Spesel Pablik Tok

Maino Korikori Bona Noho Namona​—⁠Edena Negai?

Lagani tausen momo lalonai taunimanima be maino bona noho namona idia tahua. To idia ese maino korikori idia davaria be auka. Dahaka dainai? Unai ena badina rua be Baibel ese ia herevalaia. Danu, Baibel lalonai be inai gwauhamata namona ia noho: Dirava ia gwauhamata ia ese tanobada hegegemadai maino korikori bona noho namona do ia mailaia.

Edena dala ai bona edena negai maino bona noho namona do ia vara? Unai hahenamo namodia oi moalelaia totona, dahaka oi karaia be namo? Unai henanadai be pablik tok ta ese do ia haerelaia, ena ladana be “Maino Korikori bona Noho Namona​—⁠Edena Negai?” Unai pablik tok be tano 230 mai kahana lalonai do idia henia. Gabu momo ai, unai pablik tok be Iehova ena Witnes taudia edia Kingdom Hall ai do idia henia, bona nega be Sunday, April 18, 2010. Emu gabu ai idia noho Witnes taudia be mai moale ida oi dekenai hebou ena taim bona gabu do idia hadibaia. Oi ai boiria unai hebou dekenai oi mai totona.