Ku Bajudhméj Jantʼiniʼ U Ólchix Ka exóbnaʼ tit ólnom kʼal an interfono

JALEʼ TI LEJ EXBADH. Kom xowéʼ lej yánenek an pojkaxtaláb, yan i atiklábchik in punuwamal tin kʼimaʼ i cámaras o interfonos. Walám ki atsʼaʼ u jikʼél max kwaʼal ku olnomáts tin tamét jun i cámara al jun i atáj. An tsálapchik axi kʼwajat alál neʼets tu ku tólmiy abal ku olnomáts tin tamét jun i cámara o interfono ani yak ku jikʼey.

JANTʼINIʼ KI TʼAJAʼ

• Yab ki lej tsálpaxin. Yan i atiklábchik in batsʼuwal ka tʼilmáts kʼal wawáʼ kʼal i cámara o interfono.

• Talchik i cámaras u tujél kin tʼajaʼ i grabación belits max tatáʼ yabayej a takamal an timbre. Jayej kwaʼal ki tʼilaʼ abal tam wawáʼ ku utey ban wíʼleb, walám kʼwajatits tu atsʼnal ani tu tsuʼtáb.

• Tam ki tókʼtsiyat, ka tʼilmay jantʼiniʼ a ujnám ti kaw. Ki teʼeʼél ani ka tejwamédhaʼ abal it kulbél. Ka tʼilmay ejtíl max kʼwajat a tsuʼtal. Yab kit lej utey tin tamét an cámara. Max yab ki tókʼtsiyat, yab ka jilaʼ i mensaje.

• Yab ka ukʼchiy abal tam ki taley ta tʼilom, belej kʼwajat ti atsʼnal ani i tsuʼtábej.