Lauegu Baibel Sivarai Bukana Ena Henanadai

Sivarai 1

Dirava ese Gau Idauidau Ia Karaia Matamaia

1. Gau namodia ibounai be edeseni amo idia mai, bona haheitalai ta oi gwauraia diba, a?

2. Dirava ese ia karaia gau ginigunana be dahaka?

3. Dahaka dainai aneru ginigunana be hereadae?

4. Matamanai tanobada ena toana be edena bamona, mani oi gwauraia. (Laulau itaia.)

5. Edena dala ai Dirava ese tanobada ia hegaegaelaia animal bona taunimanima ese idia noholaia totona?

Henanadai ma haida:

1. Ieremia 10:12 duahia.

   Dirava ia karaia gaudia amo edena kara haida ia hahedinaraia? (Isa. 40:26; Roma 11:33)

2. Kolose 1:​15-​17 duahia.

   Dirava ese gau idauidau ia havaraia neganai, Iesu be dahaka gaukara ia karaia, bona edena bamona ia ita laloa be namo? (Kol. 1:​15-​17)

3. Genese 1:​1-​10 duahia.

   1. Tanobada be edena bamona ia vara? (Gen. 1:1)

   2. Dirava ese gau ibounai ia karaia dina ginigunana ai dahaka ia vara? (Gen. 1:​3-5)

   3. Dirava ese gau ibounai ia karaia dina iharuana ai ia vara gauna oi gwauraia. (Gen. 1:​7, 8)

Sivarai 2

Uma Hairaina Ta

1. Edena dala ai Dirava ese tanobada be ita noholaia totona ia hegaegaelaia?

2. Dirava ese ia karaia animal idauidau oi gwauraia. (Laulau itaia.)

3. Dahaka dainai Dirava ese Eden umana be gabu hairaina ai ia halaoa?

4. Dirava ia ura tanobada ibounai be dahaka ai ia lao?

Henanadai ma haida:

1. Genese 1:​11-​25 duahia.

   1. Dirava ese gau ibounai ia karaia dina ihatoina ai dahaka ia karaia? (Gen. 1:​12)

   2. Dina namba 4 ai dahaka ia vara? (Gen. 1:​16)

   3. Dina namba 5 bona 6 ai Dirava ese edena bamona animal ia karaia? (Gen. 1:​20, 21, 25)

2. Genese 2:​8, 9 duahia.

   Dirava ese uma lalonai edena bamona au idaudia rua ia haginia, bona dahaka idia laulaulaia?

Sivarai 3

Tau Bona Hahine Ginigunadia

1. Edena dala ai Sivarai 3 dekenai ia noho laulauna be Sivarai 2 dekenai ia noho laulau amo ia idau?

2. Daika ese tau ginigunana ia karaia, bona unai tau ginigunana ena ladana be daika?

3. Dirava ese Adamu dekenai dahaka gaukara ia henia?

4. Dahaka dainai Dirava ese Adamu ia hamahutaia?

5. Adamu bona Heva be do idia noho ela bona edena negai, bona Iehova ia ura idia ese dahaka gaukara do idia karaia?

Henanadai ma haida:

1. Salamo 83:18 duahia.

   Dirava ena ladana be daika, bona tanobada dekenai ena dagi idauna be dahaka? (Dan. 4:​17)

2. Genese 1:​26-​31 duahia.

   1. Dirava ena gaukara dinana namba 6 ai dahaka ia karaia, bona edena dala ai unai be animal amo ia idau? (Gen. 1:​26)

   2. Taunimanima bona animal totona Iehova ese dahaka ia karaia? (Gen. 1:​30)

3. Genese 2:​7-​25 duahia.

   1. What Adamu ese animal edia ladadia ia henia totona dahaka ia karaia? (Gen. 2:​19)

   2. Edena dala ai Genese 2:​24 ese ita ia durua Iehova ena lalohadai headava, parara, bona headava hadokoa karana dekenai ita lalo-pararalaia totona? (Mat. 19:​4-6, 9)

Sivarai 4

Edia Noho Gabuna Idia Haboioa Ena Badina

1. Laulau dekenai, Adamu bona Heva dekenai dahaka ia vara noho?

2. Dahaka dainai Iehova ese idia ia panisia?

3. Gaigai ta be Heva dekenai dahaka ia gwau?

4. Daika be gaigai ena uduna amo Heva ia hereva henia?

5. Dahaka dainai Adamu bona Heva ese edia noho gabuna, Paradaiso, idia haboioa?

Henanadai ma haida:

1. Genese 2:​16, 17 bona 3:​1-​13, 24 duahia.

   1. Edena dala ai gaigai ena henanadai Heva dekenai ese Iehova ia gwauraia kerere? (Gen. 3:​1-5; 1 Ioa. 5:3)

   2. Heva ena kara ese ita dekenai dahaka ia hadibaia? (Fili. 4:8; Iam. 1:​14, 15; 1 Ioa. 2:16)

   3. Adamu bona Heva idia kerere neganai, edena bamona idia gwau unai be edia kerere lasi? (Gen. 3:​12, 13)

   4. Eden uma gabu ena dina ia daekau kahana dekenai Iehova ese ia atoa kerubi ese edena dala ai ena lohia siahuna idia abia isi? (Gen. 3:​24)

2. Apokalupo 12:9 duahia.

   Satani be taunimanima edia lalona ia veria Dirava ena lohia siahuna idia dadaraia karana dekenai, edena bamona ia kwalimu? (1 Ioa. 5:​19)

Sivarai 5

Mauri Aukana Ia Matamaia

1. Eden umana murimurinai Adamu bona Heva edia mauri be edena bamona?

2. Adamu bona Heva dekenai dahaka ia vara matamaia, bona dahaka dainai?

3. Dahaka dainai Adamu bona Heva edia natudia do idia buruka bona do idia mase?

4. Bema Adamu bona Heva ese Iehova idia kamonai henia, idia bona edia natudia edia mauri be edena bamona?

5. Edena dala ai Heva ena kamonai lasi karana ese ia dekenai hisihisi ia havaraia?

6. Adamu bona Heva edia natuna ginigunadia rua edia ladadia be daidia?

7. Laulau dekenai idia noho natudia haida be daidia?

Henanadai ma haida:

1. Genese 3:​16-​23 bona 4:​1, 2 duahia.

   1. Tano ia dika dainai, unai ese edena bamona Adamu ena mauri ia haidaua? (Gen. 3:​17-​19; Roma 8:​20, 22)

   2. Dahaka dainai hahine ginigunana ena ladana idia atoa Heva be maoro? (Gen. 3:​20)

   3. Adamu bona Heva idia kara dika murinai, Iehova be edena dala ai hebogahisi ia hahedinaraia? (Gen. 3:​7, 21)

2. Apokalupo 21:​3, 4 duahia.

   Oi ura edena bamona “gau gunadia” do idia ore?

Sivarai 6

Mero Namona Bona Mero Dikana

1. Kaino bona Abela be dahaka gaukara idia karaia?

2. Kaino bona Abela be Iehova dekenai edena bamona harihari gaudia idia mailaia?

3. Dahaka dainai Iehova be Abela ena harihari gauna dekenai ia moale, to Kaino ena harihari gauna dekenai ia moale lasi?

4. Kaino be edena bamona tauna, bona edena dala ai Iehova ese ia hamaoromaoroa toho?

5. Kaino bona ena tadina sibona be uma gabu dekenai idia noho neganai, Kaino be dahaka ia karaia?

6. Kaino ese ena tadina ia alaia murinai, ia dekenai ia vara gauna oi gwauraia.

Henanadai ma haida:

1. Genese 4:​2-​26 duahia.

   1. Iehova ese Kaino ena kara be edena bamona ia gwauraia? (Gen. 4:7)

   2. Kaino ese ena lalohadai be edena bamona ia hahedinaraia? (Gen. 4:9)

   3. Kerere lasi taudia edia rara bubua karana dekenai, Iehova ena lalohadai be dahaka? (Gen. 4:​10; Isa. 26:21)

2. Ioane Ginigunana 3:​11, 12 duahia.

   1. Dahaka dainai Kaino ia badu, bona unai ese ita dekenai dahaka ia hadibaia? (Gen. 4:​4, 5; Aon. 14:30; 28:22)

   2. Baibel ese edena bamona ia hahedinaraia ena be iseda ruma bese taudia ibounai ese Iehova idia dadaraia, to Dirava ita badinaia noho diba? (Sal. 27:10; Mat. 10:​21, 22)

3. Ioane 11:25 duahia.

   Kara maoromaoro dainai idia mase taudia dekenai Iehova be dahaka ia gwau? (Ioa. 5:24)

Sivarai 7

Gari Lasi Tauna

1. Enoka be edena bamona ia idau?

2. Dahaka dainai Enoka ena negai idia noho taudia ese kara dika momo idia karaia?

3. Taunimanima ese edena bamona kara dikadia idia karaia? (Laulau itaia.)

4. Dahaka dainai Enoka ia gari lasi be namo?

5. Unai negai taunimanima edia mauri ena lata be edena bamona, to Enoka ena mauri lagani be hida bena ia mase?

6. Enoka ia mase murinai, dahaka ia vara?

Henanadai ma haida:

1. Genese 5:​21-​24, 27 duahia.

   1. Enoka be Iehova ida edena bamona hetura karana ia moalelaia? (Gen. 5:​24, NW )

   2. Baibel ena hereva hegeregerena, daika be ia noho daudau, bona ia mase neganai ena mauri lagani be hida? (Gen. 5:​27)

2. Genese 6:5 duahia.

   Enoka ia mase murinai, tanobada ai idia vara dika be edena bamona, bona unai nega be iseda nega hegeregerena, a? (2 Tim. 3:​13)

3. Heberu 11:5 duahia.

   Enoka ese edena kara ia hahedinaraia dainai Iehova ia moale, bona dahaka namo ia havaraia? (Gen. 5:​22)

4. Iuda 14, 15 duahia.

   Keristani taudia be taunimanima dekenai ia mai noho Aramagedono tuarina idia gwauraia neganai, edena bamona Enoka ena gari lasi karana idia tohotohoa diba? (2 Tim. 4:2; Heb. 13:6)

Sivarai 8

Tatau Badadia Tanobada Ai

1. Dirava ena aneru haida ese Satani idia kamonai henia neganai, dahaka ia vara?

2. Dahaka dainai aneru haida ese guba dekenai edia gaukara idia rakatania bona tanobada dekenai idia diho mai?

3. Dahaka dainai aneru be tanobada dekenai idia diho mai bona taunimanima edia tauanina idia karaia be kerere?

4. Aneru edia natudia be edena dala ai idia idau?

5. Laulau dekenai oi itaia bamona, aneru edia natudia be tatau badadia ai idia lao neganai, dahaka idia karaia?

6. Enoka ia mase murinai, tanobada dekenai ia noho tau namona ma ta be daika, bona dahaka dainai Dirava ese ia ura henia?

Henanadai ma haida:

1. Genese 6:​1-8 duahia.

   Genese 6:6 ese Iehova ena hemami iseda kara dekenai be edena bamona ia hahedinaraia? (Sal. 78:​40, 41; Aon. 27:11)

2. Iuda 6 duahia.

   Noa ena negai aneru haida be “edia dagi korikori ena maka dekenai idia noho lasi,” edia kara ese ita dekenai dahaka ia hadibaia? (1 Kor. 3:​5-9; 2 Pet. 2:​4, 9, 10)

Sivarai 9

Noa ese Lagatoi ta Ia Karaia

1. Noa ena ruma bese taudia ibounai be hida, bona ena natuna toi edia ladadia be daidia?

2. Dirava be Noa dekenai edena bamona gaukara idauna ia henia, bona dahaka dainai?

3. Noa be ena badibadinai taudia dekenai lagatoi haginia gaukarana ia herevalaia neganai, idia be edena bamona idia kara?

4. Dirava ese Noa ia hamaoroa animal dekenai dahaka do ia karaia?

5. Dirava ese lagatoi ena iduara ia koua murinai, Noa bona ena ruma bese be dahaka idia karaia?

Henanadai ma haida:

1. Genese 6:​9-​22 duahia.

   1. Dahaka dainai Noa be Dirava momokanina ia tomadiho henia tauna namona? (Gen. 6:​10, 22)

   2. Dagedage karadia dekenai Iehova be edena bamona ia laloa, bona unai dainai ita abia hidi moale karadia be edena bamona ita laloa be namo? (Gen. 6:​11, 12; Sal. 11:​5, NW )

   3. Iehova ena orea amo hakaua herevadia ita abia neganai, edena bamona Noa ita tohotohoa diba? (Gen. 6:​22; 1 Ioa. 5:3)

2. Genese 7:​1-9 duahia.

   Iehova ese Noa ia gwauraia kara maoromaoro tauna, unai ese edena bamona ita ia hagoadaia? (Gen. 7:1; Aon. 10:16; Isa. 26:7)

Sivarai 10

Abata Badana

1. Medu ia diho matamaia neganai, dahaka dainai ta be lagatoi lalonai ia vareai diba lasi?

2. Iehova ese medu ia siaia dina bona hanuaboi hida lalonai, bona ranu ena dobu be edena bamona?

3. Ranu ese tano ia koua matamaia neganai, lagatoi dekenai dahaka ia vara?

4. Tatau badadia be Abata amo idia roho mauri, a? Bona edia tamadia dekenai dahaka ia vara?

5. Hua faiv murinai lagatoi dekenai dahaka ia vara?

6. Dahaka dainai Noa ese galo manu ta be lagatoi amo ia siaia?

7. Noa be edena bamona ia diba ranu be tano amo ia diho vadaeni?

8. Noa bona ena ruma bese be lagani ta mai kahana lagatoi lalonai idia noho murinai, Dirava be Noa dekenai dahaka ia gwau?

Henanadai ma haida:

1. Genese 7:​10-24 duahia.

   1. Tanobada dekenai idia noho mauri gaudia hadikaia ore karana ena bada be edena bamona? (Gen. 7:​23)

   2. Dina hida murinai abata ranu ia diho? (Gen. 7:​24)

2. Genese 8:​1-​17 duahia.

   Genese 8:17 ese edena bamona ia hahedinaraia Iehova ena ura tanobada totona be ia haidaua lasi? (Gen. 1:​22)

3. Petero Ginigunana 3:​19, 20 duahia.

   1. Idia gwau-edeede anerudia be guba dekenai idia giroa neganai, dahaka hahemaoro karana idia abia? (Iuda 6)

   2. Noa bona ena ruma bese edia sivarai ese ia hahedinaraia Iehova ese ena taunimanima ia hamauria diba. Unai ese edena bamona ita ia hagoadaia? (2 Pet. 2:9)

Sivarai 11

Kevau Ginigunana

1. Laulau dekenai oi itaia bamona, Noa be lagatoi amo ia raka-lasi neganai, ia karaia gauna ginigunana be dahaka?

2. Abata murinai, Dirava ese Noa bona ena ruma bese dekenai dahaka hahegani ia henia?

3. Dirava ese dahaka gwauhamata ia karaia?

4. Kevau ita itaia neganai, dahaka ita laloatao be namo?

Henanadai ma haida:

1. Genese 8:​18-​22 duahia.

   1. Hari inai negai, edena dala ai Iehova dekenai “bonana namona” ita henia diba? (Gen. 8:​21; Heb. 13:​15, 16)

   2. Iehova ese taunimanima edia lalona be edena bamona ia gwauraia, bona dahaka sisiba ita laloa be namo? (Gen. 8:​21; Mat. 15:​18, 19)

2. Genese 9:​9-​17 duahia.

   1. Iehova be tanobada ena mauri gaudia ibounai ida dahaka gwauhamata ia karaia? (Gen. 9:​10, 11)

   2. Kevau amo ia karaia gwauhamatana be do ia noho ela bona edena negai? (Gen. 9:​16)

Sivarai 12

Taunimanima ese Kohoro Badana ta Idia Haginia

1. Nimiroda be daika, bona Dirava ese ena kara be edena bamona ia laloa?

2. Laulau dekenai, dahaka dainai taunimanima ese biriki idia karaia?

3. Dahaka dainai Iehova be unai haginia gaukara dekenai ia moale lasi?

4. Dirava ese edena dala ai kohoro haginia gaukarana ia koua?

5. Unai hanua ena ladana be dahaka, bona ena anina be dahaka?

6. Dirava ese taunimanima edia gado ia haidaua murinai, idia dekenai dahaka ia vara?

Henanadai ma haida:

1. Genese 10:​1, 8-​10 duahia.

   Nimiroda ese edena bamona kara ia hahedinaraia, bona unai ese ita dekenai dahaka sisiba ia henia? (Aon. 3:​31)

2. Genese 11:​1-9 duahia.

   Unai kohoro badana idia karaia ena badina be dahaka, bona dahaka dainai unai kohoro idia haorea lasi? (Gen. 11:4; Aon. 16:18; Ioa. 5:​44)

Sivarai 13

Aberahamo​​—Dirava Ena Turana

1. Uru hanuana ai, edena bamona taudia idia noho?

2. Laulau dekenai ia noho tauna be daika, edena negai ia vara, bona edeseni ia noho?

3. Dirava ese Aberahamo ia hamaoroa dahaka do ia karaia?

4. Dahaka dainai Aberahamo idia gwauraia Dirava ena turana?

5. Aberahamo be Uru ia rakatania neganai, daidia be ia danu idia lao?

6. Aberahamo be Kanana dekenai ia mai neganai, Dirava be ia dekenai dahaka ia gwau?

7. Aberahamo ena mauri lagani be 99 neganai, Dirava be ia dekenai dahaka gwauhamata ia karaia?

Henanadai ma haida:

1. Genese 11:​27-​32 duahia.

   1. Edena dala ai Aberahamo bona Lota be varavara? (Gen. 11:27)

   2. Ena be Baibel ia gwau Tera ese ena ruma bese be Kanana dekenai ia hakaua lao, to edena bamona ita diba Aberahamo ese unai laolao ia matamaia, bona dahaka dainai unai ia karaia? (Gen. 11:31; Kara 7:​2-4)

2. Genese 12:​1-7 duahia.

   Aberahamo be Kanana dekenai ia ginidae murinai, Iehova be Aberahamo dekenai dahaka gwauhamata ma ta ia karaia? (Gen. 12:7)

3. Genese 17:​1-8, 15-​17 duahia.

   1. Aberamo ena mauri lagani be 99 neganai, edena ladana matamatana ia abia, bona dahaka dainai? (Gen. 17:5)

   2. Iehova be Sara dekenai ia gwauhamata, nega vairai dahaka hahenamo do ia abia? (Gen. 17:​15, 16)

4. Genese 18:​9-​19 duahia.

   1. Genese 18:19 ai, tamadia edia maduna be dahaka? (Deu. 6:​6, 7; Efe. 6:4)

   2. Sara dekenai dahaka ia vara, bona unai ese ia hahedinaraia Dirava amo gau ta ita hunia diba lasi? (Gen. 18:​12, 15; Sal. 44:21)

Sivarai 14

Dirava ese Aberahamo Ena Abidadama Ia Tohoa

1. Dirava be Aberahamo dekenai dahaka gwauhamata ia karaia, bona edena dala ai Dirava ese ena gwauhamata ia hamomokania?

2. Laulau dekenai oi itaia bamona, edena dala ai Dirava ese Aberahamo ena abidadama ia tohoa?

3. Aberahamo be dahaka ia karaia, ena be Dirava ena hahegani ena badina ia lalo-pararalaia lasi?

4. Aberahamo be kaia ia abia iena natuna ia alaia gwauraia neganai, dahaka ia vara?

5. Aberahamo ena abidadama Dirava dekenai ena bada be edena bamona?

6. Dirava ese dahaka ia henia Aberahamo ese ia bouboulaia totona, bona edena dala ai?

Henanadai ma haida:

1. Genese 21:​1-7 duahia.

   Dahaka dainai dina namba eit ai Aberahamo ese ena natuna ena kopina ia utua? (Gen. 17:​10-​12; 21:4)

2. Genese 22:​1-​18 duahia.

   Edena dala ai Isako ia hahedinaraia ena tamana, Aberahamo, ia kamonai henia, bona unai ese dahaka mai anina bada gauna nega vaira totona ia laulaulaia? (Gen. 22:​7-9; 1 Kor. 5:7; Fili. 2:​8, 9)

Sivarai 15

Lota Ena Adavana Ia Giroa

1. Dahaka dainai Aberahamo bona Lota idia parara?

2. Dahaka dainai Lota ese Sodoma ia abia hidi?

3. Sodoma taudia edia kara be edena bamona?

4. Aneru rua ese Lota dekenai dahaka hadibaia herevana idia henia?

5. Dahaka dainai Lota ena adavana be damena nadina ai ia lao?

6. Lota ena adavana ena kara amo dahaka ita dibaia?

Henanadai ma haida:

1. Genese 13:​5-​13 duahia.

   Hekwakwanai hamaoromaoroa karana dekenai, Aberahamo ena sivarai amo dahaka ita dibaia? (Gen. 13:​8, 9; Roma 12:10; Fili. 2:​3, 4)

2. Genese 18:​20-​33 duahia.

   Iehova ese Aberahamo ia kara henia dalana amo, edena bamona ita diba momokani Iehova bona Iesu be kota maoromaoro do idia karaia? (Gen. 18:​25, 26; Mat. 25:​31-​33)

3. Genese 19:​1-​29 duahia.

   1. Unai Baibel sivarai ese dahaka ia hahedinaraia Iehova ena lalohadai tatau idia sihari heheni karana dekenai? (Gen. 19:​5, 13; Lev. 20:13)

   2. Aberahamo bona Lota be Dirava ena hakaua dalana dekenai edena dala idauidau ai idia kara, bona unai amo dahaka ita dibaia? (Gen. 19:​15, 16, 19, 20; 22:3)

4. Luka 17:​28-​32 duahia.

   Lota ena adavana ese tauanina gaudia be edena bamona ia laloa, bona unai ese ita dekenai dahaka ia hadibaia? (Luka 12:15; 17:​31, 32; Mat. 6:​19-​21, 25)

5. Petero Iharuana 2:​6-8 duahia.

   Lota ita tohotohoa neganai, inai Dirava diba lasi taudia be edena bamona ita lalodia be namo? (Ese. 9:4; 1 Ioa. 2:​15-​17)

Sivarai 16

Isako be Hahine Namona Ia Abia

1. Inai laulau dekenai ia noho tau bona hahine be daika?

2. Aberahamo be ena natuna ena adavana ta ia abia totona dahaka ia karaia, bona dahaka dainai?

3. Edena dala ai Aberahamo ena hesiai tauna ese ena guriguri ena haere ia abia?

4. Rebeka idia nanadaia bema ia ura Isako ia adavaia neganai, ena haere be dahaka?

5. Dahaka ese Isako ia hamoalea lou?

Henanadai ma haida:

1. Genese 24:​1-​67 duahia.

   1. Rebeka ese Aberahamo ena hesiai tauna be ranu guri dekenai ia hedavari henia neganai, dahaka kara namodia ia hahedinaraia? (Gen. 24:​17-​20; Aon. 31:​17, 31)

   2. Aberahamo ese Isako totona ia hegaegaelaia dalana ese dahaka haheitalai namona ia hahedinaraia Keristani taudia dekenai? (Gen. 24:​37, 38; 1 Kor. 7:​39; 2 Kor. 6:​14)

   3. Isako bamona, dahaka dainai laloa dobu karana totona nega ita atoa be namo? (Gen. 24:63; Sal. 77:12; Fili. 4:8)

Sivarai 17

Hekapa Memero Rua Edia Kara

1. Esau bona Iakobo be daidia, bona edena dala ai idia idau?

2. Esau bona Iakobo edia tubuna Aberahamo ia mase neganai, edia mauri lagani be hida?

3. Esau be dahaka ia karaia dainai ena tamana bona sinana idia lalohisihisi bada?

4. Dahaka dainai Esau be iena tadina Iakobo dekenai ia badu?

5. Isako be ena natuna Iakobo dekenai dahaka sisiba ia henia?

Henanadai ma haida:

1. Genese 25:​5-​11, 20-​34 duahia.

   1. Iehova ese Rebeka ena natuna rua ia herevalaia neganai, dahaka ia perovetalaia? (Gen. 25:23)

   2. Iakobo bona Esau edia lalohadai vara guna ahuna dekenai be edena dala ai ia idau? (Gen. 25:​31-​34)

2. Genese 26:​34, 35; 27:​1-​46; bona 28:​1-5 duahia.

   1. Edena dala ai Esau ia hahedinaraia lauma gaudia ia laloa bada lasi? (Gen. 26:​34, 35; 27:46)

   2. Iakobo ese Dirava ena hahenamo ia abia totona, Isako ese ia hamaoroa dahaka do ia karaia? (Gen. 28:​1-4)

3. Heberu 12:​16, 17 duahia.

   Esau ena haheitalai ese ia hahedinaraia, lauma gaudia idia dadaraia taudia dekenai dahaka do ia vara?

