STADI 15

Mai Abidadama ida Oi Hereva

1 Tesalonika 1:5

POINT BADANA: Namona be oi hahedinaraia oi gwauraia herevana be momokani bona mai anina bada.

Hegaegae namonamo. Do oi henia tok oi stadilaia ela bona ena point badana bona Baibel ese unai ia hamomokania dalana oi lalopararalaia. Namona be emu tok ena point badadia oi herevalaia neganai, hereva momo oi gaukaralaia lasi. Gau badana be kamonai taudia do ia durua dalana oi laloa. Lauma helaga totona oi guriguri.

Do oi henia tok oi praktis neganai, oi gwauraia badabada unai amo point badadia do oi laloatao bona tok do oi henia namonamo.
Abidadama do ia hagoadaia herevadia gaukaralaia. Bema tok oi henia neganai, namo lasi pablikeisen ai idia noho hereva hegeregerena oi duahia, to sibona emu herevahereva dalanai oi gwauraia. Emu tok amo oi hahedinaraia oi gwauraia gaudia ibounai oi lalopararalaia.
Mai lalona ibounai ida oi hereva. Emu gado regena do oi habadaia bona hamaragia dalana oi laloa. Bema hegeregere kamonai taudia ta ta oi itaia.

Mai emu lalona ibounai ida oi hereva anina be kamonai taudia oi gwau henidia lasi o doria lasi, to mai lalokau ida oi hereva.