Axi tomkidh kwaʼalchik ka beletnáxin

A Jehová in léʼ abal jitaʼchik tomkidh kin putuw in káwintal ani in ulal abal yab jaykʼiʼ kwaʼal ka jilaxin (Mt 19:5, 6). Tin bichówil a Jehová waʼats yan i epchal axi tomkidh ani u kʼwajílchik kulbél. Pero kom wálbidh, jayej in tametnálchik i kʼibataláb. Yab jaykʼiʼ ki tsalpay abal max jun ka jilaxin o kin konoy an divorcio neʼets ka tsʼejkan an kʼibataláb. ¿Jantʼiniʼ in éjtowal axi tomkidh ka beletnáxin?

Ki tsuʼuw boʼ i tolmixtaláb.

1. Ka béletnaʼ a ichích ani yab ka ubátʼnanchij in ichích axi yab pel a tomkíl. Jayej yab ki kʼijidhbéj kʼal jantʼoj axi kidháb. Patal axéʼ in tʼajál abal ban tomkintaláb, kʼayum kʼayum ka waʼtsin i kʼibataláb (Mt 5:28; 2Pe 2:14).

2. Ka tsápnanchij ki utey más kʼal a Jehová ani jayej ka tsápnanchij ka béletnaʼ a tomkíl jantʼiniʼ in kónoyal a Jehová (Sl 97:10).

3. Ka áynanchij ka jalkʼuy jantʼiniʼ a ey ani ka tejwamédhanchij a tomkíl chudhél chudhél kʼal jawaʼ a tʼajál abal a kʼanidhál (Col 3:8-10, 12-14).

4. Etsʼey ka tʼilmay a tomkíl ani ka kʼakʼnaʼ (Col 4:6).

5. Ka tejwamédhanchij i kʼanidhomtaláb a tomkíl tam i kwatsíl kʼal jajáʼ (1Co 7:3, 4; 10:24).

Tam axi tomkidh u kʼakʼnáx, in puwenchal a Jehová.

TALBÉL TA TSUʼUMAL AN VIDEO KWAʼAL KU ADHLÁTS KʼAL I KUXUDHTALÁB: KU ADHLÁTS JANTʼINIʼ TIN TOMNÁL, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼoj tam kʼibataláb awil ka waʼtsin ban tomkintaláb belits max u kʼanidháx?

• 

  Max jun i tomkinél in atsʼál abal yabáts u kʼanidháx, ¿jantʼiniʼ neʼets ka tólmiyat kʼal an tsalpadh kaw axi ti Biblia?

• 

  ¿Jantʼoj in ápchal a Jehová kin tʼajaʼ axi tomkidh?

• ¿Jantʼoj kwaʼal kin tʼajaʼ an inik ani an uxum axi tomkidh abal ka kʼwajiychik kulbél?