Sivarai 18

Iakobo be Harana Dekenai Ia Lao

1. Laulau dekenai ia noho hahinena be daika, bona Iakobo be ia totona dahaka ia karaia?

2. Rahela adavaia totona Iakobo be dahaka ia karaia?

3. Iakobo ese Rahela ia adavaia ena nega ia ginidae neganai, Labana be dahaka ia karaia?

4. Iakobo be dahaka ia karaia Rahela be ena adavana ai ia lao totona?

Henanadai ma haida:

1. Genese 29:​1-​30 duahia.

   1. Ena be Labana ese Iakobo ia koia, to edena dala ai kara namo ia hahedinaraia, bona unai dekenai dahaka ita dibaia? (Gen. 25:27; 29:​26-​28; Mat. 5:​37)

   2. Iakobo ena haheitalai ese edena dala ai lalokau korikorina bona lalokau koikoina edia idau ia hahedinaraia? (Gen. 29:​18, 20, 30; Sol. 8:6)

   3. Edena hahine foa be Iakobo ena ruma bese ai idia lao bona gabeai natudia idia havaraia? (Gen. 29:​23, 24, 28, 29)

Sivarai 19

Iakobo Ena Ruma Bese be Bada

1. Iakobo be ena adavana ginigunana, Lea, amo ia abia natudia siks edia ladadia be daidia?

2. Lea ena hesiai hahinena, Silipa, be Iakobo amo ia havaraia natudia rua edia ladadia be daidia?

3. Rahela ena hesiai hahinena, Bileha, be Iakobo amo ia havaraia natudia rua edia ladadia be daidia?

4. Rahela ese ia havaraia natudia rua edia ladadia be daidia, to natuna iharuana ia havaraia neganai dahaka ia vara?

5. Laulau dekenai oi itaia bamona, Iakobo ena natuna ibounai be hida, bona idia amo dahaka ia vara?

Henanadai ma haida:

1. Genese 29:​32-​35; 30:​1-​26; bona 35:​16-​19.

   Iakobo ena natudia 12 ese idia hahedinaraia hegeregerena, idaunegai Heberu memero edia ladadia be edena bamona idia abia?

2. Genese 37:35 duahia.

   Ena be Baibel lalonai Daina ena ladana sibona idia gwauraia, to edena bamona ita diba Iakobo be mai ena natuna kekenidia ma haida? (Gen. 37:​34, 35)

Sivarai 20

Daina be Dika Ia Davaria

1. Dahaka dainai Aberahamo bona Isako idia ura lasi edia natudia ese Kanana hahine idia adavaia?

2. Iakobo ena natuna kekeni be Kanana kekenidia ia tura henia neganai, Iakobo ia moale, a?

3. Inai laulau dekenai Daina ia itaia noho tauna be daika, bona dahaka kara dikana ia karaia?

4. Daina ena taihudia Simeona bona Levi be ia vara gauna idia kamonai neganai, dahaka idia karaia?

5. Simeona bona Levi idia karaia karana dainai Iakobo ia moale, a?

6. Unai hekwakwanai ibounai be edena bamona ia matamaia?

Henanadai ma haida:

1. Genese 34:​1-​31 duahia.

   1. Daina be nega tamona sibona ia lao Kanana tano dekenai idia noho kekenidia ia vadivadi henia totona, a? Gwauraia hedinarai. (Gen. 34:​1, NW )

   2. Daina ia sihari kava dainai dahaka dika ia davaria? (Gal. 6:7)

   3. Hari, edena dala ai matamata taudia idia hahedinaraia diba idia ese Daina dekenai ia vara gauna idia laloa bada? (Aon. 13:20; 1 Kor. 15:33; 1 Ioa. 5:​19)

Sivarai 21

Iosepa Ena Kakadia ese Ia Idia Inai Henia

1. Dahaka dainai Iosepa ena kakadia ese ia idia mama henia, bona dahaka idia karaia?

2. Iosepa ena kakadia idia ura ia dekenai dahaka idia karaia, to Rubena be dahaka ia gwau?

3. Isamaela hoihoi taudia idia mai neganai, dahaka ia vara?

4. Iosepa ena kakadia be dahaka idia karaia, unai amo edia tamana do ia laloa Iosepa be ia mase vadaeni?

Henanadai ma haida:

1. Genese 37:​1-​35 duahia.

   1. Keristani taudia ese kongrigeisen lalonai idia vara kerere idia ripotilaia karana amo, edena dala ai Iosepa ena haheitalai idia tohotohoa? (Gen. 37:2; Lev. 5:1; 1 Kor. 1:11)

   2. Dahaka ia vara dainai Iosepa ena kakadia be ia dekenai idia kara dika? (Gen. 37:​11, 18; Aon. 27:4; Iam. 3:​14-​16)

   3. Edena kara Iakobo ese ia hahedinaraia be nega momo ta ia lalohisihisi neganai ia hahedinaraia? (Gen. 37:35)

Sivarai 22

Iosepa be Dibura Ruma ai Idia Atoa

1. Aigupito dekenai Iosepa idia abia lao neganai ena mauri lagani be hida, bona unuseniai dahaka ia vara?

2. Dahaka dainai Iosepa be dibura ruma ai ia noho?

3. Iosepa be dibura ruma ai dahaka gaukara ia abia?

4. Dibura ruma dekenai, Iosepa be Farao ena uaina bubua tauna bona ena paraoa gabua tauna totona dahaka ia karaia?

5. Uaina bubua tauna be dibura ruma ia rakatania murinai, dahaka ia vara?

Henanadai ma haida:

1. Genese 39:​1-​23 duahia.

   Iosepa ena negai, Dirava ena taravatu, heudahanai ia gwauraia dika taravatuna ta idia do torea lasi, to dahaka ese Iosepa ia hagoadaia Potifara ena hahine amo ia heau oho totona? (Gen. 2:​24; 20:3; 39:9)

2. Genese 40:​1-​23 duahia.

   1. Hereva kwadogina amo uaina bubua tauna ena nihi bona Iehova ese Iosepa dekenai unai nihi ena anina ia gwa7uraia dalana, mani oi gwauraia. (Gen. 40:​9-​13)

   2. Paraoa gabua tauna be dahaka nihi ia abia, bona ena anina be dahaka? (Gen. 40:​16-​19)

   3. Hari inai negai, edena dala ai hesiai tauna mai ena kamonai bona mai ena kara maoromaoro ese Iosepa ena lalohadai idia tohotohoa? (Gen. 40:8; Sal. 36:9; Ioa. 17:17; Kara 17:​2, 3)

   4. Vara dinana hahelagaia karana dekenai, edena dala ai Genese 40:20 ese Keristani lalohadaina ia hahedinaraia? (Had. 7:1; Mar. 6:​21-​28)

Sivarai 23

Farao Ena Nihi

1. Hanuaboi ta ai Farao dekenai dahaka ia vara?

2. Dahaka dainai uaina bubua tauna ese Iosepa ia laloatao?

3. Laulau dekenai ia hedinarai bamona, Farao be dahaka nihi rua ia abia?

4. Iosepa ese unai nihi rua edia anina be edena bamona ia gwauraia?

5. Edena dala ai Farao henunai Iosepa be ladana bada tauna ai ia lao?

6. Dahaka dainai Iosepa ena kakadia be Aigupito dekenai idia lao, bona dahaka dainai Iosepa idia diba lasi?

7. Iosepa be edena nihi ia laloatao, bona unai amo dahaka ia lalo-pararalaia?

Henanadai ma haida:

1. Genese 41:​1-​57 duahia.

   1. Iosepa be edena dala ai ia hahedinaraia ia karaia karana be Iehova amo, bona edena dala ai Keristani taudia ese unai idia tohotohoa diba? (Gen. 41:​16, 25, 28; Mat. 5:​16; 1 Pet. 2:​12)

   2. Edena dala ai Aigupito dekenai aniani bada bona aniani bada lasi negana ese lauma dalanai Iehova ena taunimanima bona Kerisendom edia idau ia hahedinaraia namonamo? (Gen. 41:​29, 30; Amo. 8:​11, 12)

2. Genese 42:​1-8 bona 50:20 duahia.

   Bema tano ta ena kastom ia gwau, dagi tauna matauraia totona ia vairanai idia igo diho, Iehova idia tomadiho henia taudia ese unai idia karaia be kerere, a? (Gen. 42:6)

Sivarai 24

Iosepa ese Ena Kakadia Ia Tohoa

1. Dahaka dainai Iosepa ese ena kakadia be spai taudia ia gwauraia?

2. Dahaka dainai Iakobo ese Beniamina ia koua lasi, to Aigupito dekenai ia siaia lao?

3. Edena dala ai Iosepa ena siliva kapusi be Beniamina ena puse lalonai ia noho?

4. Beniamina idia ruhaia totona Iuda be dahaka ia karaia?

5. Edena dala ai Iosepa ena kakadia edia kara idia haidaua?

Henanadai ma haida:

1. Genese 42:​9-​38 duahia.

   Edena dala ai Iosepa ese Genese 42:18 dekenai ia gwauraia herevana, be hadibaia hereva namona Iehova ena orea lalonai maduna idia huaia taudia dekenai? (Neh. 5:​15; 2 Kor. 7:1, 2)

2. Genese 43:​1-​34 duahia.

   1. Ena be Rubena be vara guna natuna, to edena dala ai Iuda be ena tadikaka edia hereva gwauraia tauna ai ia lao? (Gen. 43:​3, 8, 9; 44:​14, 18; 1 Siv. 5:2)

   2. Iosepa ese edena dala ai ena kakadia ia tohoa, bona dahaka dainai? (Gen. 43:​33, 34)

3. Genese 44:​1-​34 duahia.

   1. Iosepa be ena kakadia dekenai ena ladana korikorina ia gwauraia lasi, to edena dala ai ia sibona ia gwauraia? (Gen. 44:​5, 15; Lev. 19:26)

   2. Edena dala ai Iosepa ena kakadia edia kara ese ia hahedinaraia, guna idia abia mama karana idia rakatania vadaeni? (Gen. 44:​13, 33, 34)

Sivarai 25

Ruma Bese ta be Aigupito Dekenai Ia Lao

1. Iosepa be ena kakadia dekenai sibona ia hahedinaraia neganai, dahaka ia vara?

2. Iosepa be hebogahisi dalanai ena kakadia dekenai dahaka ia gwauraia?

3. Farao be Iosepa ena tadikaka edia sivarai ia kamonai neganai, dahaka ia gwau?

4. Iakobo ena bese be Aigupito dekenai idia lao neganai, ena bada be edena bamona?

5. Iakobo ena bese ese edena ladana matamatana idia abia, bona dahaka dainai?

Henanadai ma haida:

1. Genese 45:​1-​28 duahia.

   Iosepa ena sivarai ese edena bamona ia hahedinaraia, Iehova ese ena hesiai taudia idia hadikaia diba gaudia be hahenamo ai ia halaoa diba? (Gen. 45:​5-8; Isa. 8:​10; Fili. 1:​12-​14)

2. Genese 46:​1-​27 duahia.

   Iakobo be Aigupito dekenai ia lao noho lalonai, Iehova ese edena bamona ia hagoadaia? (Gen. 46:​1-4)

Sivarai 26

Iobu ese Dirava Ia Abidadama Henia

1. Iobu be daika?

2. Satani be dahaka ia karaia toho, to ia kwalimu, a?

3. Iehova be Satani dekenai gwaumaoro ia henia dahaka ia karaia totona, bona dahaka dainai?

4. Dahaka dainai Iobu ena adavana ese Iobu ia hamaoroa ‘Dirava oi gwauraia dika bona oi mase’? (Laulau itaia.)

5. Laulau iharuana dekenai oi itaia bamona, Iehova ese edena dala ai Iobu ia hanamoa, bona dahaka dainai?

6. Bema Iobu bamona Iehova ita abidadama henia, dahaka hahenamo idauidau do ita abia?

Henanadai ma haida:

1. Iobu 1:​1-​22 duahia.

   Hari inai negai, edena dala ai Keristani taudia ese Iobu idia tohotohoa diba? (Iobu 1:1; Fili. 2:​15; 2 Pet. 3:​14)

2. Iobu 2:​1-​13 duahia.

   Satani ena dagedage karana dekenai, Iobu bona ena adavana be edena dala idaudia rua ai idia kara? (Iobu 2:​9, 10; Aon. 19:3; Mika 7:7; Mal. 3:​14)

3. Iobu 42:​10-​17 duahia.

   1. Iobu ese ia abia hahenamo bona Iesu ese Dirava ia badinaia dainai ia abia hahenamo be edena dala ai idia hegeregere? (Iobu 42:12; Fili. 2:​9-​11)

   2. Iobu ese Dirava ia badinaia noho dainai ia abia hahenamodia ese edena dala ai ita idia hagoadaia? (Iobu 42:​10, 12; Heb. 6:​10; Iam. 1:​2-4, 12; 5:​11)

Sivarai 27

Aigupito Ena King Dikana

1. Laulau dekenai, kwadia gauna danu ia gini tauna be daika, bona daika ia kwadia noho?

2. Iosepa ia mase murinai, Israela taudia dekenai dahaka ia vara?

3. Dahaka dainai Aigupito taudia be Israela taudia dekenai idia gari?

4. Israela hahine idia mara totona idia durua hahine dekenai, Farao ese dahaka hahegani ia henia?

Henanadai ma haida:

1. Esodo 1:​6-​22 duahia.

   1. Edena dala ai Iehova ese ena gwauhamata Aberahamo dekenai ia hagugurua matamaia? (Eso. 1:7; Gen. 12:2; Kara 7:​17)

   2. Heberu hahine idia durua hahinedia be edena dala ai idia hahedinaraia idia ese mauri idia matauraia? (Eso. 1:​17; Gen. 9:6)

   3. Heberu hahine idia durua hahinedia ese Iehova idia abidadama henia dainai, dahaka hahenamo idia abia? (Eso. 1:​20, 21; Aon. 19:17)

   4. Satani ia ura edena dala ai Iehova ese Aberahamo dekenai ia gwauhamatalaia Garana ia hadikaia? (Eso. 1:​22; Mat. 2:​16)

Sivarai 28

Mose Idia Hamauria Dalana

1. Laulau dekenai ia noho beibi be daika, bona daika ena ima kwakikwakina ia dogoatao noho?

2. Mose idia hamasea lasi totona, ena sinana be dahaka ia karaia?

3. Laulau dekenai ia noho kekeni maragina be daika, bona dahaka ia karaia?

4. Farao ena natuna ese beibi ia davaria neganai, Miriama be dahaka ia gwau?

5. Lohia hahinena be Mose ena sinana dekenai dahaka ia gwau?

Henanadai ma ta:

1. Esodo 2:​1-​10 duahia.

   Mose ena sinana dekenai edena dala ia kehoa Mose ia maragi neganai ia hadibaia totona, bona hari tama sina dekenai unai ese dahaka ia hadibaia? (Eso. 2:​9, 10; Deu. 6:​6-9; Aon. 22:6; Efe. 6:4; 2 Tim. 3:​15)

Sivarai 29

Mose Ia Heau Ena Badina

1. Mose be edeseniai ia tubu daekau, to ena tama sina dekenai dahaka ia dibaia?

2. Mose ena mauri lagani be 40 neganai, dahaka ia karaia?

3. Mose be kerere tauna dekenai dahaka ia gwau, bona unai tauna be edena bamona ia haere?

4. Dahaka dainai Mose be Aigupito amo ia heau?

5. Mose be edeseniai ia heau lao, bona unuseniai daika ia hedavari henia?

6. Mose be Aigupito amo ia heau murinai, unai lagani 40 lalonai dahaka ia karaia?

Henanadai ma haida:

1. Esodo 2:​11-​25 duahia.

   Ena be Mose be Aigupito ena sikuli bada dekenai ia lao bona diba bada ia abia, to edena dala ai ia hahedinaraia Iehova bona ena taunimanima ia badinaia? (Eso. 2:​11, 12; Heb. 11:24)

2. Kara 7:​22-​29 duahia.

   Mose ia hekwarahi Israela taudia be Aigupito ena igui amo ia ruhaia karana amo, dahaka ita dibaia? (Kara 7:​23-​25; 1 Pet. 5:​6, 10)

Sivarai 30

Ia Araia Auna

1. Laulau dekenai ia noho ororona ena ladana be dahaka?

2. Mose be ena mamoe ida ororo dekenai ia lao neganai, ia itaia gau idauna mani oi gwauraia.

3. Ia araia noho auna amo gado ta be dahaka ia gwau, bona unai be daika ena gadona?

4. Dirava ese Mose ia hamaoroa ia ese Dirava ena taunimanima be Aigupito amo do ia ruhaia neganai, Mose be dahaka ia gwau?

5. Bema taunimanima idia henanadai daika ese Mose ia siaia, Dirava ese Mose dekenai dahaka ia gwau?

6. Edena dala ai Mose ese do ia hamomokania ia be Dirava ese ia siaia?

Henanadai ma haida:

1. Esodo 3:​1-​22 duahia.

   Ena be ita laloa tiokratik gaukara ta do ita hagugurua lasi, to Mose ena sivarai amo edena bamona ita diba momokani Iehova ese ita do ia durua? (Eso. 3:​11, 13; 2 Kor. 3:​5, 6)

2. Esodo 4:​1-​20 duahia.

   1. Mose be lagani 40 Midiana dekenai ia noho neganai, edena lalohadai ia haidaua, bona unai ese kongrigeisen ena maduna idia ura abia taudia dekenai dahaka ia hadibaia? (Eso. 2:​11, 12; 4:​10, 13; Mika 6:8; 1 Tim. 3:​1, 6, 10)

   2. Ena be Iehova ese ena orea amo ita ia matahakani henia, Mose ena haheitalai ese edena dala ai ita ia hagoadaia? (Eso. 4:​12-14; Sal. 103:​14; Heb. 12:​4-​11)

Sivarai 31

Mose Bona Arona Farao Vairanai

1. Mose bona Arona ese idia karaia hoa karadia dainai, Israela taudia be dahaka idia abia dae?

2. Mose bona Arona be Farao dekenai dahaka idia gwau, bona Farao be edena bamona ia haere?

3. Laulau ese ia hahedinaraia bamona, Arona ese ena au ia negea diho neganai, dahaka ia vara?

4. Edena dala ai Iehova ese gau haida amo Farao do ia hadibaia namonamo, bona Farao be edena bamona ia haere?

5. Hisihisi namba 10 ia ore murinai, dahaka ia vara?

Henanadai ma haida:

1. Esodo 4:​27-​31 bona 5:​1-​23 duahia.

   Farao ese inai hereva “Lohiabada be lau diba lasi,” ia gwauraia neganai, ena hereva ena anina be dahaka? (Eso. 5:2; 1 Sam. 2:​12; Roma 1:​21)

2. Esodo 6:​1-​13, 26-​30 duahia.

   1. Iehova be Aberahamo, Isako, bona Iakobo dekenai dahaka ia hadibaia lasi? (Eso. 3:​13, 14; 6:3; Gen. 12:8)

   2. Ena be Mose ia laloa ia hegeregere lasi Iehova ia henia gaukara ia karaia totona, to Iehova ese ia gaukaralaia, unai ita diba dainai iseda hemami be edena bamona? (Eso. 6:​12, 30; Luka 21:​13-​15)

3. Esodo 7:​1-​13 duahia.

   1. Mai gari lasi ida Mose bona Arona be Farao dekenai Iehova ena hahemaoro herevana idia gwauraia neganai, unai ese hari idia noho Dirava ena hesiai taudia dekenai dahaka haheitalai namona ia hahedinaraia? (Eso. 7:​2, 3, 6; Kara 4:​29-​31)

   2. Edena dala ai Iehova ia hahedinaraia Aigupito edia dirava amo ia be hereadae? (Eso. 7:​12; 1 Siv. 29:12)

Sivarai 32

Hisihisi 10

1. Inai laulau oi itaia, bona Iehova ese Aigupito dekenai ia siaia hisihisi ginigunadia toi oi gwauraia.

2. Hisihisi ginigunadia toi bona murinai idia vara hisihisi 7 edia idau be dahaka?

3. Hisihisi namba 4, 5, bona 6 be dahaka?

4. Hisihisi namba 7, 8, bona 9 oi gwauraia.

5. Hisihisi namba 10 ia do ginidae lasi neganai, Iehova ese Israela taudia ia hamaoroa dahaka idia karaia totona?

6. Hisihisi namba 10 be dahaka, bona unai murinai dahaka ia vara?

Henanadai ma haida:

1. Esodo 7:19–8:​23 duahia.

   1. Ena be Aigupito ena meamea taudia ese Iehova ena hisihisi ginigunadia rua idia tohotohoa, to hisihisi ihatoina murinai dahaka idia gwau? (Eso. 8:​18, 19; Mat. 12:​24-​28)

   2. Hisihisi namba 4 ese edena bamona ia hahedinaraia Iehova ese ena taunimanima ia gimaia diba, bona Dirava ena taunimanima be unai idia diba dainai, ia mai noho “hisihisi badana” idia naria noho lalonai, edia hemami be edena bamona? (Eso. 8:​22, 23; Apok. 7:​13, 14; NW; 2 Siv. 16:9)

2. Esodo 8:​24; 9:​3, 6, 10, 11, 14, 16, 23-​25; bona 10:​13-​15, 21-​23 duahia.

   1. Hisihisi 10 ese edena orea rua ia hahedinaraia, bona hari unai orea rua be edena bamona ita lalodia? (Eso. 8:​10, 18, 19; 9:​14)

   2. Esodo 9:16 ese edena dala ai ita ia durua Iehova ese Satani ia haorea lasi ena badina ita lalo-pararalaia totona? (Roma 9:​21, 22)

3. Esodo 12:​21-​32 duahia.

   Edena dala ai Pasova dainai momo ese hahemauri do idia abia, bona Pasova ese dahaka ia laulaulaia? (Eso. 12:​21-​23; Ioa. 1:​29; Roma 5:​18, 19, 21; 1 Kor. 5:7)

Sivarai 33

Davara Kakakakana Idia Hanaia

1. Israela tatau hida, hahine bona natudia danu ese Aigupito idia rakatania, bona daidia be idia danu idia lao?

2. Farao be Israela taudia ia ruhaia murinai, ena hemami be edena bamona, bona dahaka ia karaia?

3. Aigupito taudia ese ena taunimanima idia tuari henia lasi totona, Iehova be dahaka ia karaia?

4. Mose ese ena au be Davara Kakakakana ataiai ia abia isi neganai, dahaka ia vara bona Israela taudia be dahaka idia karaia?

