Luke
Sin (Mt 18.6-7, 21-22; Mr 9.42)
17 Pahsat pu Jesus put aw nánatuwnayaqamuy amumi paṅqawu: Pas soon sinmuy lomavöhut aṅqw lasnayaqam haqami peveltini. Nīk̇aṅw pumuy amuṅem pas isʼóhini. 2 Kurs hak imuy tsātsakwmuy hihtawat ayo lasnaqw, put eṅem pas isʼohini. Pay pi tatam māta put kwapk̇aqe hāyiltiqw pam wuhkovatuphamiq tūviwhq, pam put eṅem lolmani. 3 Uma nānami tunatyaltotini, kurs uhpava, sen uhtupko ūmi qaanhtiqw, um put uʼnanani. Noqw kurs pam qaanhtipuy ep qahahlayhtiqw, pay um put pantaqat put ahpiy ayo yúkuni. 4 Pu kurs pam tāwat ep tsaṅeʼsikis ūmi qaanhteʼ put tāwat ep tsaṅeʼsikis ūminen, qahahlayhtiqey paṅqawhq, um hapi put pantaqat put ahpiy ayo yúkumantani.
Faith
5 Noqw ayaiwyuṅqam Tutuyqawhqat aw paṅqaqwa: Um okiw itahtuptsiwniy aw hóyoknani. 6 Noqw Tutuyqawhqa paṅqawu: Kurs uma pay hihin tuptsiwniʼyuṅweʼ, nāmahin pi pam mustard-uyit pōsiyat an tsāyniqw, uma it sycamine-tsokit ṅáipwaniweʼ, wuhkovatuphaveq kwihpiwniqat paṅqaqwaqw, soon pam umuhlavayiy qa anhtini.
A Servantʼs Duty
7 Kurs uma haqawa tumalʼayayʼtaqw pam haqam tutskwat qöritani, sen wāwakastuy nopniʼtani. Ason pam pasṅaqw pituqw, ya um put aw yan lavayhtini: Taay, um tunösvoñat aw qatuptuni, aw kítani? 8 Sóoni. Um yanwat put aw layayhtini: Um namuptat inuṅem nōvatat, nuy nopnani. Noqw nu tūmoytani, pu hikwni. Ason pay um inuṅk nösni, pu hikwni, kítani. 9 Ya sen um put aw kwakwhatani, pam hin ayatiwhqey anhtiqat epʼe? Pay k̇a sóonʼi. 10 Noqw pay pan hapi ōviy piw uma tuwat hin ayatiwyeʼ, sohsok anhtoteʼ paṅqaqwani: Pay itam okiw qa hihta apitoti. Pi pay itam itahʼayaway-sa anhtoti, kitotani.
Jesus Makes Ten Lepers Clean
11 Noqw pam Jerusalem aqwnihqe, Samaria-tutskwat, pu Galileet-tutskwat paṅ qaqlavaqa paṅsoqʼa. 12 Nihqe pam haqam kitsókimi pituqw, hakim pakwt tahtaqt tokoplelet tūtuyyaqam put ahsawvayaqe yāvaqw hōñi. 13 Nihqe puma paṅqw tsaʼlalwaqe paṅqaqwa: Jesus, Moṅwi, um okiw itamuy ōkwatuwni. 14 Noqw pam pumuy túwahqe, amumi paṅqawu: Huvam God awwat momṅwituy amumi nāmahtaknawisaa. Noqw puma nāto aqwyak̇ahk̇aṅw, pay powaltoti. 15 Noqw pumuy amuṅaqw sūk̇a qalaptuqey navotqe, ahoy namtökt, pu pas tönay aṅqeʼ God pas hihtata. 16 Nihqe pam Jesus kukmiq nātuvaqe put aw put ep hahlayhti. Noqw pam hak Samariat aṅqw sino. 17 Noqw Jesus lavayhtiqe paṅqawu: Ya qa pakwtnihqam powaltoti? Noqw ya ima peptnihqam haqamiya? 18 Ya pay qa hak God pas hihtataniqe pitu, hal pay iʼ qa-Jew-sino-saa? kita. 19 Pu pam put aw paṅqawu: Wunuptut, aqwhaqamii. Pay um qapēvewnaqe qalaptu.
