¿Jantʼonéy tam lablixtaláb neʼets kin batsʼuwchik axi kin belkaʼ a Dios?

Yán axi tsémenekchik neʼets ka wíchbanchat junílekʼij in ejatal tejéʼ Tsabál (Hechos 24:15)

Max ka belkaʼ a Dios neʼets ka batsʼuw yán i lablixtaláb. Neʼets kit kʼwajiy etsʼey lúbach. Yabáts neʼets kit tʼeʼpin kom an atiklábchik axi pojkax neʼets ka taley.

Yabáts neʼets ka waʼtsin i yajal ni ukʼil. Yabáts jitaʼ neʼets ka yejtselbej ni ka tsemets.

Chubax, lej kʼijidh neʼets ki atsʼaʼ ku kʼwajiy ti alabél tsabál, kom neʼets ki ejtow ku kʼwajiy kʼal i jaʼubchik ani i yanél.

Yab jitaʼ neʼets ka jikʼey kʼal ni jantʼoj. An atiklábchik neʼets ka kʼwajiy kulbél.

In Eyaltal a Dios neʼets kin talabedhaʼ an yajchiktaláb (Revelación [Apocalipsis] 21:​3, 4)