5. Aigupito taudia be Israela taudia murinai davara huanai idia heau vareai neganai, dahaka ia vara?

6. Iehova ese Israela taudia ia hamauria dainai, edena dala ai edia moale bona tanikiu karana idia hahedinaraia?

Henanadai ma haida:

1. Esodo 12:​33-​36 duahia.

   Iehova ena taunimanima be nega daudau Aigupito taudia edia hesiai gaukara idia karaia dainai, Iehova ese edena bamona idia ia hanamoa? (Eso. 3:​21, 22; 12:​35, 36)

2. Esodo 14:​1-​31 duahia.

   Mose ena hereva Esodo 14:​13, 14 ai, ese edena bamona Iehova ena hesiai taudia ia hagoadaia ia mai noho Aramagedono tuarina idia naria noho lalonai? (2 Siv. 20:17; Sal. 91:8)

3. Esodo 15:​1-8, 20, 21 duahia.

   1. Dahaka dainai Iehova ena hesiai taudia be ane amo Iehova idia hanamoa be namo? (Eso. 15:​1, 2; Sal. 105:​2, 3; Apok. 15:​3, 4)

   2. Iehova hanamoa karana dekenai Miriama bona Davara Kakakakana dekenai idia haboua hahine ese Keristani hahine dekenai dahaka haheitalai namona idia hahedinaraia? (Eso. 15:​20, 21; Sal. 68:11)

Sivarai 34

Aniani Matamatana Ta

1. Laulau dekenai, taunimanima be tano amo dahaka gaudia idia gogoa noho, bona ena ladana be dahaka?

2. Mana gogoa karana dekenai Mose ese taunimanima dekenai dahaka ia hadibaia?

3. Iehova ese taunimanima ia hamaoroa dina namba 6 ai dahaka do idia karaia, bona dahaka dainai?

4. Mana haida idia dogoatao ela bona dina namba 7 neganai, Iehova ese dahaka hoa karana ia karaia?

5. Iehova ese taunimanima be mana amo ia ubua ena daudau be edena bamona?

Henanadai ma haida:

1. Esodo 16:​1-​36 bona Numera 11:​7-​9 duahia.

   1. Esodo 16:8 be dahaka ia hahedinaraia, Keristani kongrigeisen lalonai tiokratik dalanai idia abia hidi taudia matauraia karana dekenai? (Heb. 13:17)

   2. Taunimanima idia noho lasi tanona ai, Israela taudia be edena bamona idia hadibaia loulou Iehova dekenai idia tabekau totona? (Eso. 16:​14-​16, 35; Deu. 8:​2, 3)

   3. Iesu ia gwau mana ese dahaka ia laulaulaia, bona guba amo ia mai aniani amo edena dala ai namo ita abia? (Ioa. 6:​31-​35, 40)

2. Iosua 5:​10-​12 duahia.

   Israela taudia be lagani hida lalonai mana idia ania, edena dala ai unai ese idia ia tohoa, bona inai sivarai amo dahaka ita dibaia? (Eso. 16:35; Num. 11:​4-6; 1 Kor. 10:​10, 11)

Sivarai 35

Iehova ese Ena Taravatu Ia Henia

1. Israela taudia be Aigupito idia rakatania bona hua rua bamona murinai, edeseni idia kamepa?

2. Iehova ia gwau ia ura taunimanima ese dahaka idia karaia, bona edia haere be dahaka?

3. Dahaka dainai Iehova ese Mose dekenai nadi palaka rua ia henia?

4. Iehova ese Taravatu Ten sibona ia henia lasi, to dahaka taravatu ma haida ia henia?

5. Iesu ia gwau edena taravatu rua be mai anina bada?

Henanadai ma haida:

1. Esodo 19:​1-​25; 20:​1-​21; 24:​12-​18; bona 31:18 duahia.

   Esodo 19:8 ai ia noho herevana ese edena dala ai ita ia durua Keristani gwauhamata ena anina ita lalo-pararalaia totona? (Mat. 16:24; 1 Pet. 4:​1-3)

2. Deuteronomi 6:​4-6; Levitiko 19:18; bona Mataio 22:​36-​40 duahia.

   Edena dala ai Keristani taudia ese edia lalokau Dirava bona edia dekena taudia totona idia hahedinaraia? (Mar. 6:​34; Kara 4:​20; Roma 15:2)

Sivarai 36

Golo Boromakauna

1. Laulau dekenai, taunimanima be dahaka idia karaia noho, bona dahaka dainai?

2. Dahaka dainai Iehova ia badu, bona Mose be taunimanima ese idia karaia karana ia itaia neganai, dahaka ia karaia?

3. Mose ese tatau haida ia hamaoroa dahaka idia karaia totona?

4. Inai sivarai ese ita dekenai dahaka ia hadibaia?

Henanadai ma haida:

1. Esodo 32:​1-​35 duahia.

   1. Edena dala ai inai sivarai ese Iehova ena lalohadai, tomadiho koikoi be tomadiho momokani ida hakapua karana dekenai ia hahedinaraia? (Eso. 32:​4-6, 10; 1 Kor. 10:​7, 11)

   2. Keristani taudia ese idia abia hidi moale karadia, hegeregere ane bona mavaru dekenai, dahaka sisiba idia badinaia be namo? (Eso. 32:​18, 19; Efe. 5:​15, 16; 1 Ioa. 2:​15-​17)

   3. Kara maoromaoro ura henia karana dekenai, edena bamona Levi iduhuna ese haheitalai namona ia hahedinaraia? (Eso. 32:​25-​28; Sal. 18:25)

Sivarai 37

Tomadiho Palai Rumana Ta

1. Laulau dekenai ia noho ruma be dahaka idia gwauraia, bona dahaka totona idia karaia?

2. Dahaka dainai Iehova ese Mose ia hamaoroa idia kokia haraga diba dalanai palai do idia karaia?

3. Palai ena dokona kahanai ia noho daiutu maragina lalonai ia noho maua be dahaka, bona maua lalonai dahaka ia noho?

4. Iehova ese daika ia abia hidi hahelaga tauna badana ai ia lao totona, bona hahelaga tauna badana be dahaka gaukara ia karaia?

5. Palai rumana ena daiutu badana lalonai idia noho gaudia toi oi gwauraia.

6. Palai dubu ena murimuriai dahaka gau rua idia noho, bona dahaka totona idia gaukaralaia?

Henanadai ma haida:

1. Esodo 25:​8-​40; 26:​1-​37; 27:​1-8; bona 28:1 duahia.

   “Kara dika gwauatao gabuna ena ataiai” idia noho kerubi ese dahaka idia laulaulaia? (Eso. 25:​20, 22; Num. 7:​89; 2 Kin. 19:15)

2. Esodo 30:​1-​10, 17-​21; 34:​1, 2; bona Heberu 9:​1-5 duahia.

   1. Dahaka dainai Iehova ese palai dubu dekenai hesiai gaukara idia karaia hahelaga taudia ia hamaoroa, edia tauanina idia goeva be gau badana, bona unai ena anina ita dekenai be dahaka? (Eso. 30:​18-​21; 40:​30, 31; Heb. 10:22)

   2. Aposetolo Paulo ese ena revareva be Heberu Keristani taudia dekenai ia torea neganai, edena bamona ia hahedinaraia palai dubu bona Taravatu gwauhamata be anina lasi? (Heb. 9:​1, 9; 10:1)

Sivarai 38

Spai Taudia 12

1. Laulau dekenai idia huaia huahua be edena bamona oi gwauraia diba, bona edeseni amo idia abia?

2. Dahaka dainai Mose ese Kanana tanona dekenai spai taudia 12 ia siaia?

3. Spai taudia 10 be Mose dekenai dahaka idia gwau?

4. Edena dala ai spai taudia rua idia hahedinaraia Iehova idia abidadama henia, bona idia be daidia?

5. Dahaka dainai Iehova ia badu, bona Mose dekenai dahaka ia gwau?

Henanadai ma haida:

1. Numera 13:​1-​33 duahia.

   1. Daidia idia abia hidi tano idia itaia totona, bona edena dala badana ia kehoa? (Num. 13:​2, 3, 18-​20)

   2. Dahaka dainai Iosua bona Kaleba edia lalohadai be spai taudia ma haida edia amo ia idau, bona unai ese ita dekenai dahaka ia hadibaia? (Num. 13:​28-​30; Mat. 17:20; 2 Kor. 5:7)

2. Numera 14:​1-​38 duahia.

   1. Tanobada dekenai Iehova ena gwaukau taudia maumauraia karana dekenai, edena sisiba ita badinaia be namo? (Num. 14:​2, 3, 27; Mat. 25:​40, 45; 1 Kor. 10:10)

   2. Numera 14:24 ese edena bamona ia hahedinaraia Iehova ese ena hesiai taudia ta ta ia laloa? (1 Kin. 19:18; Aon. 15:3)

Sivarai 39

Arona Ena Au Dekenai Flaoaflaoa Idia Tubu

1. Daidia ese Mose bona Arona edia gunalaia karana idia gwau-edeede henia, bona Mose dekenai dahaka idia gwau?

2. Mose be Kora bona ia murinai idia raka taudia 250 ia hamaoroa dahaka idia karaia totona?

3. Mose be taunimanima dekenai dahaka ia gwau, bona ena hereva ia hadokoa neganai, dahaka ia vara?

4. Kora bona ia murinai idia raka taudia 250 dekenai dahaka ia vara?

5. Arona ena natuna, Eleasara, be idia mase taudia edia lahi udaia gaudia dekenai dahaka ia karaia, bona dahaka dainai?

6. Dahaka dainai Iehova ese Arona ena au dekenai flaoaflaoa ia hatubua? (Laulau itaia.)

Henanadai ma haida:

1. Numera 16:​1-​49 duahia.

   1. Kora bona ia murinai idia raka taudia be dahaka idia karaia, bona dahaka dainai unai be Iehova gwau-edeede henia karana? (Num. 16:​9, 10, 18; Lev. 10:​1, 2; Aon. 11:2)

   2. Kora bona “lohia taudia” 250 ese dahaka lalohadai kererena idia abia? (Num. 16:​1-3; Aon. 15:33; Isa. 49:7)

2. Numera 17:​1-​11 bona 26:10 duahia.

   1. Arona ena au dekenai flaoaflaoa idia tubu ese dahaka ia hahedinaraia, bona dahaka dainai Iehova ia gwau unai au be maua vairanai ia atoa? (Num. 17:​5, 8, 10)

   2. Arona ena au dekenai ia vara gauna amo dahaka mai anina bada gauna ita dibaia? (Num. 17:10; Kara 20:28; Fili. 2:14; Heb. 13:17)

Sivarai 40

Mose ese Nadi Ia Botaia

1. Israela taudia be taunimanima idia noho lasi tanona dekenai idia noho neganai, Iehova ese edena dala ai idia ia naria?

2. Israela taudia be Kadesi dekenai idia kamepa neganai, dahaka idia maumauraia?

3. Edena dala ai Iehova ese taunimanima bona edia animal totona ranu ia henia?

4. Laulau dekenai, sibona ia poinia noho tauna be daika, bona dahaka dainai unai bamona ia karaia?

5. Dahaka dainai Iehova be Mose bona Arona dekenai ia badu, bona edena dala ai idia ia panisia?

6. Horo Ororona ai dahaka ia vara, bona daika be Israela ena hahelaga tauna ai ia lao?

Henanadai ma haida:

1. Numera 20:​1-​13, 22-​29 bona Deuteronomi 29:5 duahia.

   1. Iehova ese Israela taudia be taunimanima idia noho lasi tanona ai ia naria dalana amo dahaka ita dibaia? (Deu. 29:5; Mat. 6:​31; Heb. 13:5; Iam. 1:​17)

   2. Mose bona Arona be Israela taudia vairanai Iehova idia hahelagaia lasi, Iehova ese unai kara be edena bamona ia laloa? (Num. 20:12; 1 Kor. 10:12; Apok. 4:​11)

   3. Mose be Iehova amo matahakani ia abia neganai, ena kara amo dahaka ita dibaia? (Num. 12:3; 20:​12, 27, 28; Deu. 32:4; Heb. 12:​7-​11)

Sivarai 41

Kopa Gaigaina Ta

1. Laulau dekenai, au dekenai dahaka ia noho, bona dahaka dainai Iehova ese Mose ia hamaoroa unuseniai do ia atoa?

2. Israela taudia be edena dala ai idia hahedinaraia Dirava ese idia totona ia karaia gaudia ibounai dainai Ia idia tanikiu henia lasi?

3. Iehova ese taunimanima panisia totona koria gaigai ia siaia murinai, Mose idia noia dahaka ia karaia totona?

4. Dahaka dainai Iehova ese Mose ia hamaoroa kopa gaigaina do ia karaia?

5. Inai sivarai amo dahaka ita dibaia?

Henanadai ma haida:

1. Numera 21:​4-9 duahia.

   1. Israela taudia be Iehova amo idia abia gaudia idia maumauraia, unai amo dahaka ita dibaia? (Num. 21:​5, 6; Roma 2:4)

   2. Lagani handred momo murinai, Israela taudia ese edena dala ai kopa gaigaina idia gaukaralaia, bona King Hesekaia ese dahaka ia karaia? (Num. 21:9; 2 Kin. 18:​1-4)

2. Ioane 3:​14, 15 duahia.

   Edena dala ai kopa gaigaina be au ta dekenai idia atoa karana ese Iesu hasatauroa karana ia laulaulaia? (Gal. 3:​13; 1 Pet. 2:​24)

Sivarai 42

Doniki ta Ia Hereva

1. Balaki be daika, bona dahaka dainai Balama ia boiria?

2. Dahaka dainai Balama ena doniki be dala dekenai ia hekure?

3. Doniki be Balama dekenai dahaka ia gwau?

4. Aneru ta be Balama dekenai dahaka ia gwau?

5. Balama ese Israela ia gwauraia dika toho neganai, dahaka ia vara?

Henanadai ma haida:

1. Numera 21:​21-​35 duahia.

   Dahaka dainai Israela ese Amoro ena King Sihona bona Basana ena King Oga ia halusia? (Num. 21:​21, 23, 33, 34)

2. Numera 22:​1-​40 duahia.

   Dahaka dainai Balama ia ura Israela taudia ia gwauraia dika, bona unai amo dahaka ita dibaia? (Num. 22:​16, 17; Aon. 6:​16, 18; 2 Pet. 2:​15; Iuda 11)

3. Numera 23:​1-30 duahia.

   Ena be Balama be Iehova ena hesiai tauna ta bamona ia hereva, to ena kara ese dahaka ia hahedinaraia? (Num. 23:​3, 11-​14; 1 Sam. 15:22)

4. Numera 24:​1-​25 duahia.

   Iehova ena ura hagugurua karana dekenai, edena dala ai inai Baibel sivarai ese iseda abidadama ia hagoadaia? (Num. 24:10; Isa. 54:17)

Sivarai 43

Iosua be Hakaua Tauna ai Ia Lao

1. Laulau dekenai, Mose ida idia gini tatau rua be daidia?

2. Iehova be Iosua dekenai dahaka ia gwau?

3. Dahaka dainai Mose be Nebo Ororona ena atai momokani dekenai ia daekau, bona Iehova be ia dekenai dahaka ia gwau?

4. Mose ia mase neganai, ena mauri lagani be hida?

5. Dahaka dainai taunimanima idia lalohisihisi, to dahaka dainai idia moale be namo?

Henanadai ma haida:

1. Numera 27:​12-23 duahia.

   Iehova be Iosua dekenai dahaka gaukara badana ia henia, bona hari Iehova ese edena dala ai ena taunimanima ia naria? (Num. 27:​15-​19; Kara 20:28; Heb. 13:7)

2. Deuteronomi 3:​23-​29 duahia.

   Dahaka dainai Iehova ese Mose bona Arona ia koua gwauhamata tanona do idia itaia lasi, bona unai amo dahaka ita dibaia? (Deu. 3:​25-​27; Num. 20:​12, 13)

3. Deuteronomi 31:​1-8, 14-​23 duahia.

   Mose ena hereva dokona Israela taudia dekenai ese edena bamona ia hahedinaraia, Iehova ena matahakani be mai manau ida ia abia dae? (Deu. 31:​6-8, 23)

4. Deuteronomi 32:​45-​52 duahia.

   Edena dala ai Dirava ena Hereva ese iseda mauri ia haidaua be namo? (Deu. 32:47; Lev. 18:5; Heb. 4:​12)

5. Deuteronomi 34:​1-​12 duahia.

   Ena be Mose ese Iehova ena toana ia itaia lasi, to Iehova ia hetura henia karana be Deuteronomi 34:10 ese edena bamona ia gwauraia? (Eso. 33:​11, 20; Num. 12:8)

Sivarai 44

Rahaba ese Spai Taudia Ia Hunia

1. Rahaba be edeseni ia noho?

2. Laulau dekenai idia noho tatau rua be daidia, bona dahaka dainai Ieriko dekenai idia noho?

3. Ieriko ena king ese Rahaba ia hagania dahaka do ia karaia, bona edena bamona ia haere?

4. Edena dala ai Rahaba ese inai tatau rua ia durua, bona dahaka ia noia?

5. Spai taudia rua be Rahaba dekenai dahaka gwauhamata idia karaia?

Henanadai ma haida:

1. Iosua 2:​1-​24 duahia.

   Israela taudia ese Ieriko idia tuari henia neganai, edena dala ai Iehova ena gwauhamata Esodo 23:28 ai ia guguru? (Ios. 2:​9-​11)

2. Heberu 11:31 duahia.

   Rahaba ena kara ese edena dala ai ia hahedinaraia abidadama be mai anina bada? (Roma 1:​17; Heb. 10:39; Iam. 2:​25)

Sivarai 45

Ioridane Sinavai Idia Hanaia

1. Iehova ese edena hoa karana ia karaia, unai amo Israela taudia be Ioridane Sinavai idia hanaia diba?

2. Israela taudia ese Ioridane Sinavai idia hanaia totona, dahaka idia karaia be namo, unai amo edia abidadama idia hahedinaraia?

3. Dahaka dainai Iehova ese Iosua ia hamaoroa nadi 12 do ia haboua?

4. Hahelaga taudia ese Ioridane idia rakatania neganai, dahaka ia vara?

Henanadai ma haida:

1. Iosua 3:​1-​17 duahia.

   1. Inai sivarai ese ia hahedinaraia bamona, Iehova ena heduru bona hahenamo ita abia totona, dahaka ita karaia be namo? (Ios. 3:​13, 15; Aon. 3:5; Iam. 2:​22, 26)

   2. Israela taudia be Ioridane Sinavaina amo idia hanaia bona Gwauhamata Tanona idia vareai neganai, sinavai ena ranu be edena bamona, bona edena dala ai unai ese Iehova ena ladana ia hahelagaia? (Ios. 3:​15; 4:​18; Sal. 66:​5-7)

2. Iosua 4:​1-​18 duahia.

   Dahaka dainai Ioridane amo idia abia nadi 12 be Gilegala dekenai idia haboua? (Ios. 4:​4-7)

Sivarai 46

Ieriko Ena Magu

1. Iehova ese tuari taudia bona hahelaga taudia ia hamaoroa dina siks lalonai dahaka do idia karaia?

2. Dina namba 7 ai dahaka do idia karaia?

3. Laulau dekenai oi itaia bamona, Ieriko ena magu dekenai dahaka ia vara noho?

4. Dahaka dainai varo kakakakana be uindo dekenai ia noho?

5. Iosua ese tuari taudia ia hamaoroa taunimanima bona hanua dekenai dahaka do idia karaia, to siliva, golo, kopa bona auri be edena bamona?

6. Spai taudia rua ia hamaorodia dahaka do idia karaia?

Henanadai ma haida:

1. Iosua 6:​1-​25 duahia.

   1. Dina namba 7 ai Israela taudia be Ieriko hanua idia gegea karana, be edena dala ai inai nega dokona ai Iehova ena Witnes taudia ese idia karaia haroro gaukara ida ia hegeregere? (Ios. 6:​15, 16; Isa. 60:22; Mat. 24:14; 1 Kor. 9:​16)

   2. Lagani 500 mai kahana murinai, edena dala ai Iosua 6:26 ena peroveta herevana ia guguru, bona Iehova ena hereva dekenai, unai ese ita dekenai dahaka ia hadibaia? (1 Kin. 16:34; Isa. 55:11)

Sivarai 47

Henaohenao Tauna Israela Dekenai

1. Laulau dekenai, Ieriko amo idia abia kohu ia hunia noho tauna be daika, bona daidia ese ia idia durua?

2. Dahaka dainai Akana bona ena ruma bese ese idia karaia karana be kerere bada herea?

3. Iosua ese Iehova ia nanadaia dahaka dainai Ai hanuana ese Israela taudia ia halusia neganai, Iehova be dahaka ia gwau?

4. Akana bona ena ruma bese be Iosua dekenai idia mailaia murinai, idia dekenai dahaka ia vara?

5. Akana ese ia abia hahemaoro karana amo dahaka mai anina bada gauna ita dibaia?

Henanadai ma haida:

1. Iosua 7:​1-​26 duahia.

   1. Iosua ena guriguri karana ese dahaka ia hahedinaraia ena hetura karana ena Havaraia Tauna ida? (Ios. 7:​7-9; Sal. 119:145; 1 Ioa. 5:​14)

   2. Akana ena kara ese dahaka ia hahedinaraia, bona edena dala ai ena kara be sisiba namona ita dekenai? (Ios. 7:​11, 14, 15; Aon. 15:3; 1 Tim. 5:24; Heb. 4:​13)

2. Iosua 8:​1-​29 duahia.

   Keristani kongrigeisen dekenai iseda maduna be dahaka? (Ios. 7:​13; Lev. 5:1; Aon. 28:13)

Sivarai 48

Gibeona Taudia Idia Aonega

1. Gibeona taudia edia kara be edena dala ai kahirakahira idia noho Kanana hanuadia edia kara amo ia idau?

2. Laulau dekenai oi itaia bamona, Gibeona taudia be dahaka idia karaia, bona dahaka dainai?

3. Iosua bona Israela ena hakaua taudia be dahaka gwauhamata idia karaia Gibeona taudia ida, to dina toi murinai dahaka idia dibaia?