The Coming of the Kingdom (Mt 24.23-28, 37-41)
20 Noqw hisat God moṅwtunatyayat aw pítuniqat ima Pharisee-sinom Jesus tūviṅtota. Noqw pam umumi paṅqawu: Pi God moṅwtunatyaat qa susmataqpuva pítuni. 21 Soon hak paṅqawni: Meh, pam epʼe, sen Meh, pam ayamo, kítani. Ispi meh, God moṅwtunatyaat yep umuhsonveniqʼö. 22 Pu pam put aw nánatuwnayaqamuy amumi paṅqawu: Pay uma nāto nuy Sinot Tiyat as ṅasʼew sūs talöṅvaqat ep umumumniqat nānawaknaniqw, soon pam antani. 23 Noqw ephaqam sinom umumi paṅqaqwani: Meh, pam yepʼe! sen Meh, ayamo! kitotani. Noqw uma hapi qa aqwyani; piw qa amuṅkyani. 24 Pi talwihpiki tokpelat aṅ ahsupoq tālawvaṅwu. Noqw pay hapi pan piw nu Sinot Tiat italöṅiy ep hinhtini, hisat pítee. 25 Nīk̇aṅw pay mohti puʼ qatsívaptsiwyuṅqam nuy hīhihta akw okiwsasnayani, pu nuy tūvayani. 26 Noqw ura Noat qatsíyat ep hin yēsiwhq, pay hapi pan piw hintani, hisat nuʼ Sinot Tiat ahoy pítuqʼö. 27 Ura puma nōnova, hīhikwya, nȫmalalwa, puwsuṅwlalwa, hisat Noa pākihut aqw pákihqat aw pahsavoo. Noqw pātsikq, puma sohsoyam súlawhti. 28 Pu pay ura piw pan Lot qatsíyat ep hinta. Sinom nōnova, hīhikwya, hihta tuhtuyʼya, hihta huyalalwa, uylalwa, pu kīlalwa. 29 Noqw ura hisat Lot Sodom aṅqw ahpiyniqw, ep tāwat ep ūwiṅw hihta sik̇ahpik owat enaṅ ōṅaqw löhöhöykuqe sohsokmuy kīqöta. 30 Noqw nāt hapi pantani, hisat nuʼ Sinot Tiat mātaqtiqʼö. 31 Put talöṅvaqat ep kitsʼoveqnihqa paṅqw hāweʼ, nawus soon hihta himuy ōviy ahpami papkini, súwayaniqe ōviyʼo. Pu piw pasvenihqa qa kīmii. 32 Uma Lot nȫmayat uʼniʼyuṅwni. 33 Qatsiy ayo táviniqey tunatyawtaqa put kwayhni; pu qatsiy kwayhqa hapi put ayo távini. 34 Nu umumi paṅqawni: Put tōkilat ep hakim lȫyöm sūkw puvuwhpit aṅ qatsni. Suhk̇a wīkiwhq, suhk̇a akwsiṅwni. 35 Hakim lȫyöm wuhtit nāma ṅúmantani. Suhk̇a wīkiwhq, suhk̇a akwsiṅwni. 36 Hakim lȫyöm pasve hinnumni. Suhk̇a wīkiwhq, suhk̇a akwsiṅwni. 37 Noqw puma lavayhtotiqe put aw paṅqaqwa: Háqamni, Tutuyqawhqa? Noqw pam pumuy amumi paṅqawu: Pay haqam himu mokputniqw, paṅso hapi wiwisokt sumitsovaltiṅwu.