¿Jantʼonéy in léʼ a Dios abal wawáʼ?

A Dios in léʼ ku kʼwajiy júnkudh ani kulbél abal etsʼey al jún i alabél tsabál.

Pero walám tatáʼ ka tsalpay: «¿Jantʼiniʼ ti neʼets ka putun axéʼ?». An Biblia in ulal abal in Eyaltal a Dios játs axi neʼets kin putuw axéʼ xi tsalap. A Dios in léʼ abal patal an atiklábchik kin exlaʼ tin kwéntaj in Eyaltal ani jawaʼ jajáʼ in tsálpayal kin tʼajaʼ kʼal an kʼwajílomchik (Salmo 37:11, 29; Isaías 9:7).

A Dios in léʼ ku kʼwajiy alwaʼ.

Jún i tataláb in léʼ abal in tsakámil ka kʼwajiy etsʼey kulbél. Aniyej a Jehová in léʼ abal wawáʼ ku kʼwajiy kulbél abal etsʼey (Isaías 48:17, 18). Jajáʼ in ulal abal «expidh neʼets ka kʼwajiy abal etsʼey jitats kin tʼajchij in kulbétal a Dios» (1 Juan 2:17).

A Dios in léʼ ku xeʼtsin tin bélil.

An Biblia in ulal abal a Dios in léʼ «tu ku exóbchij in bélil abal ku xeʼtsin tanáʼ» (Isaías 2:2, 3). Jajáʼ in kwaʼal «jún i bichow axi in neʼdhál in bij» abal kin bínaʼ ka exláj in kulbétal tin puwél an Tsabál (Hechos 15:14).

A Dios in léʼ ki kʼakʼnaʼ júnkudh.

An kʼakʼnaxtaláb axi tekedh yab in pilmédhál an atiklábchik, in tʼajál ka kʼanidháxin ani ka kʼwajiy júnkudh (Juan 13:35). ¿Jitaʼchik játs axi kʼwajat in exóbchal an atikláb abal kin kʼakʼnaʼ júnkudh a Dios? Tu kaniyal ka aliy an tokʼtsixtaláb kʼal axéʼ xi folleto.