1 Timothy

Church Worship

2 Noqw ōviy nu yan ūmi lavayhtini: Itam sohsokmuy sinmuy amuṅem mohti pas okiwhtiwisni, nāwakinwisni, pu amuṅem aw hihta tūviṅlalwani, amuṅem aw kwakwhalalwani, 2 Tis ōviy aṅ pas momṅwituy, pu aṅ öqalat pasiwyuṅqamuy amuṅemi. Nen itam sutmakiwtaqat pās uyiwawtaqat qatsíyesni, pās tunatyawk̇ahk̇aṅw, qa atsáyʼk̇ahk̇aṅwo. 3 Pi yan itam suan hinwiseʼ, God itamuy ayo ōoyhqat unaṅwveyani. 4 Pam sohsokmuy sinmuy ayo nö́ṅakniqat nāwakna, pu put lavayiyat pas antsanihqat tuwiʼvayaniqata. 5 Pi God hapi pas sūk̇aa. Noqw God pu sinmuy amuhtsave wúnuhqa pas sūk̇aa, iʼ taqa, Christ Jesus. 6 Ura pam sohsokmuy sinmuy mātapniqe ōviy nātavi. Piw tuwaniyat aw pituqw, pam nuhtuhpaʼ navotniwa. 7 Noqw ōviy nu put aw lavaytaviwa, pu ayaiwtaniqeyu. (Nu hapi Christ atpip pas súaṅqawu; nu qa atsálawu.) Nu imuy qa-Jew-sinmuy amumi ayatiwa, pumuy lomatuawit aw tuptsiwyeʼ, lavayit pas antsanihqat aṅ hinwisniqat pan pumuy tutuqaynaniqe ōviyʼo. 8 Paniqw ōviy sohsovik tahtaqt may qahováriwtaqat akw ōmi māvuyawk̇ahk̇aṅw, God aw nāwakintotaniqat nu nāwakna, qa itsívuiwk̇ahk̇aṅw, pu piw qa pēvewniʼk̇ahk̇aṅwo. 9 Pu pay amún piw ima momoyam hamanayʼk̇ahk̇aṅw, pās unaṅwayʼk̇ahk̇aṅw, yūyahiwtani; pu hihta pas aʼnö hihk̇ayʼtaqat yūyahniqey qa pan tunatyawyuṅwni-sik̇avalasivata, pu pearls pīwu; pu qa hīhin hȫmiy aw yuykuyani, pas pay pumuy piptsantotaniqat ōviyʼo. 10 Puma qa panyuṅwt, lomahintsakpiy akw namtakniʼyuṅwni. Pi pam pantaqa momoymuy God pas k̇aptsiʼyuṅqamuy súamuhpee. 11 Pay wuhti qahiṅqawk̇aṅw, okiw unaṅwayʼk̇aṅw, God lavayiyat nanatuwnamantani. 12 Pu wuhti tūtutuqaynaniqat nu qa nakwha, pu tāqat aw moṅwʼiwtamantaniqata; pay pam qa hiṅqawlawmantani. 13 Pi Adam mohti yukiwa; noqw aṅk puʼ Eve yukiwa. 14 Pu Adam atsat qa tuptsiwa; pi wuhti ūnatoyniwhqe, mewnit ep qaanhti. 15 Nīk̇aṅw pay kurs pam puwsuṅway amum namiyukit qa hovaleʼ, nāmi unaṅwayʼteʼ, suan qatsit aṅ pās hinmeʼ, pam tiylawhqey aṅ ayo yámakmantani.