4. Hanua ma haida edia king idia kamonai Gibeona taudia be Israela danu maino idia karaia neganai, dahaka ia vara?

Henanadai ma haida:

1. Iosua 9:​1-​27 duahia.

   1. Iehova ese Israela besena ia hadibaia ‘inai tano dekenai noho taudia ibounai do idia alaia mase’ dainai, Gibeona taudia hamauria karana dekenai Iehova be edena kara haida ia hahedinaraia? (Ios. 9:​22, 24; Mat. 9:​13; Kara 10:​34, 35; 2 Pet. 3:9)

   2. Iosua be Gibeona taudia ida ia karaia gwauhamatana ia badinaia dainai, edena dala ai Keristani taudia dekenai haheitalai namona ia hahedinaraia? (Ios. 9:​18, 19; Mat. 5:​37; Efe. 4:​25)

2. Iosua 10:​1-5 duahia.

   Hari inai negai, edena dala ai hutuma bada herea taudia ese Gibeona taudia idia tohotohoa, unai dainai dahaka hahetoho idia davaria? (Ios. 10:4; Sek. 8:​23; Mat. 25:​35-​40; Apok. 12:17)

Sivarai 49

Dina Ia Diho Lasi

1. Laulau dekenai, Iosua be dahaka ia gwau noho, bona dahaka dainai?

2. Edena dala ai Iehova ese Iosua bona ena tuari taudia ia durua?

3. Iosua ese Israela taudia idia inai henia king hida ia halusia, bona lagani hida bamona lalonai unai ia karaia?

4. Dahaka dainai Iosua ese Kanana tanona ia haria?

5. Iosua ia mase neganai ena mauri lagani be hida, bona unai murinai taunimanima dekenai dahaka ia vara?

Henanadai ma haida:

1. Iosua 10:​6-​15 duahia.

   Ita diba Israela taudia totona Iehova ena siahu amo dina bona hua idia gini noho, unai ese edena bamona ita ia hagoadaia? (Ios. 10:​8, 10, 12, 13; Sal. 18:3; Aon. 18:10)

2. Iosua 12:​7-​24 duahia.

   Daika ena heduru dainai Kanana ena king 31 idia halusia, bona dahaka dainai hari inai negai unai be mai anina bada ita dekenai? (Ios. 12:7; 24:​11-​13; Deu. 31:8; Luka 21:​9, 25-​28)

3. Iosua 14:​1-5 duahia.

   Israela ena iduhu huanai tano be edena bamona idia haria, unai ese ia hahedinaraia Paradaiso dekenai dahaka ahuna do ita abia? (Ios. 14:2; Isa. 65:21; Ese. 47:​21-​23; 1 Kor. 14:33)

4. Gunalaia Taudia 2:​8-​13 duahia.

   Iosua bamona, daidia ese hereva momokani negea karana idia koua? (Gun. 2:​8, 10, 11; Mat. 24:​45-​47; 2 Tes. 2:​3-6; Tito 1:​7-9; Apok. 1:1; 2:​1, 2)

Sivarai 50

Idia Gari Lasi Hahine Rua

1. Hahemaoro taudia edia gaukara be dahaka, bona idia haida edia ladadia be daidia?

2. Debora be dahaka hahenamo namona ia abia, bona unai ena anina be dahaka?

3. King Iabina bona ena tuari orea biaguna, Sisera, ese Israela idia hagaria neganai, Debora ese Iehova amo dahaka sisiba be Hahemaoro Tauna Baraki dekenai ia henia, bona ia gwau daika ese hanamoa do ia abia?

4. Edena dala ai Iaele ese gari lasi toana ia hahedinaraia?

5. King Iabina ia mase murinai, dahaka ia vara?

Henanadai ma haida:

1. Gunalaia Taudia 2:​14-​22 duahia.

   Dahaka dainai Iehova be Israela taudia dekenai ia badu, bona unai amo dahaka ita dibaia? (Gun. 2:​20; Aon. 3:​1, 2; Ese. 18:​21-​23)

2. Gunalaia Taudia 4:​1-​24 duahia.

   Debora bona Iaele edia abidadama bona gari lasi karana dekenai Keristani hahine be dahaka idia dibaia? (Gun. 4:​4, 8, 9, 14, 21, 22; Aon. 31:30; 1 Kor. 16:13)

3. Gunalaia Taudia 5:​1-​31 duahia.

   Aramagedono ia kahirakahira dainai, Baraki bona Debora edia kwalimu anena be edena dala ai guriguri bamona ita gwauraia diba? (Gun. 5:​3, 31; 1 Siv. 16:​8-​10; Apok. 7:​9, 10; 16:16; 19:​19-​21)

Sivarai 51

Ruta Bona Naomi

1. Dahaka dainai Naomi be Moaba dekenai ia lao?

2. Ruta bona Oropa be daidia?

3. Naomi ese Ruta bona Oropa ia hamaoroa edia taunimanima dekenai do idia giroa lou neganai, edena bamona idia kara?

4. Boasi be daika, bona edena dala ai Ruta bona Naomi ia durua?

5. Boasi bona Ruta ese idia havaraia natuna ena ladana be daika, bona dahaka dainai ia ita laloatao be namo?

Henanadai ma haida:

1. Ruta 1:​1-​17 duahia.

   1. Ruta be dahaka hereva namo hereadia ia gwauraia, unai amo ena noho hanaihanai lalokauna ia hahedinaraia? (Ruta 1:​16, 17)

   2. Edena dala ai Ruta ena laloa dalana be “mamoe idaudia” ese tanobada ai idia do noho horoa taudia idia laloa dalana ia hahedinaraia? (Ioa. 10:16; Sek. 8:​23)

2. Ruta 2:​1-​23 duahia.

   Ruta ese edena haheitalai namona ia hahedinaraia hari idia noho kekeni matamata dekenai? (Ruta 2:​17, 18; Aon. 23:22; 31:15)

3. Ruta 3:​5-​13 duahia.

   1. Ruta be mai ena ura ida Boasi ia adavaia, to uhau tauna ta lasi, Boasi ese unai kara be edena bamona ia laloa?

   2. Noho hanaihanai lalokauna dekenai, Ruta ena lalohadai ese ita dekenai dahaka ia hadibaia? (Ruta 3:​10; 1 Kor. 13:​4, 5)

4. Ruta 4:​7-​17 duahia.

   Hari inai negai, edena dala ai Keristani tatau be Boasi bamona idia kara diba? (Ruta 4:​9, 10; 1 Tim. 3:​1, 12, 13; 5:8)

Sivarai 52

Gideona Bona Ena Tatau 300

1. Edena dala ai bona dahaka dainai Israela taudia be hekwakwanai momo idia davaria?

2. Dahaka dainai Iehova be Gideona ia hamaoroa ena tuari taudia be momo herea?

3. Gideona ese gari taudia ibounai ia hamaoroa do idia giroa lou murinai, tatau hida idia noho?

4. Laulau amo, oi hahedinaraia Iehova ese edena dala ai Gideona ena tuari oreana edia namba ia hadihoa ela bona tatau 300 sibona.

5. Edena dala ai Gideona ese ena tatau 300 ia haria, bona edena dala ai Israela ia kwalimu?

Henanadai ma haida:

1. Gunalaia Taudia 6:​36-​40 duahia.

   1. Edena dala ai Gideona ese Iehova ena ura ia diba?

   2. Hari inai negai, Iehova ena ura be edena bamona ita diba? (Aon. 2:​3-6; Mat. 7:​7-​11; 2 Tim. 3:​16, 17)

2. Gunalaia Taudia 7:​1-​25 duahia.

   1. Idia noga noho taudia 300 bona idia laloa namonamo lasi taudia edia kara amo dahaka ita dibaia? (Gun. 7:​3, 6; Roma 13:​11, 12; Efe. 5:​15-​17)

   2. Tatau 300 ese Gideona idia itaia karana amo diba idia abia hegeregerena, Gideona Badana, Iesu Keriso, itaia karana amo edena dala ai diba ita abia? (Gun. 7:​17; Mat. 11:​29, 30; 28:​19, 20; 1 Pet. 2:​21)

   3. Gunalaia Taudia 7:​21 ese edena bamona ita ia durua, Iehova ena orea lalonai ita abia gaukarana ita moalelaia totona? (1 Kor. 4:2; 12:​14-​18; Iam. 4:​10)

3. Gunalaia Taudia 8:​1-3 duahia.

   Tadikaka eiava taihu ta huanai hekwakwanai ta idia hamaoromaoroa neganai, Gideona ese ia bona Eparata taudia huanai ia vara hepapahuahu ia hamaoromaoroa dalana amo dahaka ita dibaia? (Aon. 15:1; Mat. 5:​23, 24; Luka 9:​48)

Sivarai 53

Iepeta Ena Gwauhamata

1. Iepeta be daika, bona edena negai ia noho?

2. Iepeta be Iehova dekenai dahaka gwauhamata ia karaia?

3. Iepeta ese Amoro taudia ia halusia bena ruma dekenai ia giroa lou neganai, dahaka dainai ia lalohisihisi bada?

4. Iepeta ena natuna be ena tamana ena gwauhamata ena anina ia diba neganai, dahaka ia gwau?

5. Dahaka dainai taunimanima ese Iepeta ena natuna idia lalokau henia?

Henanadai ma haida:

1. Gunalaia Taudia 10:​6-​18 duahia.

   Israela taudia ese Iehova idia badinaia lasi karana dekenai edena sisiba ita badinaia be namo? (Gun. 10:​6, 15, 16; Roma 15:4; Apok. 2:​10)

2. Gunalaia Taudia 11:​1-​11, 29-​40 duahia.

   1. Edena bamona ita diba Iepeta ese ena natuna be “gabua boubouna” bamona ia henia ena anina be ena tauanina be lahi dekenai ia gabua lasi? (Gun. 11:31; Lev. 16:24; Deu. 18:​10, 12)

   2. Edena dala ai Iepeta ese ena natuna ia bouboulaia?

   3. Iepeta ese ena gwauhamata Iehova dekenai ia laloa dalana amo dahaka ita diba? (Gun. 11:​35, 39; Had. 5:​4, 5; Mat. 16:24)

   4. Edena dala ai Iepeta ena natuna be haheitalai namona ful-taim hesiai gaukara idia ura karaia Keristani matamata taudia dekenai? (Gun. 11:​36; Mat. 6:​33; Fili. 3:8)

Sivarai 54

Goada Bada Tauna

1. Tanobada ena goada taudia ibounai edia goada ia hanaia tauna be daika, bona daika ese ia dekenai unai goada ia henia?

2. Nega ta, Samson be laiona badana ta dekenai dahaka ia karaia, inai laulau dekenai oi itaia bamona?

3. Laulau dekenai, Samson be Delila dekenai dahaka ia gwauraia noho, bona edena dala ai Pilistia taudia ese ia idia dogoatao?

4. Samson ia mase dinana ai, edena dala ai Pilistia taudia 3,000 ia hamasea?

Henanadai ma haida:

1. Gunalaia Taudia 13:​1-​14 duahia.

   Natudia naria karana dekenai, edena dala ai Manoa bona ena adavana be haheitalai namona tama sina dekenai? (Gun. 13:8; Sal. 127:3; Efe. 6:4)

2. Gunalaia Taudia 14:​5-9 bona 15:​9-​16 duahia.

   1. Samson ese laiona ia alaia, ia idia guia varo matamata rua ia makohia bona doniki ena aukina turia ia gaukaralaia tatau 1,000 ia alaia mase totona. Unai sivarai ese Iehova ena lauma helaga ia gaukara dalana dekenai dahaka ia hadibaia?

   2. Hari inai negai, edena dala ai lauma helaga ese ita ia durua? (Gun. 14:6; 15:14; Sek. 4:6; Kara 4:​31)

3. Gunalaia Taudia 16:​18-31 duahia.

   Hebamo dikana ese Samson dekenai dahaka ia havaraia, bona unai amo dahaka ita dibaia? (Gun. 16:​18, 19; 1 Kor. 15:33)

Sivarai 55

Mero Maragina ta ese Dirava Ia Hesiai Henia

1. Laulau dekenai ia noho mero maragina be daika, bona daidia be ia danu idia noho?

2. Dina ta Hana be Iehova ena palai dubuna ia vadivadi henia neganai, dahaka totona ia guriguri bona edena dala ai Iehova ese ia haere henia?

3. Samuela be Iehova ena palai dekenai idia laohaia neganai, ena mauri lagani be hida, bona lagani ta ta ai ena sinana be dahaka ia karaia?

4. Eli ena natudia be daidia, bona idia be edena bamona taudia?

5. Iehova be edena dala ai Samuela ia boiboi henia, bona ia dekenai dahaka sivarai Ia gwauraia?

6. Samuela ia bada neganai, edena bamona tauna ai ia lao, bona ia buruka neganai dahaka ia vara?

Henanadai ma haida:

1. Samuela Ginigunana 1:​1-​28 duahia.

   1. Elikana ese tomadiho momokani ia gunalaia karana dekenai, edena bamona ruma bese kwaradia totona haheitalai namona ia hahedinaraia? (1 Sam. 1:​3, 21; Mat. 6:​33; Fili. 1:​10)

   2. Hana ese ena hekwakwanai ia hanaia karana dekenai dahaka ita dibaia? (1 Sam. 1:​10, 11; Sal. 55:22; Roma 12:12)

2. Samuela Ginigunana 2:​11-​36 duahia.

   Edena dala ai Eli ese ena natudia ia hanamoa, to Iehova lasi, bona unai ese ita dekenai dahaka ia hadibaia? (1 Sam. 2:​22-​24, 27, 29; Deu. 21:​18-​21; Mat. 10:​36, 37)

3. Samuela Ginigunana 4:​16-​18 duahia.

   Eli be tuari gabuna amo dahaka sivarai ia abia, bona ia dekenai dahaka ia vara?

4. Samuela Ginigunana 8:​4-9 duahia.

   Edena dala ai Israela ese Iehova ia habadua bada, bona edena bamona ita ese ena Basileia ita badinaia momokani diba? (1 Sam. 8:​5, 7; Ioa. 17:16; Iam. 4:4)

Sivarai 56

Saulo​​—Israela Ena King Ginigunana

1. Laulau dekenai, Samuela be dahaka ia karaia noho, bona dahaka dainai?

2. Dahaka dainai Iehova ese Saulo ia ura henia, bona ia be edena bamona tauna?

3. Saulo ena natuna ena ladana be daika, bona ena natuna ese dahaka ia karaia?

4. Dahaka dainai Saulo be Samuela ia naria lasi to boubou gauna ia henia?

5. Saulo ena sivarai amo dahaka ita dibaia?

Henanadai ma haida:

1. Samuela Ginigunana 9:​15-​21 bona 10:​17-​27 duahia.

   Tatau haida be hemataurai lasi dalanai Saulo idia hereva henia neganai, edena bamona Saulo ena manau karana ese ia durua ia kara haraga lasi totona? (1 Sam. 9:​21; 10:​21, 22, 27; Aon. 17:27)

2. Samuela Ginigunana 13:​5-​14 duahia.

   Gilegala dekenai Saulo ese dahaka kara dikana ia karaia? (1 Sam. 10:8; 13:​8, 9, 13)

3. Samuela Ginigunana 15:​1-​35 duahia.

   1. Saulo be Amaleka ena king, Agaga, dekenai dahaka ia karaia lasi dainai, kara dika badana ia karaia? (1 Sam. 15:​2, 3, 8, 9, 22)

   2. Edena dala ai Saulo ese ena kara ena maoro ia gwauraia toho bona daika dekenai kerere ia atoa? (1 Sam. 15:24)

   3. Sisiba ita abia neganai, edena sisiba ita badinaia be namo? (1 Sam. 15:​19-​21; Sal. 141:5; Aon. 9:​8, 9; 11:2)

Sivarai 57

Dirava ese Davida Ia Abia Hidi

1. Laulau dekenai ia noho mero be daika, bona edena bamona ita diba ia be gari lasi merona?

2. Davida be edeseni ia noho, bona ena tamana bona tubuna be daidia?

3. Dahaka dainai Iehova ese Samuela ia hamaoroa Iese ena ruma, Betelehema dekenai do ia lao?

4. Iese ese Samuela dekenai ena natudia 7 ia hakaudia mai neganai, dahaka ia vara?

5. Davida idia hakaua mai neganai, Iehova be Samuela dekenai dahaka ia hamaoroa?

Henanadai ma haida:

1. Samuela Ginigunana 17:​34, 35 duahia.

   Idia vara gaudia ese edena bamona idia hahedinaraia Davida ia gari lasi bona Iehova ia tabekau henia? (1 Sam. 17:37)

2. Samuela Ginigunana 16:​1-​14 duahia.

   1. Edena dala ai Iehova ena hereva 1 Samuela 16:7 dekenai, ese ita ia durua ta ena toana ita laloa lasi bona ta inai henia kava karana ita dadaraia totona? (Kara 10:​34, 35; 1 Tim. 2:4)

   2. ena lauma helaga be ta amo ia kokia neganai, lauma dikana eiava kara dika karaia urana ese ta ia biagua diba? (1 Sam. 16:14; Mat. 12:​43-​45; Gal. 5:​16)

Sivarai 58

Davida Bona Goliata

1. Goliata be Israela ena tuari taudia dekenai dahaka ia gwau?

2. Goliata ena bada be edena bamona, bona Goliata ia alaia tauna dekenai King Saulo be dahaka gwauhamata ia karaia?

3. Saulo ese Davida ia hamaoroa do ia hegeregere lasi Goliata ia heatu henia badina ia be mero sibona neganai, Davida be dahaka ia gwau?

4. Davida ese Goliata ia haere henia neganai, edena bamona ia hahedinaraia Iehova ia tabekau henia?

5. Laulau dekenai oi itaia bamona, Davida be dahaka ia gaukaralaia Goliata ia alaia totona, bona unai murinai Pilistia taudia dekenai dahaka ia vara?

Henanadai ma haida:

1. Samuela Ginigunana 17:​1-​54 duahia.

   1. Dahaka ese Davida ia durua ia gari lasi totona, bona edena dala ai ena gari lasi karana ita tohotohoa diba? (1 Sam. 17:​37, 45; Efe. 6:​10, 11)

   2. Keristani taudia be moale karadia eiava gadara haida idia karaia neganai, dahaka dainai Goliata ese ia hahedinaraia kara helulu lalohadaina idia dadaraia be namo? (1 Sam. 17:8; Gal. 5:​26; 1 Tim. 4:8)

   3. Davida ena hereva ese edena bamona ia hahedinaraia Dirava ena heduru ia abia dae momokani? (1 Sam. 17:​45-​47; 2 Siv. 20:15)

   4. Inai sivarai ese tuari orea rua edia tuari heheni karana sibona ia herevalaia lasi, to edena dala ai ia hahedinaraia unai tuari be dirava koikoidia bona Dirava momokani, Iehova huanai ia vara? (1 Sam. 17:​43, 46, 47)

   5. Davida ese Iehova ia abidadama henia hegeregerena, horoa orena taudia ese edena bamona unai idia tohotohoa? (1 Sam. 17:37; Ier. 1:​17-​19; Apok. 12:​17)

Sivarai 59

Davida Ia Heau Ena Badina

1. Dahaka dainai Saulo be Davida dekenai ia mama, to edena dala ai Saulo ena natuna, Ionatana, be idau?

2. Dina ta, Davida be Saulo totona gita ia gadaralaia noho lalonai, dahaka ia vara?

3. Saulo ese Davida ia hamaoroa dahaka do ia karaia guna, bena ena natuna Mikala do ia adavaia, bona dahaka dainai unai bamona ia hereva?

4. Laulau ese ia hahedinaraia bamona, Davida be Saulo totona gita ia gadaralaia noho lalonai, nega ihatoina dahaka ia vara?

5. Mikala ese edena dala ai Davida ia durua, bona lagani 7 lalonai Davida be dahaka ia karaia?

Henanadai ma haida:

1. Samuela Ginigunana 18:​1-​30 duahia.

   1. Ionatana bona Davida edia lalokau goadana ese edena dala ai “mamoe idaudia” bona “orea maragi” huanai ia noho lalokauna ia hahedinaraia? (1 Sam. 18:1; Ioa. 10:16; Luka 12:32; Sek. 8:​23)

   2. Ita diba Ionatana ese Saulo ena gabu do ia abia, to 1 Samuela 18:4 ese edena bamona ia hahedinaraia Ionatana be king ai do ia lao tauna ia badinaia?

   3. Saulo ena haheitalai ese edena bamona ia hahedinaraia mama karana ese dika bada ia havaraia diba, bona unai ese ita dekenai dahaka ia hadibaia? (1 Sam. 18:​7-9, 25; Iam. 3:​14-​16)

2. Samuela Ginigunana 19:​1-​17 duahia.

   Ionatana ese Saulo ia hamaoroa herevana amo, edena bamona ia hahedinaraia ena mauri ia haboioa diba? (1 Sam. 19:1, 4-6; Aon. 16:14)

Sivarai 60

Abigaila Bona Davida

1. Laulau dekenai Davida hedavari henia totona ia mai hahinena be daika, bona ia be edena bamona hahinena?

2. Nabala be daika?

3. Dahaka dainai Davida ese tatau haida ia siaia Nabala dekenai idia noinoi totona?

4. Nabala be Davida ena tatau dekenai dahaka ia gwau, bona Davida be edena bamona ia kara?

5. Abigaila ese edena bamona ia hahedinaraia ia be aonega hahinena?

Henanadai ma haida:

1. Samuela Ginigunana 22:​1-4 duahia.

   Keristani tadikaka oreana durua karana dekenai, Davida ena ruma bese ese edena bamona haheitalai namona idia hahedinaraia? (Aon. 17:17; 1 Tes. 5:​14)

2. Samuela Ginigunana 25:​1-​43 duahia.

   1. Dahaka dainai Baibel ese Nabala ia gwauraia dika? (1 Sam. 25:​2-5, 10, 14, 21, 25)

   2. Abigaila ena haheitalai amo, Keristani hahine be dahaka idia dibaia diba? (1 Sam. 25:​32, 33; Aon. 31:26; Efe. 5:24)

   3. Abigaila ese Davida ia koua edena kara dika rua ia karaia lasi totona? (1 Sam. 25:​31, 33; Roma 12:​19; Efe. 4:26)

   4. Davida be Abigaila ia kara henia dalana ese edena dala ai tatau ia durua, Iehova ena lalohadai hahine dekenai idia abia dae totona? (Kara 21:​8, 9; Roma 2:​11; 1 Pet. 3:7)

Sivarai 61

Davida be King ai Idia Halaoa

1. Saulo be ena kamepa dekenai ia mahuta noho lalonai, Davida bona Abisai be dahaka idia karaia?

2. Davida be Saulo dekenai dahaka henanadai ia henia?

3. Davida be Saulo ia rakatania murinai, edeseni ia lao?

4. Dahaka dainai Davida ia lalohisihisi bada, unai dainai ane namo hereana ta ia torea?

5. Heberona ai Davida be king ai idia halaoa neganai, ena mauri lagani be hida, bona ena natudia haida be daidia?

6. Davida be gabeai edeseniai ia lohia?

Henanadai ma haida:

1. Samuela Ginigunana 26:​1-​25 duahia.

   1. Davida ena hereva 1 Samuela 26:11 ai ese ia hahedinaraia tiokratik dalana be edena bamona ita laloa be namo? (Sal. 37:7; Roma 13:2)

   2. Bema ita hekwarahi bada hebogahisi-mai-lalokauna ita hahedinaraia, to idia abia dae lasi, edena dala ai Davida ena hereva 1 Samuela 26:23 dekenai ese ita ia durua lalohadai maorona ita abia totona? (1 Kin. 8:​32; Sal. 18:20)

2. Samuela Iharuana 1:​26 duahia.

   Davida bona Ionatana be ‘ta ta idia lalokau henia mai edia lalona ibounai’ ida hegeregerena, Keristani taudia ese edena bamona unai idia hahedinaraia diba? (1 Pet. 4:8; Kol. 3:​14; 1 Ioa. 4:​12)

3. Samuela Iharuana 5:​1-​10 duahia.

   1. Davida be lagani hida ia lohia, bona unai lagani be edena bamona idia haria? (2 Sam. 5:​4, 5)

   2. Dahaka dainai Davida be ia goada ia lao, bona unai ese ita dekenai dahaka ia hadibaia? (2 Sam. 5:​10; 1 Sam. 16:13; 1 Kor. 1:​31)

Sivarai 62

Kerere Davida Ena Ruma Ai

1. Iehova ena heduru amo, Kanana tano dekenai dahaka ia vara?

2. Adorahi ta, Davida be ena ruma ena guhi ai ia gini neganai, dahaka ia vara?

3. Dahaka dainai Iehova be Davida dekenai ia badu momokani?

4. Laulau dekenai, Iehova ese daika ia siaia Davida ena kara dika ia hahedinaraia totona, bona unai tauna ia gwau Davida dekenai dahaka do ia vara?

