Lau Hegeregere, A?
Lau Hegeregere Kongrigeisen ida Lau Haroro Totona, A?
Oi hegeregere diba bapatiso lasi pablisa ai oi lao totona bema . . .
Hanaihanai Baibel oi stadilaia, oi guriguri, bona kongrigeisen heboudia dekenai oi lao.
Oi dibaia gaudia oi laloa bada bona oi abidadama henia dainai haida dekenai oi ura herevalaia.
Iehova oi lalokau henia bona oi abia hidi turadia be ia idia lalokau henia.
Politikol eiava tomadiho koikoi oreadia lalonai oi noho lasi, eiava oi be edia memba ta lasi.
Iehova ena taravatu oi badinaia bona oi ura Iehova ena Witnes tauna ta ai oi lao.
Bema oi mamia oi be hegeregere kongrigeisen ida oi haroro, oi ia stadi henia tauna oi hadibaia bona ia ese elda taudia do ia hadibaia, bena edena bamona haroro gaukara totona oi hegeregere diba dalana idia herevalaia diba.
Lau Hegeregere Bapatiso Lau Abia Totona, A?
Bapatiso abia totona oi hegeregere diba bema . . .
Oi be bapatiso lasi pablisa ai oi lao.
Hanaihanai haroro gaukara oi karaia.
“Hesiai tauna mai ena kamonai bona mai ena aonega” oi durua bona ena hakaua dalana oi badinaia. —Mataio 24:45-47.
Guriguri amo Iehova dekenai emu mauri oi gwauhamatalaia, bona oi ura ia do oi hesiai henia hanaihanai.
Bema oi mamia oi hegeregere bapatiso oi abia totona, oi ia stadi henia tauna ese elda taudia ia hadibaia diba, bena edena bamona bapatiso totona oi hegeregere diba dalana do idia herevalaia.