Ka aliy juʼtáj ka ejtow ki exobláts alwaʼ

¿A léʼ ka exbay más alwaʼ jawaʼ kʼwajat a exobnál? Axéʼ an tsalapchik in éjtowal ti lej tólmiy.

• Ka takuy juʼtáj ti neʼets ki exobláts. A éjtowal ki exobláts juʼtáj ti tʼokat ani alwaʼ tájbadh. Walám a éjtowal ka aliy jun i mesa o ki exobláts eléb.

• Ki exobláts juʼtáj ka ejtow kit kʼwajiy kwetém. A Jesús in ujnámak ka tsʼakiy yíkʼwaxej ani ka kʼalej kin ólonchij a Jehová «juʼtáj ti jolat» abal ka kʼwajiy kwetém (Mar. 1:35). Max ta kʼimáʼ yan ta eb, a éjtowal ka uchaʼ a yanél jawaʼ tam hora a tsálpayal ki exobláts. Ka konchij abal ka wéʼ nixkʼin abal ka ejtow ki wéʼ kʼwajiy kwetém.

• Yab ka jilaʼ abal nibal jantʼoj ti tʼokʼbay abal ta exóbal. Max a eyendhál an teléfono o an tableta abal ta exóbal, a éjtowal ka wéʼ tsʼibkʼaʼ abal yab ka atsʼatbéj tam u otsel i mensaje, o a éjtowal ka punuw en modo avión. Max ka tʼilaʼ abal kwaʼal ka tʼajaʼ jantʼoj, ka dhuchaʼ abal yab ka ukʼchiy ani ka tʼajaʼ talbél. Max i tsekéts ta exóbal, a éjtowal ki wéʼ kubiy.