5. Davida dekenai dahaka hekwakwanai idia vara?

6. Davida murinai, daika be Israela ena king ai ia lao?

Henanadai ma haida:

1. Samuela Iharuana 11:​1-​27 duahia.

   1. Edena dala ai Iehova ena hesiai gaukara dekenai ita bisi karana ese ita ia gimaia?

   2. Dahaka dainai Davida ese kara dika ia karaia, bona unai ese hari Iehova ena hesiai taudia dekenai dahaka ia hadibaia? (2 Sam. 11:2; Mat. 5:​27-29; 1 Kor. 10:12; Iam. 1:​14, 15)

2. Samuela Iharuana 12:​1-​18 duahia.

   1. Natana ese Davida ia sisiba henia dalana dekenai elda taudia bona tama sina ese dahaka idia dibaia? (2 Sam. 12:​1-4; Aon. 12:18; Mat. 13:34)

   2. Dahaka dainai Iehova ese Davida ena dika ia gwauatao? (2 Sam. 12:13; Sal. 32:5; 2 Kor. 7:​9, 10)

Sivarai 63

Aonega King Solomona

1. Iehova be Solomona dekenai dahaka henanadai ia henia, bona Solomona be edena bamona ia haere?

2. Iehova be Solomona ena noinoi dekenai ia moale dainai, ia gwauhamata dahaka do ia henia?

3. Hahine rua be Solomona dekenai dahaka hekwakwanai badana ta idia mailaia?

4. Laulau dekenai oi itaia bamona, edena dala ai Solomona ese unai hekwakwanai ia hamaoromaoroa?

5. Solomona ena lohia negana be edena bamona, bona dahaka dainai?

Henanadai ma haida:

1. King Taudia Ginigunana 3:​3-​28 duahia.

   1. Solomona be mai ena kudouna ibounai ida 1 King Taudia 3:7 dekenai ia gwauraia herevana amo, Dirava ena orea ai maduna idia huaia taudia ese dahaka idia dibaia? (Sal. 119:105; Aon. 3:​5, 6)

   2. Edena bamona Solomona ena guriguri ese ia hahedinaraia, gau maorodia sibona totona ita guriguri be namo? (1 Kin. 3:​9, 11; Aon. 30:​8, 9; 1 Ioa. 5:14)

   3. Solomona ese hahine rua edia hekwakwanai ia hamaoromaoroa karana dekenai, dahaka ita dibaia, Solomona Badana, Iesu Keriso ena lohia dalana dekenai? (1 Kin. 3:​28; Isa. 9:​6, 7; 11:​2-4)

2. King Taudia Ginigunana 4:​29-​34 duahia.

   1. Solomona be kamonai kudouna totona ia noinoi neganai, Iehova ese edena bamona ia haere henia? (1 Kin. 4:​29)

   2. Taunimanima idia hekwarahi Solomona ena aonega idia kamonai totona, unai dainai Dirava ena Hereva stadilaia karana be edena bamona ita laloa be namo? (1 Kin. 4:​29, 34; Ioa. 17:3; 2 Tim. 3:​16)

Sivarai 64

Solomona ese Dubu Ia Haginia

1. Lagani hida murinai Solomona ese Iehova ena dubu ia haginia haorea, bona dahaka dainai moni bada herea idia negea?

2. Dubu lalonai daiutu badadia hida idia noho, bona lalona momokani daiutuna lalonai dahaka ia atoa?

3. Dubu idia haginia haorea neganai, Solomona be ena guriguri lalonai dahaka ia herevalaia?

4. Iehova be edena bamona ia hahedinaraia Solomona ena guriguri dekenai ia moale?

5. Solomona ena adavadia ese ia idia veria dahaka ia karaia totona, bona Solomona dekenai dahaka ia vara?

6. Dahaka dainai Iehova be Solomona dekenai ia badu, bona Iehova be ia dekenai dahaka ia gwau?

Henanadai ma haida:

1. Sivarai Ginigunana 28:​9, 10 duahia.

   Davida ena hereva 1 Sivarai 28:​9, 10 dekenai ita laloa neganai, namona be ita hekwarahi dina ta ta ai dahaka ita karaia totona? (Sal. 19:14; Fili. 4:​8, 9)

2. Sivarai Iharuana 6:​12-​21, 32-​42 duahia.

   1. Solomona ese edena bamona ia hahedinaraia Ataiai Momokani Diravana be taunimanima ese idia haginia dubu ta dekenai ia noho diba lasi? (2 Siv. 6:​18; Kara 17:​24, 25)

   2. Solomona ena hereva 2 Sivarai 6:​32, 33 ese Iehova ena kara be edena bamona ia hahedinaraia? (Kara 10:​34, 35; Gal. 2:6)

3. Sivarai Iharuana 7:​1-5 duahia.

   Israela taudia ese Iehova ena hairai idia itaia dainai ia idia hanamoa hegeregerena, Iehova ese hari ena taunimanima ia hanamoa dalana ita laloa neganai, unai ese edena bamona ita ia veria Iehova ita hanamoa totona? (2 Siv. 7:3; Sal. 22:22; 34:1; 96:2)

4. King Taudia Ginigunana 11:​9-​13 duahia.

   Solomona ena mauri dalana ese edena bamona ia hahedinaraia Iehova ita badinaia noho ela bona dokona be mai anina bada? (1 Kin. 11:​4, 9; Mat. 10:22; Apok. 2:​10)

Sivarai 65

Basileia Ia Parara

1. Laulau dekenai idia noho tatau rua be daidia, bona dahaka gaukara idia karaia?

2. Ahaisa be ia karaia dabua dekenai dahaka ia karaia, bona unai kara ena anina be dahaka?

3. Solomona be Ieroboama dekenai dahaka ia karaia toho?

4. Dahaka dainai taunimanima ese Ieroboama be iduhu 10 edia king ai idia halaoa?

5. Dahaka dainai Ieroboama ese golo boromakau rua ia karaia, bona daudau lasi unai tano dekenai dahaka ia vara?

6. Iduhu rua basileiana bona Iehova ena dubu Ierusalema dekenai dahaka ia vara?

Henanadai ma haida:

1. King Taudia Ginigunana 11:​26-​43 duahia.

   Ieroboama be edena bamona tauna, bona bema Dirava ena taravatu ia badinaia, Iehova be ia dekenai dahaka gwauhamata ia karaia? (1 Kin. 11:​28, 38)

2. King Taudia Ginigunana 12:​1-​33 duahia.

   1. Rehoboama ena haheitalai dikana amo, tama sina bona elda taudia be dagi gaukaralaia kerere karana dekenai dahaka idia dibaia? (1 Kin. 12:13; Had. 7:7; 1 Pet. 5:2, 3)

   2. Matamata taudia be edia mauri dekenai abia hidi badadia idia karaia neganai, daidia edia heduru idia tahua be namo? (1 Kin. 12:​6, 7; Aon. 1:​8, 9; 2 Tim. 3:​16, 17; Heb. 13:7)

   3. Dahaka dainai Ieroboama ese boromakau natuna tomadiho henia gabudia rua ia haginia, bona unai ese edena bamona ia hahedinaraia Iehova ia abidadama henia lasi? (1 Kin. 11:​37; 12:​26-​28)

   4. Daika ese iduhu 10 basileiana ia gunalaia tomadiho momokani idia gwau-edeede henia totona? (1 Kin. 12:​32, 33)

Sivarai 66

Iesebele​​—Kwini Dikana

1. Iesebele be daika?

2. Dina ta ai dahaka dainai King Ahaba ia lalohisihisi bada?

3. Ahaba ena adavana Iesebele be Naboto ena vain umana abia totona, dahaka ia karaia?

4. Iesebele panisia totona, Iehova be daika ia siaia?

5. Laulau dekenai oi itaia bamona, Iehu be Iesebele ena ruma dekenai ia ginidae neganai, dahaka ia vara?

Henanadai ma haida:

1. King Taudia Ginigunana 16:​29-​33 bona 18:​3, 4 duahia.

   King Ahaba ena lohia neganai, Israela taudia edia kara be edena bamona? (1 Kin. 16:33))

2. King Taudia Ginigunana 21:​1-​16 duahia.

   1. Edena dala ai Naboto be gari lasi bona Iehova badinaia karana ia hahedinaraia? (1 Kin. 21:​1-3; Lev. 25:​23-​28)

   2. Ahaba ena haheitalai amo, lalohisihisi haheaukalaia karana dekenai dahaka ita dibaia? (1 Kin. 21:4; Roma 5:​3-5)

3. King Taudia Iharuana 9:​30-​37 duahia.

   Iehu be mai ena ura bada ida Iehova ena ura ia karaia, unai amo dahaka ita dibaia? (2 Kin. 9:​4-​10; 2 Kor. 9:​1, 2; 2 Tim. 4:2)

Sivarai 67

Iehosapata ese Iehova Ia Abidadama Henia

1. Iehosapata be daika, bona edena negai ia noho?

2. Dahaka dainai Israela taudia idia gari, bona idia momo be dahaka idia karaia?

3. Iehova ese Iehosapata ena guriguri be edena dala ai ia haerelaia?

4. Tuari ia do hamatamaia lasi neganai, Iehova ese dahaka ia karaia?

5. Iehosapata ena sivarai amo dahaka ita dibaia?

Henanadai ma haida:

1. Sivarai Iharuana 20:​1-​30 duahia.

   1. Iehova ena abidadama hesiai taudia ese hagaria gauna ta idia davaria neganai, do idia karaia karana be Iehosapata ese edena bamona ia hahedinaraia? (2 Siv. 20:12; Sal. 25:15; 62:1)

   2. Iehova ese ena taunimanima ia kara henia neganai, hanaihanai hereva halasia dalana ta ia gaukaralaia, hari edena dala ia gaukaralaia? (2 Siv. 20:​14, 15; Mat. 24:​45-​47; Ioa. 15:15)

   3. Dirava ese “Siahu Ibounai Diravana ena Dina Badana” ia hamatamaia neganai, edena dala ai iseda nega be Iehosapata ena nega hegeregerena? (2 Siv. 20:​15, 17; 32:8; Apok. 16:​14, 16)

   4. Levi taudia bamona, painia bona misinari taudia be edena dala ai tanobada hegegemadai haroro gaukarana idia durua? (2 Siv. 20:19, 21; Roma 10:​13-​15; 2 Tim. 4:2)

Sivarai 68

Idia Mauri Lou Memero Rua

1. Laulau dekenai idia noho taunimanima toi be daidia, bona mero maragina dekenai dahaka ia vara?

2. Elia be dahaka totona ia guriguri, bona gabeai dahaka ia vara?

3. Elia ena durua tauna be daika?

4. Dahaka dainai Elisaia be Suneme dekenai ia noho hahinena ena ruma dekenai ia lao?

5. Elisaia be dahaka ia karaia, bona ia mase natuna dekenai dahaka ia vara?

6. Elia bona Elisaia ese idia hahedinaraia bamona, Iehova be mai ena siahu dahaka ia karaia totona?

Henanadai ma haida:

1. King Taudia Ginigunana 17:​8-​24 duahia.

   1. Edena dala ai Elia ena badinaia karana bona abidadama idia tohoa? (1 Kin. 17:9; 19:​1-4, 10)

   2. Dahaka dainai Sarepata ena vabu ena abidadama be bada? (1 Kin. 17:​12-​16; Luka 4:​25, 26)

   3. Sarepata ena vabu ena haheitalai ese edena bamona Iesu ena hereva Mataio 10:​41, 42 dekenai ia hamomokania? (1 Kin. 17:​10-​12, 17, 23, 24)

2. King Taudia Iharuana 4:​8-​37 duahia.

   1. Heabidae karana dekenai, Suneme hahinena amo dahaka ita dibaia? (2 Kin. 4:8; Luka 6:​38; Roma 12:13; 1 Ioa. 3:​17)

   2. Edena dala haida ai Dirava ena hesiai taudia dekenai hebogahisi karadia ita hahedinaraia diba? (Kara 20:35; 28:​1, 2; Gal. 6:​9, 10; Heb. 6:​10)

Sivarai 69

Kekeni ta ese Tau Goadana ta Ia Durua

1. Laulau dekenai, inai kekeni maragina be inai hahine dekenai dahaka sivarai ia gwauraia noho?

2. Laulau dekenai ia noho hahinena be daika, bona dahaka dainai inai kekeni maragina be inai hahine ena ruma dekenai ia noho?

3. Elisaia ese ena hesiai tauna ia hamaoroa Namana dekenai dahaka do ia hamaoroa, bona dahaka dainai Namana ia badu?

4. Namana be ena hesiai tauna ta ena hereva ia kamonai neganai, dahaka ia vara?

5. Dahaka dainai Elisaia ese Namana ena harihari gaudia ia dadaraia, to Gehasi be dahaka ia karaia?

6. Gehasi dekenai dahaka ia vara, bona unai amo dahaka ita dibaia?

Henanadai ma haida:

1. King Taudia Iharuana 5:​1-​27 duahia.

   1. Israela kekeni maragina ese ia hahedinaraia haheitalai ese edena dala ai matamata taudia ia hagoadaia? (2 Kin. 5:3; Sal. 8:2; 148:​12, 13)

   2. Baibel amo ita idia sisiba henia neganai, dahaka dainai Namana ena haheitalai ita laloa noho be namo? (2 Kin. 5:​15; Heb. 12:​5, 6; Iam. 4:6)

   3. Elisaia bona Gehasi edia kara ena idau amo dahaka ita dibaia? (2 Kin. 5:​9, 10, 14-​16, 20; Mat. 10:8; Kara 5:​1-5; 2 Kor. 2:​17)

Sivarai 70

Iona Bona Gwarume Badana

1. Iona be daika, bona Iehova ese ia hamaoroa dahaka do ia karaia?

2. Iona ia ura lasi Iehova ese ia siaia gabuna dekenai ia lao dainai, dahaka ia karaia?

3. Lai gubana hadokoa totona, Iona ese bouti idia taria taudia ia hamaoroa dahaka do idia karaia?

4. Laulau dekenai oi itaia bamona, Iona be davara lalonai ia diho neganai, dahaka ia vara?

5. Iona be gwarume lalonai dina bona hanuaboi hida ia noho, bona unuseniai dahaka ia karaia?

6. Iona be gwarume badana amo ia raka-lasi murinai, edeseni ia lao, bona unai ese ita dekenai dahaka ia hadibaia?

Henanadai ma haida:

1. Iona 1:​1-​17 duahia.

   Momokani, Nineva taudia haroro henia karana dekenai, Iona be dahaka ia laloa? (Iona 1:​2, 3; Aon. 3:7; Had. 8:​12)

2. Iona 2:​1, 2, 10 duahia.

   Iona ena haheitalai amo edena bamona ita diba momokani Iehova ese iseda guriguri do ia haerelaia? (Sal. 22:24; 34:6; 1 Ioa. 5:​14)

3. Iona 3:​1-​10 duahia.

   1. Ena be matamanai Iona ese ena gaukara ia hagugurua lasi, to Iehova ese ia gaukaralaia, unai ese edena bamona ita ia hagoadaia? (Sal. 103:14; 1 Pet. 5:​10)

   2. Iseda teritori dekenai idia noho taudia ita hahemaoro henia haraga karana dekenai, Iona bona Nineva taudia edia sivarai amo dahaka ita dibaia? (Iona 3:​6-9; Had. 11:6; Kara 13:48)

Sivarai 71

Dirava ese Paradaiso Ia Gwauhamatalaia

1. Isaia be daika, edena nega lalonai ia noho, bona Iehova ese ia dekenai dahaka ia hahedinaraia?

2. Inai hereva “paradaiso” ena anina be dahaka, bona unai hereva dainai dahaka oi laloa lou?

3. Iehova ese Isaia ia hamaoroa Paradaiso matamatana be edena bamona do ia gwauraia?

4. Dahaka dainai Adamu bona Heva ese edia noho gabu hairaina idia haboioa?

5. Iehova ese ia idia lalokau henia taudia dekenai dahaka ia gwauhamatalaia?

Henanadai ma haida:

1. Isaia 11:​6-9 duahia.

   1. Tanobada matamatana ai, animal bona taunimanima huanai do ia noho mainona be Dirava ena Hereva ese edena bamona ia herevalaia? (Sal. 148:​10, 13; Isa. 65:25; Ese. 34:25)

   2. Hari inai negai, lauma dalanai Iehova ena taunimanima huanai Isaia ena hereva be edena dala ai ia guguru noho? (Roma 12:2; Efe. 4:​23, 24)

   3. Hari taunimanima haida edia kara idia haidaua bona tanobada matamatana ai unai do ia vara danu, unai dainai daika ita hanamoa be namo? (Isa. 48:​17, 18; Gal. 5:​22, 23; Fili. 4:7)

2. Apokalupo 21:​3, 4 duahia.

   1. Baibel ese edena bamona ia hahedinaraia Dirava be taunimanima danu do ia noho ena anina be tauanina dalanai lasi, to laulau dalanai? (Lev. 26:​11, 12; 2 Siv. 6:​18; Isa. 66:1; Apok. 21:​2, 3, 22-​24)

   2. Edena bamona mata ranu bona hisihisi do idia ore? (Luka 8:​49-​52; Roma 8:​21, 22; Apok. 21:4)

Sivarai 72

Dirava ese King Hesekaia Ia Durua

1. Laulau dekenai ia noho tauna be daika, bona dahaka dainai ia lalo-hekwarahi bada?

2. Hesekaia be Dirava vairanai dahaka revareva ia atoa, bona dahaka ia gurigurilaia?

3. Hesekaia be edena bamona king, bona Iehova be peroveta tauna Isaia amo dahaka hereva ia siaia?

4. Laulau ese ia hahedinaraia hegeregerena, Iehova ena aneru ese Asuria taudia dekenai dahaka ia karaia?

5. Ena be iduhu rua basileiana be nega sisina lalonai maino ai idia noho, to Hesekaia ia mase murinai dahaka ia vara?

Henanadai ma haida:

1. King Taudia Iharuana 18:​1-​36 duahia.

   1. Edena dala ai Asuria taudia edia hereva gwauraia tauna, Rabesake, ia ura Israela taudia edia abidadama ia hamanokaia? (2 Kin. 18:​19, 21; Eso. 5:2; Sal. 64:3)

   2. Iehova ena Witnes taudia ese dagedage taudia idia kara henia neganai, edena dala ai Hesekaia ena haheitalai idia tohotohoa? (2 Kin. 18:36; Sal. 39:1; Aon. 26:4; 2 Tim. 2:​24)

2. King Taudia Iharuana 19:​1-​37 duahia.

   1. Lalohisihisi negadiai, edena dala ai Iehova ena taunimanima ese Hesekaia idia tohotohoa? (2 Kin. 19:​1, 2; Aon. 3:​5, 6; Heb. 10:​24, 25; Iam. 5:​14, 15)

   2. King Senakeriba be dahaka gau toi ia karaia lasi dainai ia kwalimu lasi, bona peroveta dalanai daika ia laulaulaia? (2 Kin. 19:​32, 35, 37; Apok. 20:​2, 3)

3. King Taudia Iharuana 21:​1-6, 16 duahia.

   Dahaka dainai ita gwau diba Manase be Ierusalema idia lohiaia king dika hereana ta? (2 Siv. 33:4-6, 9)

Sivarai 73

Israela Ena King Namona Ginigabena

1. Iosaia be king ai ia lao neganai, ena mauri lagani be hida, bona lagani 7 ia lohia neganai, dahaka ia karaia matamaia?

2. Laulau ginigunana ai Iosaia be dahaka ia karaia noho?

3. Israela tatau be dubu idia hanamoa noho neganai, hahelaga tauna badana ese dahaka ia davaria?

4. Dahaka dainai Iosaia ese ena dabua ia darea?

5. Peroveta hahinena, Hulida, be Iehova amo dahaka hereva ia abia bona Iosaia dekenai ia henia?

Henanadai ma haida:

1. Sivarai Iharuana 34:​1-​28 duahia.

   1. Edia maragi negana ai nega aukana idia haheaukalaia taudia dekenai, Iosaia be dahaka haheitalai ia hahedinaraia? (2 Siv. 33:​21-​25; 34:​1, 2; Sal. 27:10)

   2. Iosaia ena lohia lagani namba 8, 12, bona 18 ai, dahaka mai anina bada karana ia karaia tomadiho momokani ia abia isi totona? (2 Siv. 34:​3, 8)

   3. Iseda tomadiho gabudia naria karana dekenai, King Iosaia bona Hahelaga Tauna Badana Hilekaia edia haheitalai amo dahaka ita dibaia? (2 Siv. 34:​9-​13; Aon. 11:14; 1 Kor. 10:31)

Sivarai 74

Ia Gari Lasi Tauna

1. Laulau dekenai ia noho tau matamatana be daika?

2. Dahaka dainai Ieremia ia laloa ia be peroveta gaukarana ia karaia diba lasi, to Iehova ese dahaka ia hamaoroa?

3. Ieremia be taunimanima dekenai dahaka hereva ia gwauraia noho?

4. Edena dala ai hahelaga taudia ese Ieremia idia koua toho, to edena dala ai gari lasi toana ia hahedinaraia?

5. Israela taudia ese edia kara idia haidaua lasi neganai, dahaka ia vara?

Henanadai ma haida:

1. Ieremia 1:​1-8 duahia.

   1. Ieremia ena haheitalai ese ia hahedinaraia bamona, edena bamona tauna ia hegeregere Iehova ena hesiai gaukara ia karaia totona? (2 Kor. 3:​5, 6)

   2. Hari inai negai, edena dala ai Ieremia ena haheitalai ese matamata taudia ia hagoadaia? (Had. 12:1; 1 Tim. 4:​12)

2. Ieremia 10:​1-5 duahia.

   Ieremia ese edena haheitalai mai siahuna ia gaukaralaia, unai amo ia hahedinaraia kaivakuku tabekau henia karana be anina lasi? (Ier. 10:5; Isa. 46:7; Hab. 2:19)

3. Ieremia 26:​1-​16 duahia.

   1. Hari inai negai, horoa orena taudia be hadibaia hereva idia halasia neganai, edena dala ai Iehova ese Ieremia dekenai ia henia hahegani, ‘hereva ta do ia hunia lasi,’ idia badinaia? (Ier. 26:2; Deu. 4:2; Kara 20:27)

   2. Bese ibounai dekenai Iehova ena sisiba halasia karana amo, Ieremia ese Iehova ena Witnes taudia dekenai dahaka haheitalai namona ia hahedinaraia? (Ier. 26:​8, 12, 14, 15; 2 Tim. 4:​1-5)

4. King Taudia Iharuana 24:​1-​17 duahia.

   Iuda ese Iehova ia abidadama henia lasi dainai, dahaka ia vara? (2 Kin. 24:​2-4, 14)

Sivarai 75

Memero Foa Babulonia Ai

1. Laulau dekenai idia noho memero foa be daidia, bona dahaka dainai Babulonia dekenai idia noho?

2. Nebukanesa be unai memero foa totona dahaka ia ura, bona ena hesiai taudia dekenai dahaka ia hamaoroa?

3. Aniani bona inuinu gaudia dekenai, Daniela be ia bona ena turadia toi totona dahaka ia noia?

4. Dina 10 lalonai uma aniani idia ania murinai, Daniela bona ena turadia toi edia tauanina be edena dala ai memero ma haida amo idia idau?

