BAIBEL HENANADAI EDIA HAERE

Kota Badana Dinana be dahaka?

Baibel negadiai, Dirava ese hahemaoro taudia ia gaukaralaia ena taunimanima be kara dika amo ia hamauria totona. (Gunalaia Taudia 2:18) Baibel ese vaira negai do ia vara Kota Badana Dinana ia gwauraia moale negana. Unai nega ai tanobada ibounai do ia hahemaoro henia Diravana, Iehova ese taunimanima be kara dika amo do ia hamauridia.—Salamo 96:12, 13; Isaia 26:9 duahia.

Dirava ese Iesu ia abia hidi mauri taudia bona mase taudia ia kota henia totona. (Kara 10:42; 17:31) Taunimanima momo be Dirava idia do diba lasi neganai, idia mase. Kota Badana Dinana ai, Iesu ese unai bamona taudia do ia hatorea isi lou, unai amo idia ese Dirava momokanina do idia diba bona lalokau henia.—Kara 24:15 duahia.

Dahaka dainai Kota Badana Dinana be lagani 1,000 lalonai do ia karaia?

Mase taudia be lagani 1,000 lalonai do idia toreisi lou. (Apokalupo 20:4, 12) Dirava ese nega do ia henia, iena dala idia dibaia bona idia kamonai henia totona. Momo idia laloa ta ia mase neganai, hari ia karaia gaudia dainai Dirava ese do ia kota henia. To, Baibel ia gwau mase taudia be idia toreisi lou murinai idia karaia gaudia dainai, Iesu ese do ia kota henidia.—Roma 6:7 duahia.

To, Baibel ese kota dinana ma ta ia herevalaia danu, unai do ia vara guna bena gabeai lagani 1,000 do ia matamaia. Atikol ginigunadia ese unai dina idia gwauraia, tanobada dokona. Unai dina ai, Dirava ese kara dika taudia ibounai do ia haorea. (2 Petero 3:7) Unai dainai, namona be ita hahedinaraia ita be Dirava ita lalokau henia.—2 Petero 3:9, 13 duahia.