasi emu adavana, elda ta, eiava Baibel tisa ese oi ia hamaoroa dahaka abia hidi oi karaia totona.—Roma 14:12.

• Pepa ai emu disisen oi torea diho, unai amo haida do idia diba.

4. Iehova ena Witnes taudia be medikol heduru namodia idia tahua

Dirava ena taravatu ita badinaia diba, rara bona rara lasi medikol heduru namodia ita abia totona. VIDIO itaia.

VIDIO: Professor Massimo P. Franchi, M.D. Ena Intaviu (1:​36)

Tito 3:2 duahia, bena inai henanadai herevalaia:

• Dahaka dainai mai hemataurai ida doketa taudia ita hereva henia bona idia ida ita gaukara hebou be namo?

Abia Dae Lasi	Keristani Tauna Sibona ese Abia Hidi Do Ia Karaia
A. Rara ena plasma	Plasma ena kahana maragidia
B. Sel kurokurodia	Sel kurokurodia ena kahana maragidia
C. Pleitelet	Pleitelet ena kahana maragidia
D. Sel kakakakadia	Sel kakakakadia ena kahana maragidia

5. Rara ena kahana maragidia idia gaukaralaia neganai

Rara ena kahana badadia be foa—sel kakakakadia, sel kurokurodia, pleitelet bona plasma. Idia lalonai be kahana maragidia momo idia noho, idia gwauraia fractions o rara ena kahana maragidia.c Rara ena kahana maragidia haida be muramura lalonai idia gaukaralaia, gorere durua totona eiava rara halusia karana koua totona.

Keristani taudia ta ta be Baibel ia hadibaia lalomamina hegeregerena, rara ena kahana maragidia dekenai idia sibona ese abia hidi idia karaia be namo. Reana haida be opereisen, muramura eiava medikol test totona idia gaukaralaia rara ena kahana maragidia idia abia dae lasi. Ma haida be reana edia lalomamina ese ia hadibaia hegeregerena rara ena kahana maragidia idia abia dae.

Emu abia hidi oi karaia neganai, inai henanadai oi laloa:

• Edena dala ai doketa dekenai rara ena kahana maragidia haida lau abia dae eiava lau dadaraia ena badina do lau herevalaia?

POINT BADANA

Iehova ia ura lasi rara ita gaukaralaia kerere.

Riviu

• Dahaka dainai Iehova dekenai rara be helaga?

• Edena dala ai ita diba Dirava ena oda rara dadaraia karana ese rara henia hanai karana ia herevalaia danu?

• Edena bamona oi ese medikol dalanai rara gaukaralaia karana dekenai disisen namodia oi karaia diba?

REFERENS ITAIA

Emu rara do idia gaukaralaia ena medikol heduru totona, abia hidi ta oi do karaia lasi neganai, dahaka oi laloa guna be namo?

“Duahia Taudia Edia Henanadai” (Gima Kohorona, October 15, 2000)

Rara ena kahana maragidia do oi abia dae eiava lasi ena abia hidi oi do karaia lasi neganai, dahaka oi laloa guna be namo?

“Duahia Taudia Edia Henanadai” (Gima Kohorona, June 15, 2004)

Dahaka ese doketa ta ia durua dainai, ia abia dae Iehova ena lalohadai rara dekenai be maoro?

“Dirava Ena Lalohadai Rara Dekenai Lau Abia Dae” (Noga!, December 8, 2003)

Hospital Liesen Komiti ai idia noho elda taudia ese tadikaka taihu durua totona idia karaia gaukara oi dibaia.

Iehova ese Gorere Taudia Ia Durua (10:23)