5. Edena dala ai Daniela bona ena turadia toi be king ena ruma dekenai idia noho, bona edena dala ai edia diba ese hahelaga bona aonega taudia edia ia hanaia?

Henanadai ma haida:

1. Daniela 1:​1-​21 duahia.

   1. Dahaka ita karaia be namo bema ita ura hedibagani ita dadaraia bona manoka gaudia ita hanaia? (Dan. 1:8; Gen. 39:​7, 10; Gal. 6:9)

   2. Hari inai negai, edena dala ai haida ese idia gwauraia namo gaudia ese matamata taudia idia dibagani eiava tohoa diba? (Dan. 1:8; Aon. 20:1; 2 Kor. 6:17–7:1)

   3. Tanobada ena diba abia karana dekenai, Heberu memero foa edia sivarai ese edena dala ai ita ia durua? (Dan. 1:​20; Isa. 54:13; 1 Kor. 3:​18-​20)

Sivarai 76

Ierusalema Idia Hadikaia Ore

1. Laulau dekenai ita itaia bamona, Ierusalema bona Israela taudia dekenai dahaka ia vara noho?

2. Esekiela be daika, bona Iehova ese ia dekenai dahaka ia hahedinaraia?

3. Israela taudia ese Iehova idia matauraia lasi dainai, dahaka ia gwauhamatalaia?

4. Israela taudia ese King Nebukanesa idia gwau-edeede henia murinai, dahaka ia karaia?

5. Dahaka dainai Israela taudia dekenai inai dika ia vara neganai, Iehova ese ia koua lasi?

6. Edena dala ai Israela tano dekenai taunimanima ta ia noho lasi, bona unai bamona ia noho ela bona edena negai?

Henanadai ma haida:

1. King Taudia Iharuana 25:​1-​26 duahia.

   1. Sedekaia be daika, ia dekenai dahaka ia vara, bona unai ese edena dala ai Baibel ena peroveta herevana ia hagugurua? (2 Kin. 25:​5-7; Ese. 12:​13-​15)

   2. Israela ese ia karaia abidadama lasi kara ibounai dainai, Iehova ese daika ia gaukaralaia idia ia panisia totona? (2 Kin. 25:​9, 11, 12, 18, 19; 2 Siv. 36:​14, 17)

2. Esekiela 8:​1-​18 duahia.

   Edena dala ai Kerisendom ese dina idia tomadiho henia Israela taudia idia tohotohoa? (Ese. 8:​16; Isa. 5:​20, 21; Ioa. 3:​19-​21; 2 Tim. 4:3)

Sivarai 77

Idia Tui Diho Lasi

1. Babulonia ena king, Nebukanesa, ese taunimanima dekenai dahaka hahegani ia henia?

2. Dahaka dainai Daniela ena turadia toi be inai golo kaivakukuna dekenai idia tui diho lasi?

3. Nebukanesa ese Heberu memero toi ia hamaorodia lou idia tui diho neganai, edena dala ai idia hahedinaraia Iehova idia abidadama henia?

4. Nebukanesa ese ena tatau ia hamaoroa Sataraka, Misaka, bona Abetenigo dekenai dahaka do idia karaia?

5. Nebukanesa be lahi lalonai ia itaia neganai, dahaka ia itaia?

6. Dahaka dainai king ese Sataraka, Misaka, bona Abetenigo edia Dirava ia hanamoa, bona ita dekenai dahaka haheitalai idia hahedinaraia?

Henanadai ma haida:

1. Daniela 3:​1-​30 duahia.

   1. Dirava ena hesiai taudia be edia Dirava badinaia karana dekenai hahetoho idia davaria neganai, Heberu memero toi ese idia hahedinaraia lalohadaina be edena bamona idia tohotohoa diba? (Dan. 3:​17, 18; Mat. 10:28; Roma 14:​7, 8)

   2. Iehova Dirava ia karaia karana amo Nebukanesa be dahaka mai anina bada gauna ia dibaia? (Dan. 3:​28, 29; 4:​34, 35)

Sivarai 78

Haba Dekenai Ia Hedinarai Toretore

1. Babulonia ena king ese aria badana ta ia karaia bona Ierusalema dekenai Iehova ena dubu amo idia abia kapusi bona disi ia gaukaralaia neganai, dahaka ia vara?

2. Belesasa be ena aonega tatau dekenai dahaka ia gwau, to idia hegeregere lasi dahaka idia karaia totona?

3. King ena sinana ese ia hamaoroa dahaka do ia karaia?

4. Daniela ese king ia hamaoroa hegeregerena, dahaka dainai Dirava ese inai imana ia siaia haba dekenai inai hereva ia torea totona?

5. Edena dala ai Daniela ese haba dekenai idia noho hereva edia anina ia gwauraia?

6. Daniela be ia do hereva noho lalonai dahaka ia vara?

Henanadai ma haida:

1. Daniela 5:​1-​31 duahia.

   1. Dirava gari henia karana bona Belesasa be haba dekenai ia noho hereva ia itaia neganai ia abia gari mamina edia idau mani oi gwauraia. (Dan. 5:​6, 7; Sal. 19:​9, NW; Roma 8:​35-​39)

   2. Daniela be Belesasa bona ena lohia taudia ia hereva henidia neganai, edena dala ai gari lasi toana ia hahedinaraia? (Dan. 5:​17, 18, 22, 26-​28; Kara 4:​29)

   3. Edena dala ai Daniela karoa 5 ese Iehova ena lohia siahuna, guba bona tanobada ai, ia gwauraia? (Dan. 4:​17, 25; 5:​21)

Sivarai 79

Daniela, Laiona Edia Guri Lalonai

1. Dariuse be daika, bona ena lalohadai Daniela dekenai be edena bamona?

2. Mama taudia haida ese Dariuse ena lalona idia veria dahaka ia karaia totona?

3. Daniela be unai taravatu matamata ia diba neganai, dahaka ia karaia?

4. Dariuse be dahaka ia lalo-hekwarahilaia dainai ia mahuta diba lasi, bona murina dinana ai dahaka ia karaia?

5. Daniela ese edena dala ai Dariuse ia haere henia?

6. Daniela idia hamasea toho tatau dikadia dekenai dahaka ia vara, bena Dariuse ese ena basileia taudia ibounai dekenai dahaka revareva ia siaia?

Henanadai ma haida:

1. Daniela 6:​1-​28 duahia.

   1. Hari inai negai, Iehova ena Witnes taudia edia gaukara idia ura koua taudia dekenai, Daniela dekenai ia vara karana ese ita dekenai dahaka ia hadibaia? (Dan. 6:7; Sal. 94:20; Isa. 10:1; Roma 8:​31)

   2. Hari inai negai, “gavamani” kamonai henia karana dekenai, edena dala ai Dirava ena hesiai taudia ese Daniela idia tohotohoa diba? (Dan. 6:​5, 10; Roma 13:1; Kara 5:​29)

   3. Daniela be “nega ibounai” Iehova ia tomadiho henia, edena dala ai ena haheitalai ita tohotohoa diba? (Dan. 6:​16, 20; Fili. 3:​16; Apok. 7:​15)

Sivarai 80

Dirava Ena Taunimanima ese Babulonia Idia Rakatania

1. Laulau dekenai ita itaia bamona, Israela taudia be dahaka idia karaia noho?

2. Edena dala ai Iehova be Isaia amo ia gwauraia peroveta herevana be Kurese ese ia hagugurua?

3. Kurese ese Ierusalema dekenai idia lao lasi Israela taudia dekenai dahaka ia hamaoroa?

4. Kurese ese Ierusalema dekenai idia giroa lou taudia dekenai dahaka ia henia?

5. Israela taudia be hua hida murinai Ierusalema dekenai idia ginidae?

6. Lagani hida lalonai tano ia noho kava?

Henanadai ma haida:

1. Isaia 44:28 bona 45:​1-4 duahia.

   1. Iehova ese edena bamona ia hahedinaraia, Kurese dekenai ia perovetalaia gauna be do ia guguru momokani? (Isa. 55:​10, 11; Roma 4:​17)

   2. Isaia ena peroveta herevana Kurese dekenai ese edena bamona ia hahedinaraia Iehova Dirava be nega vaira ia gwauraia diba? (Isa. 42:9; 45:21; 46:​10, 11; 2 Pet. 1:​20)

2. Esera 1:​1-​11 duahia.

   Ierusalema dekenai idia giroa lou lasi taudia edia haheitalai ita badinaia neganai, edena dala ai ful-taim hesiai gaukara idia karaia diba taudia ita “durua” diba? (Esr. 1:​4, 6; Roma 12:13; Kol. 4:​12)

Sivarai 81

Dirava Ena Heduru Dekenai Idia Tabekau

1. Taunimanima hida be Babulonia amo laolao daudauna idia karaia ela bona Ierusalema dekenai, to idia ginidae neganai, dahaka idia davaria?

2. Israela taudia idia ginidae neganai, dahaka idia haginia matamaia, to edia inai taudia ese dahaka idia karaia?

3. Hagai bona Sekaraia be daidia, bona taunimanima dekenai dahaka idia hamaoroa?

4. Dahaka dainai Tatenai be revareva ta ia siaia Babulonia dekenai, bona dahaka haere ia abia?

5. Esera ese Dirava ena dubu hanamoa lou sivaraina ia kamonai neganai, dahaka ia karaia?

6. Laulau dekenai, Esera be dahaka totona ia guriguri noho, ena guriguri ena haere be edena dala ai ia abia, bona unai ese ita dekenai dahaka ia hadibaia?

Henanadai ma haida:

1. Esera 3:​1-​13 duahia.

   Bema gabu ta dekenai ita lao bona unuseniai kongrigeisen ta ia noho lasi, dahaka ita karaia noho be namo? (Esr. 3:​3, 6; Kara 17:​16, 17; Heb. 13:15)

2. Esera 4:​1-7 duahia.

   Tomadiho ma haida ida gaukara hebou karana dekenai, Serubabele ese dahaka haheitalai namona ia hahedinaraia Iehova ena taunimanima totona? (Eso. 34:12; 1 Kor. 15:33; 2 Kor. 6:​14-​17)

3. Esera 5:​1-5, 17 bona 6:​1-​22 duahia.

   1. Dahaka dainai dagedage taudia idia hegeregere lasi dubu haginia gaukarana idia koua totona? (Esr. 5:5; Isa. 54:17)

   2. Dagedage negadiai, edena dala ai Iuda tau badadia edia kara ese Keristani elda taudia ia hagoadaia Iehova ena heduru idia tahua totona? (Esr. 6:​14; Sal. 32:8; Roma 8:​31; Iam. 1:5)

4. Esera 8:​21-​23, 28-​36 duahia.

   Esera ese kara ta ia do karaia lasi neganai, dahaka ia karaia bona unai ita tohotohoa be namo? (Esr. 8:​23; Sal. 127:1; Aon. 10:22; Iam. 4:​13-​15)

Sivarai 82

Morodekai Bona Eseta

1. Morodekai bona Eseta be daidia?

2. Dahaka dainai King Ahasuero ia ura hahine ma ta ia abia, bona daika ia abia hidi?

3. Hamana be daika, bona dahaka dainai ia badu momokani?

4. Dahaka taravatu ia torea, bona Eseta be Morodekai amo revareva ta ia abia murinai, dahaka ia karaia?

5. Hamana dekenai dahaka ia vara, bona Morodekai dekenai dahaka ia vara?

6. Edena dala ai Israela taudia ese edia inai taudia idia halusidia?

Henanadai ma haida:

1. Eseta 2:​12-​18 duahia.

   Edena dala ai Eseta ese “laloa manau, bona dagedage lasi” karana ia hahedinaraia? (Est. 2:​15; 1 Pet. 3:​1-5)

2. Eseta 4:​1-​17 duahia.

   Eseta ese tomadiho momokani ia abia isi hegeregerena, hari inai negai, edena dala ai Iehova dekenai iseda badinaia karana ita hahedinaraia diba? (Est. 4:​13, 14; Mat. 5:​14-​16; 24:14)

3. Eseta 7:​1-6 duahia.

   Hari inai negai, edena dala ai Dirava ena taunimanima momo be Eseta hegeregerena, dagedage idia davaria diba? (Est. 7:4; Mat. 10:​16-​22; 1 Pet. 2:​12)

Sivarai 83

Ierusalema Ena Magu

1. Edia hanua, Ierusalema, ena magu be lasi dainai, Israela taudia edia hemami be edena bamona?

2. Nehemia be daika?

3. Nehemia be dahaka gaukara ia karaia, bona dahaka dainai unai be gaukara badana?

4. Edena sivarai ese Nehemia ena lalona ia hahisia bada, bona dahaka ia karaia?

5. Edena dala ai King Aratasaseta ese Nehemia dekenai hebogahisi ia hahedinaraia?

6. Edena dala ai Nehemia ese dubu haginia gaukarana ia palanilaia, unai amo edia inai taudia ese edia gaukara idia koua lasi?

Henanadai ma haida:

1. Nehemia 1:​4-6 bona 2:​1-​20 duahia.

   Edena dala ai Nehemia ese Iehova ena heduru ia tahua? (Neh. 2:​4, 5; Roma 12:12; 1 Pet. 4:7)

2. Nehemia 3:​3-5 duahia.

   Tekoa taudia bona edia “lohia taudia” edia kara ia idau dalana amo elda bona hesiai taudia be dahaka idia dibaia diba? (Neh. 3:​5, 27; 2 Tes. 3:​7-​10; 1 Pet. 5:5)

3. Nehemia 4:​1-​23 duahia.

   1. Ena be Israela taudia be dagedage bada idia davaria, to dahaka ese idia ia hagoadaia dainai haginia gaukara idia hadokoa lasi? (Neh. 4:​6, 8, 9; Sal. 50:15; Isa. 65:​13, 14)

   2. Edena dala ai Israela taudia edia haheitalai ese hari ita ia hagoadaia?

4. Nehemia 6:​15 duahia.

   Momokani Ierusalema ena magu be hua rua lalonai idia haorea, unai ese dahaka ia hahedinaraia abidadama karana dekenai? (Sal. 56:​3, 4; Mat. 17:20; 19:26)

Sivarai 84

Aneru ta ese Maria Ia Vadivadi Henia

1. Laulau dekenai ia noho hahinena be daika?

2. Gabriela be Maria dekenai dahaka ia hamaoroa?

3. Gabriela ese edena bamona ia hahedinaraia Maria ese beibi ta do ia havaraia, ena be ia be tau ta danu ia noho lasi?

4. Maria ese ena varavara Elisabeta, ia vadivadi henia neganai, dahaka ia vara?

5. Iosepa ia kamonai Maria be natuna ta do ia havaraia neganai, dahaka lalohadai ia abia, to dahaka dainai ena lalona ia haidaua?

Henanadai ma haida:

1. Luka 1:​26-​56 duahia.

   1. Dirava ese ena Natuna ena mauri be guba amo ia abia bona Maria ena bogana lalona ia atoa neganai, edena dala ai Luka 1:​35 ese ia hahedinaraia Adamu ena kara dika be unai Natuna dekenai ia hanaia lasi? (Hag. 2:​11-​13; Ioa. 6:​69; Heb. 7:​26; 10:5))

   2. Iesu be ia do vara lasi neganai edena dala ai hanamoa ia abia? (Luka 1:​41-​43)

   3. Hesiai gaukara ena hahenamo haida idia abia Keristani taudia dekenai, Maria ese dahaka haheitalai namona ia hahedinaraia? (Luka 1:​38, 46-​49; 17:10; Aon. 11:2)

2. Mataio 1:​18-​25 duahia.

   Ena be Iesu ena ladana idia atoa lasi Emanuela, to edena dala ai tanobada ai ia karaia gaukarana ese unai ladana ena anina ia hagugurua? (Mat. 1:​22, 23; Ioa. 14:​8-​10; Heb. 1:​1-3)

Sivarai 85

Iesu be Boromakau Edia Ruma Lalonai Ia Vara

1. Laulau dekenai ia noho beibi maragina be daika, bona Maria ese edeseniai ia hahekurea gwauraia?

2. Dahaka dainai Iesu be boromakau edia ruma lalonai ia vara?

3. Laulau dekenai, boromakau edia ruma lalonai idia vareai noho tatau be daidia, bona aneru ta be idia dekenai dahaka ia gwau?

4. Dahaka dainai Iesu be tau hereadaena?

5. Dahaka dainai Iesu be Dirava ena Natuna idia gwauraia be maoro?

Henanadai ma haida:

1. Luka 2:​1-​20 duahia.

   1. Edena dala ai Kaisara Augusto ese Iesu ena vara idia perovetalaia herevadia ia durua? (Luka 2:​1-4; Mika 5:2)

   2. Edena dala ai ta be “Dirava idia hamoalea taudia” ida ita gwauraia diba? (Luka 2:​14; Mat. 16:24; Ioa. 17:3; Kara 3:​19; Heb. 11:6)

   3. Bema unai manau mamoe naria taudia be iseda hamauria tauna ena vara sivaraina dainai idia moale, vadaeni hari dahaka dainai Dirava ena hesiai taudia idia moale bada be namo? (Luka 2:​10, 11; Efe. 3:​8, 9; Apok. 11:15; 14:6)

Sivarai 86

Hisiu ese Ia Hakaudia Tatau

1. Laulau dekenai idia noho tatau be daidia, bona dahaka dainai idia ta ese hisiu ia poinia?

2. Dahaka dainai King Heroda ia badu, bona dahaka ia karaia?

3. Hisiu ese unai tatau be edeseniai ia hakaudia lao, to dahaka dainai dala idauna amo edia hanua dekenai idia giroa lou?

4. Heroda ese dahaka hahegani ia henia, bona dahaka dainai?

5. Iehova ese Iosepa ia hamaoroa dahaka do ia karaia?

6. Daika ese unai hisiu matamatana ia siaia, bona dahaka dainai?

Henanadai ma ta:

1. Mataio 2:​1-​23 duahia.

   Hisiu stadilaia babalau taudia ese Iesu idia vadivadi henia neganai, ena mauri lagani be hida bona edeseniai ia noho? (Mat. 2:​1, 11, 16)

Sivarai 87

Iesu be Dubu Lalonai

1. Laulau dekenai Iesu ena mauri lagani be hida, bona ia be edeseniai?

2. Lagani ta ta ai, Iosepa be ena ruma bese ida dahaka idia karaia?

3. Iosepa bona Maria be edia hanua idia lou henia lalonai, dahaka dainai Ierusalema dekenai ma idia giroa lou?

4. Iosepa bona Maria ese Iesu be edeseniai idia davaria, bona dahaka dainai taunimanima idia hoa?

5. Iesu be ena sinana, Maria, dekenai dahaka ia gwau?

6. Dirava dibaia karana dekenai, edena dala ai Iesu ena kara ita tohotohoa diba?

Henanadai ma haida:

1. Luka 2:​41-​52 duahia.

   1. Ena be Taravatu ia gwau tatau sibona ese aria badadia do idia lao henia, to Iosepa bona Maria be dahaka haheitalai namona idia hahedinaraia tama sina dekenai? (Luka 2:​41; Deu. 16:16; 31:12; Aon. 22:6)

   2. Matamata taudia ese edia tama sina idia kamonai henia karana dekenai, edena dala ai Iesu ese haheitalai namona ia hahedinaraia? (Luka 2:​51; Deu. 5:​16; Aon. 23:22; Kol. 3:​20)

2. Mataio 13:​53-​56 duahia.

   Baibel ese Iesu ena kakadia foa ia gwauraia, idia be daidia, bona gabeai idia rua be Keristani kongrigeisen lalonai dahaka gaukara idia karaia? (Mat. 13:​55; Kara 12:17; 15:​6, 13; 21:18; Gal. 1:​19; Iam. 1:1; Iuda 1)

Sivarai 88

Ioane ese Iesu Ia Bapatisoa

1. Laulau dekenai idia noho tatau rua be daidia?

2. Edena dala ai ta idia bapatisoa?

3. Nega momo Ioane be daidia ia bapatiso henidia?

4. Dahaka badina badana dainai Ioane ese Iesu ia bapatisoa?

5. Edena dala ai Dirava ia hahedinaraia Iesu be bapatiso ia abia dainai ia moale?

6. Iesu be taunimanima idia noho lasi gabuna ta dekenai ia lao, bona unuseniai dina 40 ia noho neganai, dahaka ia vara?

7. Iesu ena murinai idia raka taudia, eiava hahediba taudia ginigunadia haida be daidia, bona edena hoa kara ginigunana ia karaia?

Henanadai ma haida:

1. Mataio 3:​13-​17 duahia.

   Iesu ena bapatiso karana amo ena hahediba taudia dekenai dahaka haheitalai ia hahedinaraia? (Sal. 40:​7, 8; Mat. 28:​19, 20; Luka 3:​21, 22)

2. Mataio 4:​1-​11 duahia.

   Iesu ese Baibel ia gaukaralaia namonamo, unai ese edena dala ai ita ia hagoadaia hanaihanai Baibel ita stadilaia totona? (Mat. 4:​5-7; 2 Pet. 3:​17, 18; 1 Ioa. 4:1)

3. Ioane 1:​29-​51 duahia.

   Ioane Bapatiso ese ena hahediba taudia be daika dekenai ia hakaudia lao, bona hari edena dala ai ia ita tohotohoa diba? (Ioa. 1:​29, 35, 36; 3:​30; Mat. 23:10)

4. Ioane 2:​1-​12 duahia.

   Edena dala ai Iesu ena hoa kara ginigunana ese ia hahedinaraia Iehova ese gau namona ta be Ena hesiai taudia amo ia koua lasi? (Ioa. 2:​9, 10; Sal. 84:11; Iam. 1:​17)

Sivarai 89

Iesu ese Dubu Ia Hagoevaia

1. Dahaka dainai animal be dubu lalonai idia hoihoilaia?

2. Dahaka dainai Iesu ia badu dikadika?

3. Laulau dekenai oi itaia bamona, Iesu be dahaka ia karaia, bona pune manu idia hoihoilaia taudia dekenai dahaka hahegani ia henia?

