4. An yaneláb yabáts ne’ets ka k’anidháxin
«An atiklábchik yabáts ne’ets kin tejwamédha’ i k’anidhomtaláb k’al in yanél.» (2 TIMOTEO 3:1-3, Comentario Concordia; nota)
● A Chris u k’wajil ti Gales. Jajá’ u tólmix k’al jun i mudhél i atikláb axi in k’aniyalchik an mimláb axi u odhnáb k’al in tomkíl. Jajá’ in ulal: «Jun a k’icháj, ulits jun i mimláb axi lej kwadhnének, ma yab ka éxlanchij in wál. K’e’atchik i mimláb axi u che’el abal ki tólmiy lej odhnámej ani ma u t’idhebél. Jaxtám yabchik u mét’ax».
JAWA’ WAT’ENEK. Al jun i bichow axi ti Africa, ajiyamej abal lej yan i mimláb axi taknének k’al i kidháb tsalap tin tsákamtal. Al jun i encuesta axi t’ajan taná’, exláj abal lej yan i inik in tsálpayal abal yab kidháb kin kwa’dha’ in k’imádhil. Pero yab expidh an mimlábchik játs axi u odhnáb. Ti Canadá, wa’ats yan i inik axi kwadhnének ani u tidhebedháb k’al in k’imádhil.
JAWA’ TALCHIK IN ULAL. Ban yaneláb ets’ey wa’tsinének jita’ axi u odhnáb, pero ti biyál yab u lej t’ajnalak ti kwéntaj.
¿CHUBAX NIXÉ’? Xowé’ lej yánenek an atikláb axi in tsálpayal abal yab alwa’ axé’ xi t’ajbiláb. Pero, ¿walám in t’ajamal abal ka we’méj? Imbáj. Xowé’ wa’ats más yan i yaneláb axi yab u k’anidháx.
¿JANT’OJ A TSÁLPAYAL? ¿K’wajat ti putnal 2 Timoteo 3:1-3? ¿Walám chubax k’wajat ti talál an k’anidhomtaláb al yan an yaneláb?
An bo’chíl k’ej kaw axi k’wajat ti putnal xowé’ pel tin kwéntaj an Tsabál. Ki tsu’uw jant’oj in ulal an Biblia.
[Comentario]
«Wa’ats yan i atikláb axi yab in olnál abal u odhnáb k’al jun in yanél. Jun i mimláb in éjtowal kin kuxuy ka kwadhan treinta y cinco i kalel k’al in tomkíl ani tik’elej ka k’alej kin olnál k’al an éyal.» (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES)