Hepreeyer

8 Tas is te haupste phunkt fon was meyer am saan sin: meyer hon een hooche priister soo wii tee, un eyer hot sich aan te recht sayt fom troon fon Kot im himel kesetst. 2 tee is eene tiiner im hayliche plats un in te woere parak, woo Yeehoowa uf kextelt hot, net een mënx. 3 Wayl yeete hooche priister is in kesetst fer opfere un aach kexenke opfere. Tes weeche, waar es neetich tas te hooche priister aach etwas hët fer se opfere. 5 Ti haylich tiinst woo tiise mëner mache is een pilt un een xate fon himlixe tinge, soo wii es ketsaycht is torich tas kepoot woo Kot Mooses kep hot wii eyer ti parak paue teet: “Say tich sicher tas ales kemacht wërt tëm noo te muste woo tich im përich ketsaycht waar.” 10 “‘Wayl tas too is te pakt woo ich mit Israël sayn haus mache tuun noo tiise taache — saat Yeehoowa —: ich xtele mayun kesetse in sayn ferxtant un ich xraype se uf sayn hërts. Un ich wëre sayn Kot un tii wëre mayn folek. 12 Un ich wëre parmhërtslich mit ayre unkerechte aktsyoone un ich tuun mich net mee traan tenke fon ayre sinte.” 13 Wii er “een naye pakt” kesaat hot, hot er kemacht tas tas ëyerste alt wëre teet. Un was alt is un is aus kenutst këp, tuut klaych ferkeen.