4. Iesu ena hahediba taudia be ia karaia karana idia itaia neganai, dahaka idia laloatao?

5. Iesu be Galilea dekenai ia giroa lou neganai, edena hanua ia raka hanaia?

Henanadai ma ta:

1. Ioane 2:​13-​25 duahia.

   Dubu lalonai Iesu be moni idia senisia taudia ia badu henia karana ita laloa neganai, Kingdom Hall ai hoihoi karadia be edena bamona ita laloa be namo? (Ioa. 2:​15, 16; 1 Kor. 10:​24, 31-​33)

Sivarai 90

Ranu Guri ai Hahine ta Ida

1. Dahaka dainai Iesu be Samaria ena ranu guri ta badinai ia laga-ani, bona hahine ta dekenai dahaka ia gwauraia?

2. Dahaka dainai unai hahine ia hoa, Iesu be ia dekenai dahaka ia gwau, bona dahaka dainai?

3. Hahine ia laloa Iesu be edena bamona ranu ia herevalaia, to ia be edena ranu ia herevalaia?

4. Dahaka dainai unai hahine be Iesu ia diba gaudia dainai ia hoa, bona edena bamona Iesu be unai gaudia ia diba?

5. Ranu guri dekenai ia noho hahine ena sivarai amo dahaka ita dibaia?

Henanadai ma haida:

1. Ioane 4:​5-​43 duahia.

   1. Iesu ena haheitalai ita tohotohoa dainai, kopina kala eiava tano idauna taudia dekenai edena bamona lalohadai ita abia be namo? (Ioa. 4:9; 1 Kor. 9:​22; 1 Tim. 2:​3, 4; Tito 2:​11)

   2. Iesu ena hahediba tauna ai ia lao tauna be lauma dalanai dahaka hahenamo ia abia? (Ioa. 4:14; Isa. 58:11; 2 Kor. 4:​16)

   3. Samaria hahinena be ia ura bada ia dibaia gaudia be ma haida dekenai ia hadibaia, edena dala ai unai ita hahedinaraia diba? (Ioa. 4:​7, 28; Mat. 6:​33; Luka 10:​40-​42)

Sivarai 91

Iesu be Ororo ta Dekenai Ia Hadibaia

1. Laulau dekenai, Iesu be edeseniai ia hadibaia noho, bona ia kahirakahira idia helai taudia be daidia?

2. Aposetolo taudia 12 edia ladadia be daidia?

3. Iesu ia harorolaia Basileiana be dahaka?

4. Iesu ese taunimanima ia hadibaia dahaka do idia gurigurilaia?

5. Iesu ia gwau taunimanima be edena bamona ta ta do idia kara henia?

Henanadai ma haida:

1. Mataio 5:​1-​12 duahia.

   Edena dala ai ita hahedinaraia lauma gaudia ita laloa bada? (Roma 10:​13-​15; 1 Tim. 4:​13, 15, 16)

2. Mataio 5:​21-​26 duahia.

   Mataio 5:​23, 24 ese edena bamona ia hahedinaraia iseda tadikaka hetura henia karana be mai anina Iehova hetura henia karana dekenai? (Mat. 6:​14, 15; Sal. 133:​1; Kol. 3:​13; 1 Ioa. 4:​20)

3. Mataio 6:​1-8 duahia.

   Sibona eda kara maoromaoro hekokorokulaia daladia haida be dahaka bona Keristani taudia ese unai idia dadaraia be namo? (Luka 18:​11, 12; 1 Kor. 4:​6, 7; 2 Kor. 9:7)

4. Mataio 6:​25-​34 duahia.

   Iehova ita abidadama henia karana dekenai, Iesu be dahaka ia hadibaia? (Eso. 16:4; Sal. 37:25; Fili. 4:6)

5. Mataio 7:​1-​11 duahia.

   Mataio 7:5 dekenai ia noho haheitalai ese ita dekenai dahaka ia hadibaia? (Aon. 26:12; Roma 2:1; 14:10; Iam. 4:​11, 12)

Sivarai 92

Iesu ese Mase Taudia Ia Hatorea Isi Lou

1. Laulau dekenai ia noho kekeni ena tamana be daika, bona dahaka dainai ia bona ena adavana idia lalo-hekwarahi bada?

2. Iairo ese Iesu ia davaria neganai, dahaka ia karaia?

3. Iesu be Iairo ena ruma dekenai ia lao noho lalonai, dahaka ia vara, bona dala huanai Iairo be dahaka sivarai ia kamonai?

4. Dahaka dainai Iairo ena ruma lalonai idia noho taudia be Iesu dekenai idia kiri?

5. Iesu ese aposetolo taudia toi bona kekeni ena tamana bona sinana be kekeni ena daiutu lalonai ia hakaudia vareai murinai, dahaka ia karaia?

6. Iesu ese guna daidia ia hatorea isi lou, bona unai ese dahaka ia hahedinaraia?

Henanadai ma haida:

1. Luka 8:​40-​56 duahia.

   Edena dala ai Iesu ese rara gorere ia abia hahinena dekenai hebogahisi ia hahedinaraia, bona unai amo Keristani elda taudia be dahaka idia dibaia? (Luka 8:​43, 44, 47, 48; Lev. 15:​25-​27; Mat. 9:​12, 13; Kol. 3:​12-​14)

2. Luka 7:​11-​17 duahia.

   Dahaka dainai mase dekenai edia lalokau taudia idia haboioa taudia, be Iesu ese Naina ena vabu dekenai ia gwauraia herevana amo namo idia abia? (Luka 7:​13; 2 Kor. 1:​3, 4; Heb. 4:​15)

3. Ioane 11:​17-​44 duahia.

   Iesu ese edena bamona ia hahedinaraia lalokau tauna ta ia mase neganai ita taitai be kerere lasi? (Ioa. 11:​33-​36, 38; 2 Sam. 18:33; 19:​1-4)

Sivarai 93

Iesu ese Hutuma Ia Ubua

1. Ioane Bapatiso dekenai dahaka gau dikana ia vara, bona unai kara dainai Iesu ena hemami be edena bamona?

2. Edena dala ai Iesu ese ia idia badinaia taudia hutuma ia ubua, bona aniani oredia be hida?

3. Dahaka dainai hanuaboi ai hahediba taudia idia gari, bona Petero dekenai dahaka ia vara?

4. Nega iharuana ai, edena dala ai Iesu ese taunimanima tausen momo ma ia ubua?

5. Iesu be Dirava ena King bamona tanobada do ia lohiaia neganai, dahaka dainai unai be namo herea?

Henanadai ma haida:

1. Mataio 14:​1-​32 duahia.

   1. Mataio 14:​23-​32 dekenai ia noho sivaraina ese Petero ena kara be edena bamona ia herevalaia?

   2. Baibel ese edena dala ai ia hahedinaraia Petero ese ena hereva haragaharaga karana ia haidaua? (Mat. 14:​27-30; Ioa. 18:10; 21:7; Kara 2:​14, 37-40; 1 Pet. 5:​6, 10)

2. Mataio 15:​29-​38 duahia.

   Edena dala ai Iesu ia hahedinaraia ena Tamana amo ia abia tauanina durua gaudia ia matauraia? (Mat. 15:37; Ioa. 6:​12; Kol. 3:​15)

3. Ioane 6:​1-​21 duahia.

   Gavamani matauraia karana dekenai, hari Keristani taudia ese edena dala ai Iesu ena haheitalai idia tohotohoa? (Ioa. 6:​15; Mat. 22:21; Roma 12:2; 13:​1-4)

Sivarai 94

Natudia Maragidia Ia Lalokau Henia

1. Aposetolo taudia be gabu daudauna amo idia giroa neganai, dala dekenai dahaka idia hepapahuahulaia?

2. Dahaka dainai Iesu ese natu maragina ta ia boiria bona aposetolo taudia edia vairanai ia haginia?

3. Edena dala ai aposetolo taudia be natudia bamona idia kara be namo?

4. Hua haida murinai, edena dala ai Iesu ia hahedinaraia natudia maragidia ia lalokau henia?

Henanadai ma haida:

1. Mataio 18:​1-4 duahia.

   Dahaka dainai Iesu ena hadibaia karana dekenai haheitalai ia gaukaralaidia? (Mat. 13:​34, 36; Mar. 4:​33, 34)

2. Mataio 19:​13-​15 duahia.

   Basileia ena helaro idauidau ita abia totona, edena kara, maragidia ese idia hahedinaraia karana unai, do ita tohotohoa be namo? (Sal. 25:9; 138:6; 1 Kor. 14:20)

3. Mareko 9:​33-​37 duahia.

   Ladana bada abia karana dekenai, Iesu ese ena hahediba taudia dekenai dahaka ia hadibaia? (Mar. 9:​35; Mat. 20:​25, 26; Gal. 6:3; Fili. 2:​5-8)

4. Mareko 10:​13-​16 duahia.

   Edena dala ai taunimanima idia gari lasi Iesu idia hereva henia totona, bona ena haheitalai amo Keristani elda taudia be dahaka idia dibaia? (Mar. 6:​30-​34; Fili. 2:​1-4; 1 Tim. 4:​12)

Sivarai 95

Iesu Ena Hadibaia Dalana

1. Tau ta be Iesu dekenai dahaka henanadai ia henia, bona dahaka dainai?

2. Nega haida Iesu be dahaka ia gaukaralaia taunimanima ia hadibaia totona, bona Iuda bona Samaria taudia dekenai dahaka ita diba vadaeni?

3. Iesu ia gwauraia sivaraina ai, Ieriko ia lao henia dalana dekenai ia raka lao Iuda tauna dekenai dahaka ia vara?

4. Iuda hahelaga tauna bona Levi tauna be unai dala dekenai idia raka lao neganai, dahaka ia vara?

5. Laulau dekenai, bero ia davaria Iuda tauna be daika ese ia durua noho?

6. Iesu ese ena sivarai ia haorea murinai, dahaka henanadai ia henia, bona unai tauna be edena bamona ia haere?

Henanadai ma haida:

1. Luka 10:​25-​37 duahia.

   1. Iesu be maoromaoro ia haere henia lasi, to edena dala ai Taravatu ia diba momo tauna ia durua? (Luka 10:26; Mat. 16:​13-​16)

   2. Iesu be ena kamonai taudia dekenai, ta inai henia kava karana ia herevalaia neganai, edena dala ai haheitalai ia gaukaralaia? (Luka 10:​36, 37; 18:​9-​14; Tito 1:9)

Sivarai 96

Iesu ese Gorere Taudia Ia Hanamodia

1. Iesu be gabu idauidau dekenai ia laolao neganai, dahaka ia karaia?

2. Iesu ia bapatiso bena lagani toi idia ore murinai, ena aposetolo taudia dekenai dahaka ia hamaoroa?

3. Laulau dekenai idia noho taudia be daidia, bona Iesu be hahine dekenai dahaka ia karaia?

4. Dahaka dainai Iesu ena hereva ese tomadiho gunalaia taudia ia hahemaraia?

5. Iesu bona ena aposetolo taudia be Ieriko kahirakahira idia noho neganai, Iesu be matakepulu noinoi taudia rua dekenai dahaka ia karaia?

6. Dahaka dainai Iesu ese hoa karadia ia karaia?

Henanadai ma haida:

1. Mataio 15:​30, 31 duahia.

   Edena dala ai Iesu ese Iehova ena siahu ia hahedinaraia, bona unai dainai ita diba Iesu ese Iehova ia gwauhamatalaia tanobada matamatana dekenai dahaka do ia karaia? (Sal. 37:29; Isa. 33:24)

2. Luka 13:​10-​17 duahia.

   Iesu ese Sabati dinana ai ia karaia hoa kara badadia ese edena dala ai idia hahedinaraia, ena Lagani 1000 lohia negana ai taunimanima do ia hanamodia? (Luka 13:​10-​13; Sal. 46:9; Mat. 12:8; Kol. 2:​16, 17; Apok. 21:​1-4)

3. Mataio 20:​29-​34 duahia.

   Inai sivarai ese edena bamona ia hahedinaraia Iesu be nega ibounai ia hegaegae taunimanima ia durua totona, bona unai amo dahaka ita dibaia? (Deu. 15:7; Iam. 2:​15, 16; 1 Ioa. 3:​17)

Sivarai 97

Iesu be King Bamona Ia Mai

1. Iesu be Ierusalema kahirakahira ia noho hanua maragina ta dekenai ia ginidae neganai, ena hahediba taudia ia hamaorodia dahaka do idia karaia?

2. Laulau dekenai, Iesu be Ierusalema hanua kahirakahira ia mai neganai, dahaka ia vara?

3. Natudia maragidia idia itaia Iesu ese matakepulu bona aena dika taudia ia hanamodia neganai, dahaka idia karaia?

4. Iesu be idia badu hahelaga taudia dekenai dahaka ia gwau?

5. Edena dala ai Iesu idia hanamoa natudia ita tohotohoa diba?

6. Hahediba taudia idia ura dahaka idia diba?

Henanadai ma haida:

1. Mataio 21:​1-​17 duahia.

   1. Edena dala ai Iesu be King hegeregerena Ierusalema ai ia vareai neganai, ia be Roma ami biagudia edia kara amo ia idau? (Mat. 21:​4, 5; Sek. 9:9; Fili. 2:​5-8; Kol. 2:​15)

   2. Iesu be dubu ia vareai neganai, Salamo 118 ena hereva idia gwauraia Israela memero edia kara amo matamata taudia be dahaka idia dibaia? (Mat. 21:​9, 15; Sal. 118:​25, 26; 2 Tim. 3:​15; 2 Pet. 3:​18)

2. Ioane 12:​12-​16 duahia.

   Iesu idia hanamoa taudia ese idia dogoatao pama rigidia ese dahaka idia laulaulaia? (Ioa. 12:13; Fili. 2:​10; Apok. 7:​9, 10)

Sivarai 98

Olive Ororona Ai

1. Laulau dekenai, edena tau be Iesu, bona ia danu idia noho tatau be daidia?

2. Dubu dekenai hahelaga taudia idia ura Iesu dekenai dahaka idia karaia toho, bona idia dekenai dahaka ia gwau?

3. Aposetolo taudia be Iesu dekenai dahaka idia henanadailaia?

4. Iesu be ena aposetolo taudia ia hamaoroa guba dekenai King bamona do ia lohia neganai, dahaka dainai tanobada dekenai do idia vara gaudia haida be idia dekenai ia gwauraia?

5. Iesu ia gwau dahaka do idia vara guna bena gabeai dika ibounai tanobada amo do ia kokia?

Henanadai ma haida:

1. Mataio 23:​1-​39 duahia.

   1. Ena be Baibel ese dagi ladadia gaukaralaia karana ia gwauraia kerere lasi, to Iesu ena hereva Mataio 23:​8-​11 ese dahaka ia hahedinaraia Keristani kongrigeisen lalonai ladana bada gaukaralaia karana dekenai? (Kara 26:25; Roma 13:7; 1 Pet. 2:​13, 14)

   2. Farisea taudia ese dahaka idia gaukaralaia, unai amo taunimanima idia koua Keristani taudia ai idia lao lasi totona, bona hari edena dala ai tomadiho gunalaia taudia ese unai idia gaukaralaia? (Mat. 23:13; Luka 11:52; Ioa. 9:​22; 12:42; 1 Tes. 2:​16)

2. Mataio 24:​1-​14 duahia.

   1. Edena dala ai Mataio 24:13 ese haheauka karana ia herevalaia?

   2. Mataio 24:13 dekenai inai hereva “dokona” ena anina be dahaka? (Mat. 16:27; Roma 14:​10-​12; 2 Kor. 5:​10)

3. Mareko 13:​3-​10 duahia.

   Mareko 13:10 ai edena hereva ese ia hahedinaraia sivarai namona ita harorolaia be gau badana, bona Iesu ena hereva be edena bamona ita laloa? (Roma 13:​11, 12; 1 Kor. 7:​29-​31; 2 Tim. 4:2)

Sivarai 99

Atai Daiutuna ta Lalonai

1. Laulau ese ia hahedinaraia bamona, dahaka dainai Iesu bona ena aposetolo taudia 12 be inai atai daiutu badana dekenai idia hebou?

2. Daiutu ia rakatania noho tauna be daika, bona edeseni ia lao noho?

3. Pasova anianina ia ore murinai, Iesu ese edena mai anina bada aniani ma ta ia hamatamaia?

4. Israela taudia be edena nega idia laloatao totona Pasova aria idia karaia, bona Iesu ia ura ena murinai idia raka taudia ese inai mai anina bada aniani amo dahaka idia laloatao?

5. Lohiabada ena Anibou murinai, Iesu ese ena murinai idia raka taudia dekenai dahaka ia gwau, bona dahaka idia karaia?

Henanadai ma haida:

1. Mataio 26:​14-​30 duahia.

   1. Edena dala ai Mataio 26:15 ese ia hahedinaraia, Iuda ese Iesu ia samania karana be ia vara kava lasi?

   2. Iesu ena rara ese dahaka dala rua ia kehoa? (Mat. 26:​27, 28; Ier. 31:​31-​33; Efe. 1:7; Heb. 9:​19, 20)

2. Luka 22:​1-​39 duahia.

   Edena dala ai Satani be Iuda ena lalona dekenai ia vareai? (Luka 22:3; Ioa. 13:2; Kara 1:​24, 25)

3. Ioane 13:​1-​20 duahia.

   1. Ioane 13:​2 dekenai ia noho hereva ita laloa neganai, Iuda ia karaia karana be iena kerere, a? Bona unai kara amo Dirava ena hesiai taudia be dahaka idia dibaia? (Gen. 4:7; 2 Kor. 2:​11; Gal. 6:1; Iam. 1:​13, 14)

   2. Iesu ese dahaka mai anina bada gauna ia hadibaia? (Ioa. 13:15; Mat. 23:11; 1 Pet. 2:​21)

4. Ioane 17:​1-​26 duahia.

   Iesu ena guriguri lalonai ia gwau ia ura ena murinai idia raka taudia “idia tamona,” ena anina be dahaka? (Ioa. 17:​11, 21-​23; Roma 13:8; 14:19; Kol. 3:​14)

Sivarai 100

Iesu, Uma Lalonai

1. Iesu bona ena aposetolo taudia be atai daiutuna idia rakatania murinai edeseni idia lao, bona idia dekenai dahaka ia hamaoroa?

2. Iesu be aposetolo taudia idia noho gabuna dekenai ia giroa neganai dahaka ia davaria, bona nega hida unai ia vara?

3. Daidia be uma dekenai idia lao, bona Iuda Iskariote be dahaka ia karaia, laulau dekenai oi itaia bamona?

4. Dahaka dainai Iuda ese Iesu ia kisi henia, bona Petero be dahaka ia karaia?

5. Iesu be Petero dekenai dahaka ia gwau, to dahaka dainai Iesu ese Dirava ia noia lasi aneru ia siaia totona?

Henanadai ma haida:

1. Mataio 26:​36-​56 duahia.

   1. Edena dala ai Iesu ese ena hahediba taudia ia sisiba henia dalana be haheitalai namona Keristani elda taudia dekenai? (Mat. 20:​25-​28; 26:​40, 41; Gal. 5:​17; Efe. 4:​29, 31, 32)

   2. Tuari kaia gaukaralaia karana dekenai, Iesu ese dahaka lalohadai ia hahedinaraia? (Mat. 26:52; Luka 6:​27, 28; Ioa. 18:36)

2. Luka 22:​39-​53 duahia.

   Getesemane umana ai Iesu hagoadaia totona aneru ta ia hedinarai neganai, unai ese ia hahedinaraia Iesu ena abidadama ia manoka, a? Gwauraia hedinarai. (Luka 22:​41-​43; Isa. 49:8; Mat. 4:​10, 11; Heb. 5:7)

3. Ioane 18:​1-​12 duahia.

   Edena dala ai Iesu ese ena aposetolo taudia be dagedage taudia amo ia gimadia, bona unai haheitalai amo dahaka ita dibaia? (Ioa. 10:​11, 12; 18:​1, 6-9; Heb. 13:6; Iam. 2:​25)

Sivarai 101

Iesu Idia Hamasea

1. Daika ese Iesu ena mase dala ia hegaegaelaia?

2. Tomadiho gunalaia taudia ese Iesu idia abia lao neganai, aposetolo taudia be dahaka idia karaia?

3. Hahelaga tauna badana, Kaiapa, ena ruma dekenai dahaka ia vara?

4. Dahaka dainai Petero ia lao bona ia tai?

5. Iesu be Pilato dekenai idia laohaia murinai, hahelaga taudia badadia be dahaka idia boiboilaia?

6. Friday adorahi ai, Iesu dekenai dahaka ia vara, bona ia badinai idia tauadae kara dika tauna dekenai dahaka ia gwauhamatalaia?

7. Iesu ese ia gwauraia Paradaisona be edeseniai?

Henanadai ma haida:

1. Mataio 26:​57-​75 duahia.

   Edena dala ai Iuda ena kota badana taudia idia hahedinaraia edia kudouna be ia dika? (Mat. 26:​59, 67, 68)

2. Mataio 27:​1-​50 duahia.

   Dahaka dainai ita gwau diba Iuda ese sibona ena lalona ia giroa momokani lasi? (Mat. 27:​3, 4; Mar. 3:​29; 14:21; 2 Kor. 7:​10, 11)

3. Luka 22:​54-​71 duahia.

   Iesu idia samania hanuaboina ai, Petero ese Iesu ia gorea karana amo dahaka ita dibaia? (Luka 22:​60-62; Mat. 26:​31-​35; 1 Kor. 10:12)

4. Luka 23:​1-​49 duahia.

   Iesu dekenai idia karaia kara dika dainai, edena bamona ia kara bona unai amo dahaka ita dibaia? (Luka 23:​33, 34; Roma 12:​17-​19; 1 Pet. 2:​23)

5. Ioane 18:​12-​40 duahia.

   Ena be Petero be taunimanima dainai ia gari, to gabeai ia be aposetolo goadana ai ia lao, unai ese dahaka ia hahedinaraia? (Ioa. 18:​25-​27; 1 Kor. 4:2; 1 Pet. 3:​14, 15; 5:​8,  9)

6. Ioane 19:​1-​30 duahia.

   1. Iesu ese tauanina gaudia be edena bamona ia laloa namonamo? (Ioa. 2:​1, 2, 9, 10; 19:​23, 24; Mat. 6:​31, 32; 8:​20)

   2. Iesu ia mase gwauraia neganai ia gwauraia herevadia ese edena dala ai Iehova ena lohia siahuna ia abia isi? (Ioa. 16:33; 19:30; 2 Pet. 3:​14; 1 Ioa. 5:4)

Sivarai 102

Iesu Ia Mauri Lou

1. Laulau dekenai idia noho hahine bona tatau rua be daidia, bona idia be edeseniai?

2. Dahaka dainai Pilato ese hahelaga taudia ia hamaorodia tuari taudia do idia siaia guria gabuna idia gimaia totona?

3. Iesu ia mase bena dina ihatoina ai, aneru ta be dahaka ia karaia, to hahelaga taudia ese dahaka idia karaia?

4. Hahine haida ese Iesu ena guria gabuna idia vadivadi henia neganai, dahaka dainai idia hoa?

5. Dahaka dainai Petero bona Ioane be Iesu ena guria gabuna dekenai idia heau lao, bona dahaka idia davaria?

6. Iesu ena tauanina dekenai dahaka ia vara, to dahaka ia karaia unai amo hahediba taudia idia diba ia mauri lou vadaeni?

Henanadai ma haida:

1. Mataio 27:​62-​66 bona 28:​1-​15 duahia.

   Iesu ia toreisi lou neganai, edena dala ai hahelaga taudia badadia, Farisea bona tatau badadia be lauma helaga dekenai idia hereva dika? (Mat. 12:​24, 31, 32; 28:​11-​15)

2. Luka 24:​1-​12 duahia.

   Iesu ena toreisi lou sivaraina ese edena bamona ia hahedinaraia Iehova ese hahine ia lalodia? (Luka 24:​4, 9, 10; Mat. 28:​1-7)

3. Ioane 20:​1-​12 duahia.

   Bema Baibel ena peroveta herevana ta ena guguru negana ita lalo-pararalaia lasi, edena dala ai Ioane 20:​8, 9 ese ita ia durua ita haheauka totona? (Aon. 4:​18; Mat. 17:​22, 23; Luka 24:​5-8; Ioa. 16:12)

Sivarai 103

Idia Lokaia Daiutuna Lalonai Ia Vareai

1. Maria ia laloa unai tau be uma gabu naria tauna dainai dahaka ia gwau, to edena dala ai Maria ia diba inai be Iesu?

2. Hahediba taudia rua be Emausa hanua dekenai idia lao noho lalonai, dahaka ia vara?

3. Hahediba taudia rua be aposetolo taudia dekenai Iesu idia itaia sivaraina idia gwauraia neganai, dahaka hoa gauna ia vara?

4. Iesu be ena murinai idia raka taudia dekenai nega hida ia hedinarai?

5. Toma ia kamonai hahediba taudia ese Lohiabada idia itaia neganai, dahaka ia gwau, to dina 8 murinai dahaka ia vara?

Henanadai ma haida:

1. Ioane 20:​11-​29 duahia.

   Iesu ena hereva Ioane 20:23 dekenai ena anina be taunimanima be mai edia maoro kara dika idia gwauatao totona, a? Gwauraia hedinarai. (Sal. 49:​2, 7; Isa. 55:7; 1 Tim. 2:​5, 6; 1 Ioa. 2:​1, 2)

2. Luka 24:​13-​43 duahia.

   Edena dala ai iseda kudouna ita hegaegaelaia diba, unai amo Baibel ena hereva momokani ia abia dae? (Luka 24:​32, 33; Esr. 7:​10; Kara 16:14; Heb. 5:​11-​14)

Sivarai 104

Iesu be Guba Dekenai Ia Giroa Lou

1. Nega ta hahediba taudia hida ese Iesu idia itaia, bona idia dekenai dahaka ia herevalaia?

2. Dirava ena Basileia be dahaka, bona Iesu be guba ai lagani 1,000 lalonai do ia lohia neganai, tanobada be edena bamona?

3. Iesu be dina hida lalonai ena hahediba taudia dekenai ia hedinarai, to nega ia ginidae dahaka do ia karaia?

4. Iesu be ena hahediba taudia ia do rakatania lasi neganai, dahaka ia hamaorodia?

5. Laulau dekenai dahaka ia vara noho, bona dahaka ia vara bena Iesu idia itaia lou lasi?

Henanadai ma haida:

1. Korinto Ginigunana 15:​3-8 duahia.

   Dahaka dainai aposetolo Paulo be Iesu ena toreisi lou ia herevalaia neganai, ia daradara lasi, bona hari Keristani taudia be mai daradara lasi ida dahaka idia herevalaia? (1 Kor. 15:​4, 7, 8; Isa. 2:​2, 3; Mat. 24:​14; 2 Tim. 3:​1-5)

2. Kara 1:​1-​11 duahia.

   Kara 1:8 ese ia perovetalaia bamona, tanobada ibounai dekenai haroro gaukara be edena bamona ia bada ia lao? (Kara 6:7; 9:​31; 11:​19-​21; Kol. 1:​23)

Sivarai 105

Ierusalema Dekenai Idia Naria

1. Laulau ese ia hahedinaraia bamona, Ierusalema ai Iesu murinai idia raka taudia idia naria noho lalonai, dahaka ia vara?

2. Ierusalema idia vadivadi henia taudia dekenai dahaka hoa gauna ia vara?

3. Petero be taunimanima dekenai dahaka ia gwauraia?

4. Taunimanima ese Petero idia kamonai henia murinai, edena bamona idia laloa, bona idia ia hamaoroa dahaka do idia karaia?

5. Pentekoste 33 C.E. ai, taunimanima hida idia bapatiso?

Henanadai ma haida:

1. Kara 2:​1-​47 duahia.

   1. Petero ena hereva Kara 2:​23, 36 ai ese edena bamona ia hahedinaraia Iesu ena mase dekenai Iuda besena ibounai be mai edia kerere? (1 Tes. 2:​14, 15)

   2. Petero ese Baibel ia herevalaia dalana amo dahaka haheitalai namona ia hahedinaraia? (Kara 2:​16, 17, 29, 31, 36, 39; Kol. 4:6)

   3. Iesu ia gwauhamata Petero dekenai do ia henia “Guba Basileia ena ki” be Petero ese edena dala ai ia gaukaralaia? (Kara 2:​14, 22-​24, 37, 38; Mat. 16:19)

Sivarai 106

Dibura Ruma amo Idia Ruhaia

1. Adorahi ta ai Petero bona Ioane be dubu lalonai idia vareai neganai, dahaka ia vara?

2. Petero be aena dika tauna dekenai dahaka ia gwau, bona Petero ese ia dekenai dahaka ia henia, bona unai ese moni ia hereaia?

3. Dahaka dainai tomadiho gunalaia taudia idia badu, bona Petero bona Ioane dekenai dahaka idia karaia?

4. Petero be tomadiho gunalaia taudia dekenai dahaka ia gwau, bona aposetolo taudia dekenai dahaka hagaria herevana idia gwauraia?

5. Dahaka dainai tomadiho gunalaia taudia idia mama, to nega iharuana aposetolo taudia be dibura ruma lalonai idia atoa neganai, dahaka ia vara?

6. Aposetolo taudia be Sanhedrin kota rumana dekenai idia abia lao neganai, edena bamona idia haere?

Henanadai ma haida:

1. Kara 3:​1-​10 duahia.

   Ena be hari hoa karadia ita karaia diba lasi, to edena dala ai Petero ena hereva Kara 3:6 dekenai ese ita ia durua Basileia sivaraina ena namo ita laloa bada totona? (Ioa. 17:3; 2 Kor. 5:​18-​20; Fili. 3:8)

2. Kara 4:​1-​31 duahia.

   Haroro gaukara ai dagedage ita davaria neganai, edena dala ai aposetolo edia negai idia noho tadikakadia ita tohotoho diba? (Kara 4:​29, 31; Efe. 6:​18-​20; 1 Tes. 2:2)

3. Kara 5:​17-​42 duahia.

   Haroro gaukara dekenai, edena dala ai idaunegai bona hari Witnes lasi taudia haida ese laloa manada idia hahedinaraia? (Kara 5:​34-​39)

Sivarai 107

Stefano be Nadi amo Idia Hodoa Mase

1. Stefano be daika, bona Dirava ese ia durua dahaka ia karaia totona?

2. Stefano be dahaka ia gwauraia dainai tomadiho gunalaia taudia idia badu?

3. Stefano be hanua murimuriai idia abia lao bona ia dekenai dahaka idia karaia?

4. Laulau dekenai, kouti badinai ia gini tauna be daika?

5. Stefano ia do mase lasi neganai, Iehova dekenai dahaka ia gurigurilaia?

6. Stefano ita tohotohoa dainai, ta be ita dekenai kara dika ia karaia neganai, dahaka ita karaia be namo?

Henanadai ma haida:

1. Kara 6:​8-​15 duahia.

   Tomadiho gunalaia taudia ese Iehova ena Witnes taudia edia haroro gaukara idia koua totona, dahaka kara koikoidia idia karaia? (Kara 6:​9, 11, 13)

2. Kara 7:​1-​60 duahia.

   1. Dahaka ese Stefano ia durua dainai Kaunsolo vairanai sivarai namona ena maoro ia hamomokania, bona unai haheitalai amo dahaka ita dibaia? (Kara 7:​51-​53; Roma 15:4; 2 Tim. 3:​14-​17; 1 Pet. 3:​15)

   2. Iseda gaukara idia ura koua taudia be edena bamona ita laloa be namo? (Kara 7:​58-​60; Mat. 5:​44; Luka 23:​33, 34)

Sivarai 108

Damaseko Ia Lao Henia Dalana Dekenai

1. Stefano idia hamasea murinai, Saulo be dahaka ia karaia?

2. Saulo be Damaseko dekenai ia lao noho lalonai, dahaka hoa gauna ia vara?

3. Iesu ese Saulo ia hamaoroa dahaka do ia karaia?

4. Iesu be Anania dekenai dahaka ia gwauraia, bona edena dala ai Saulo be ia itaia lou diba?

5. Saulo be edena ladana matamatana ia abia, bona edena dala ai Iesu ese Saulo ia gaukaralaia?

Henanadai ma haida:

1. Kara 8:​1-4 duahia.

   Edena dala ai Keristani kongrigeisen matamata dekenai ia vara dagedage karana ese Keristani abidadama ia hagoadaia, bona hari inai negai dahaka ia vara danu? (Kara 8:4; Isa. 54:17)

2. Kara 9:​1-​20 duahia.

   Iesu be Saulo dekenai edena gaukara toi ia hahedinaraia? (Kara 9:15; 13:5; 26:1; 27:24; Roma 11:13)

3. Kara 22:​6-​16 duahia.

   Edena dala ai Anania bamona ita kara diba, bona dahaka dainai unai be mai anina bada? (Kara 22:12; 1 Tim. 3:7; 1 Pet. 1:​14-​16; 2:​12)

4. Kara 26:​8-​20 duahia.

   Saulo ese ena mauri ia haidaua bona Keristani tauna ai ia lao, unai ese edena dala ai Keristani lasi taudia idia adavaia taudia ia hagoadaia? (Kara 26:11; 1 Tim. 1:​14-​16; 2 Tim. 4:2; 1 Pet. 3:​1-3)

Sivarai 109

Petero ese Korenelio Ia Vadivadi Henia

1. Laulau dekenai ia tui diho tauna be daika?

2. Aneru ta be Korenelio dekenai dahaka ia gwau?

3. Iopa ai, Petero be Simona ena ruma ena guhi latanai ia helai neganai, Dirava ena siahu amo dahaka ia itaia?

4. Dahaka dainai Petero ese Korenelio ia hamaoroa ia vairanai ia tui diho bona ia tomadiho henia be maoro lasi?

5. Dahaka dainai Petero idia bamoa Iuda hahediba taudia idia hoa?

6. Petero ese Korenelio ia vadivadi henia karana amo dahaka mai anina bada gauna ita dibaia?

Henanadai ma haida:

1. Kara 10:​1-​48 duahia.

   Basileia ena sivarai namona harorolaia karana dekenai, Petero ena hereva Kara 10:42 dekenai ese dahaka ia hahedinaraia? (Mat. 28:19; Mar. 13:10; Kara 1:8)

2. Kara 11:​1-​18 duahia.

   Iehova ena hakaua hereva Idau Bese taudia dekenai ia hedinarai neganai, Petero be edena kara ia hahedinaraia, bona edena dala ai ena haheitalai ita tohotohoa diba? (Kara 11:​17, 18; 2 Kor. 10:5; Efe. 5:​17)

Sivarai 110

Timoteo—Paulo Ena Durua Tauna Matamatana

1. Laulau dekenai ia noho mero be daika, edeseniai ia noho, bona ena sinana bona tubuna hahine be daidia?

2. Paulo ese Timoteo ia nanadaia bema ia ura Sila bona ia ia bamoa gabu daudau dekenai idia noho taudia haroro henia totona neganai, Timoteo be dahaka ia gwau?

3. Edeseniai Iesu murinai idia raka taudia be Keristani taudia idia gwauraia matamaia?

4. Paulo, Sila bona Timoteo be Lusitera idia rakatani neganai, edena hanua haida idia vadivadi henia?

5. Edena dala ai Timoteo ese Paulo ia durua, bona matamata taudia be sibona dekenai dahaka henanadai idia gwauraia be namo?

Henanadai ma haida:

1. Kara 9:​19-​30 duahia.

   Aposetolo Paulo be sivarai namona dainai dagedage ia davaria neganai, edena dala ai aonega ia hahedinaraia? (Kara 9:​22-​25, 29, 30; Mat. 10:16)

2. Kara 11:​19-​26 duahia.

   Kara 11:​19-​21, 26 ai ia noho sivaraina ese edena bamona ia hahedinaraia, Iehova ena lauma ese haroro gaukara ia naria bona hakaua?

3. Kara 13:​13-​16, 42-​52 duahia.

   Edena dala ai Kara 13:​51, 52 ese ia hahedinaraia dagedage karadia ese hahediba taudia ia hamanokaia lasi? (Mat. 10:14; Kara 18:6; 1 Pet. 4:​14)

4. Kara 14:​1-6, 19-​28 duahia.

   Inai hereva “Lohiabada ena imana dekenai idia atoa” ese edena bamona ita ia durua kamonai matamata taudia ita durua neganai, ita davaria lalo-hekwarahi ita haheaukalaia totona? (Kara 14:​21-​23; 20:32; Ioa. 6:​44)

5. Kara 16:​1-5 duahia.

   Timoteo be mai ena ura ida tauanina utua karana ia abia dae, unai ese edena dala ai inai hereva “Sivarai Namona dainai, inai kara ibounai lau karaia noho” ena anina ia hahedinaraia? (Kara 16:3; 1 Kor. 9:​23; 1 Tes. 2:8)

6. Kara 18:​1-​11, 18-​22 duahia.

   Kara 18:​9, 10 ese edena dala ai ia hahedinaraia Iesu ese haroro gaukara ia hakaua, bona unai kara dainai hari dahaka ita diba momokani? (Mat. 28:20)

Sivarai 111

Ia Mahuta Merona

1. Laulau dekenai, tano dekenai ia hekure noho merona be daika, bona ia dekenai dahaka ia vara?

2. Paulo ia itaia mero ia mase neganai, dahaka ia karaia?

3. Paulo, Timoteo bona idia danu idia laolao taudia be edeseni idia lao noho, bona Mileto dekenai idia ginidae neganai, dahaka ia vara?

4. Peroveta tauna Agabo ese Paulo dekenai dahaka hadibaia herevana ta ia gwauraia, bona edena dala ai peroveta tauna ena hereva ia momokani?

Henanadai ma haida:

1. Kara 20:​7-​38 duahia.

   1. Paulo ena hereva Kara 20:​26, 27 dekenai hegeregerena, edena dala ai taunimanima edia rara dekenai ita “kerere” lasi? (Ese. 33:8; Kara 18:​6, 7)

   2. Elda taudia be idia hadibaia neganai, dahaka dainai ‘hereva momokani, idia abidadama henia’ be namo? (Kara 20:​17, 29, 30; Tito 1:​7-9; 2 Tim. 1:​13)

2. Kara 26:​24-​32 duahia.

   Edena dala ai Paulo be Iesu amo ia abia gaukarana be Roma dekenai ia hagugurua? (Kara 9:​15; 16:​37, 38; 25:​11, 12; 26:32; Luka 21:​12, 13)

Sivarai 112

Motumotu ta ai Bouti Ia Mutu

1. Paulo ia guia bouti be Kerete motumotuna ia hanaia neganai, dahaka ia vara?

2. Paulo be bouti dekenai idia noho taudia dekenai dahaka ia gwau?

3. Edena dala ai bouti be ia makohia maragimaragi?

4. Bouti ia biagua ami ofesa be dahaka hadibaia hereva ia henia, bona taunimanima hida be kone dekenai idia roho mauri?

5. Unai motumotu ena ladana be dahaka, bona nega ia namo neganai, Paulo dekenai dahaka ia vara?

Henanadai ma haida:

1. Kara 27:​1-​44 duahia.

   Paulo be Roma dekenai ia lao sivaraina ita duahia neganai, edena bamona ita diba momokani Baibel ena sivarai be momokani? (Kara 27:​16-​19, 27-​32; Luka 1:3; 2 Tim. 3:​16, 17)

2. Kara 28:​1-​14 duahia.

   Bema Melita dekenai idia noho kaivakuku tomadiho henia taudia ese aposetolo Paulo bona ena bamodia be mai “bogahisihisi” ida idia kara henia, unai ese Keristani taudia ia veria dahaka idia hahedinaraia totona bona edena dala ai? (Kara 28:​1, 2; Heb. 13:​1, 2; 1 Pet. 4:​9)

Sivarai 113

Paulo Roma Dekenai

1. Paulo be Roma ena dibura ruma dekenai ia noho neganai, daidia ia haroro henidia?

2. Laulau dekenai, teibolo dekenai ia helai vadivadi tauna be daika, bona Paulo totona dahaka ia karaia noho?

3. Epafrodito be daika, bona Filipo dekenai ia giroa lou neganai, dahaka do ia abia lao?

4. Dahaka dainai Paulo be ena turana namona Filemona dekenai revareva ia torea?

5. Paulo be dibura ruma amo idia ruhaia neganai, dahaka ia karaia, bona gabeai ia dekenai dahaka ia vara?

6. Iehova ese daika ia gaukaralaia Baibel ena buka ginigabedia ia torea totona, bona Apokalupo bukana ese dahaka ia herevalaia?

Henanadai ma haida:

1. Kara 28:​16-​31 bona Filipi 1:​13 duahia.

   Roma dekenai Paulo be dibura ruma ai ia noho neganai, edena dala ai ena nega ia gaukaralaia, bona ena abidadama goadana ese edena dala ai kongrigeisen ia durua? (Kara 28:​23, 30; Fili. 1:​14)

2. Filipi 2:​19-​30 duahia.

   Timoteo bona Epafrodito dekenai Paulo ese edena bamona hanamoa herevadia ia gwauraia, bona edena dala ai Paulo ena haheitalai ita tohotohoa diba? (Fili. 2:​20, 22, 25, 29, 30; 1 Kor. 16:18; 1 Tes. 5:​12, 13)

3. Filemona 1-​25 duahia.

   1. Dahaka dainai Paulo ese Filemona ia hamaoroa kara maorona ia karaia totona, bona edena dala ai unai ese elda taudia ia durua? (File. 9; 2 Kor. 8:8; Gal. 5:​13)

   2. Filemona 13, 14 dekenai Paulo ena hereva ese edena bamona ia hahedinaraia kongrigeisen taudia ma haida edia lalomamina ia matauraia? (1 Kor. 8:​7, 13; 10:​31-​33)

4. Timoteo Iharuana 4:​7-9 duahia.

   Aposetolo Paulo bamona, edena bamona ita diba momokani Iehova ese ita do ia hanamoa bema mai kamonai ida ita noho ela bona dokona? (Mat. 24:13; Heb. 6:​10)

Sivarai 114

Dika Ibounai Edia Dokona

1. Dahaka dainai Baibel be guba dekenai idia noho hosi ia herevalaia?

2. Dirava ese tanobada taudia dikadia ida do ia karaia tuarina ena ladana be dahaka, bona dahaka dainai unai tuari do ia karaia?

3. Laulau dekenai, daika ese unai tuari do ia gunalaia, dahaka dainai kwara gauna ia karaia, bona ena tuari kaia ese dahaka ia hahedinaraia?

4. Sivarai 10, 15, bona 33 ita itaia lou neganai, dahaka dainai Iehova ese kara dika taudia do ia hadikaia ore karana ita hoalaia lasi?

5. Sivarai 36 bona 76 ese edena dala ai idia hahedinaraia Dirava ese kara dika taudia do ia hadikaia ore, ena be idia gwau idia ese ia idia tomadiho henia?

Henanadai ma haida:

1. Apokalupo 19:​11-​16 duahia.

   1. Baibel ese edena bamona ia hamomokania hosi kurokurona dekenai ia guia tauna be Iesu Keriso? (Apok. 1:5; 3:​14; 19:11; Isa. 11:4)

   2. Edena dala ai Iesu ena dabua dekenai ia noho rarana ese ia hamomokania ia kwalimu momokani? (Apok. 14:​18-​20; 19:13; Isa. 63:​1-6)

   3. Iesu be hosi kurokurona dekenai ia guia bona ia murinai idia lao tuari oreana be daidia? (Apok. 12:​7; 19:14; Mat. 25:​31, 32)

Sivarai 115

Tanobada Paradaiso Matamatana Ta

1. Baibel ia gwau tanobada Paradaisona ai, dahaka do ita moalelaia?

2. Paradaiso lalonai do idia noho taudia dekenai Baibel be dahaka ia gwauhamatalaia?

3. Edena negai unai ibounai do idia vara?

4. Iesu be tanobada dekenai ia noho neganai, dahaka ia karaia, unai amo ia hahedinaraia Dirava ena Basileia ia lohiaia neganai, unai bamona do ia karaia?

5. Iesu bona ia danu do idia lohia taudia ese tanobada idia lohiaia neganai, dahaka do idia karaia?

Henanadai ma haida:

1. Apokalupo 5:​9, 10 duahia.

   Dahaka dainai ita diba momokani Lagani 1,000 Lohia Negana ai tanobada do idia lohiaia king bona hahelaga taudia ese hebogahisi do idia hahedinaraia? (Efe. 4:​20-​24; 1 Pet. 1:7; 3:8; 5:​6-​10)

2. Apokalupo 14:​1-3 duahia.

   Tamana bona Mamoe edia ladana be 144,000 taudia edia baguna dekenai idia torea, unai ese dahaka ia hahedinaraia? (1 Kor. 3:​23; 2 Tim. 2:19; Apok. 3:​12)

Sivarai 116

Mauri Hanaihanai Ita Abia Dalana

1. Bema ita ura mauri hanaihanai ita abia, daidia ita diba be namo?

2. Edena dala ai Iehova Dirava bona Iesu ita dibaia diba, laulau dekenai kekeni maragina bona ena turadia ese idia hahedinaraia bamona?

3. Laulau dekenai edena buka ma ta oi itaia, bona dahaka dainai ita duahia hanaihanai be namo?

4. Iehova bona Iesu ita dibaia sibona lasi, to dahaka ita karaia danu be namo mauri hanaihanai ita abia totona?

5. Sivarai 69 amo dahaka ita dibaia?

6. Sivarai 55 dekenai Samuela ena haheitalai namona ese ita dekenai dahaka ia hahedinaraia?

7. Edena dala ai Iesu Keriso ena kara ita tohotohoa diba, bona bema unai bamona ita karaia, nega vairai dahaka do ita karaia diba?

Henanadai ma haida:

1. Ioane 17:3 duahia.

   Baibel ese edena bamona ia hahedinaraia Iehova Dirava bona Iesu Keriso ita diba sibona be hegeregere lasi? (Mat. 7:​21; Iam. 2:​18-​20; 1 Ioa. 2:​17)

2. Salamo 145:​1-​21 duahia.

   1. Dahaka badina ma haida dainai Iehova ita hanamoa? (Sal. 145:​8-​11; Apok. 4:​11)

   2. Edena dala ai Iehova “ena kara be namo, taunimanima ibounai dekenai,” bona unai ese edena dala ai ita ia durua Iehova kahirakahira ita lao totona? (Sal. 145:9; Mat. 5:​43-​45)

   3. Bema Iehova ita lalokau henia, dahaka do ita karaia? (Sal. 119:​171, 172, 175; 145:​11, 12, 21)