¿Jantʼonéy játs abal tatáʼ an Biblia?
¿A tsalpayal abal pél...
... jún i libro axi in kwaʼal in tsalápil an inik?
... jún i alkʼidh tʼilab?
... in Káwintal a Dios?
AXI AN BIBLIA IN ÓLNÁL
«Patal jawaʼ dhuchadh ti al an [Biblia pél] in Káwintal a Dios.» (2 Timoteo 3:16, An it jilchith cau.)
JANTʼINIʼ TU TÓLMIYAL KI BELAʼ AXÉʼ
Neʼets ki elaʼ i tokʼtsixtaláb axi chubax abal an konowixtaláb axi más exbadh axi i kwaʼal ti ejatal (Proverbios 2:1-5).
Neʼets tu ku beldhanchij lej alwaʼ i ejatal (Salmo 119:105).
Neʼets ki koʼoy i aychixtaláb abal an kʼicháj axi taʼtál (Romanos 15:4).
¿LEJ CHUBAX I EJTOWAL KI BELAʼ JAWAʼ IN ULAL AN BIBLIA?
Antsanaʼ, neʼets ki tsuʼuw expidh óx i tʼipláb:
Yab jaykʼiʼ u tomolnáx an tsalap. An Biblia kʼalej dhuchadh kʼal 40 i inikchik al jún i kʼij watʼadh kʼal mil seiscientos i tamub. Yánchik yab jaykʼiʼ exláxin, an káw axi kʼwajat ti Biblia yab u tomolnáx más alwaʼ in aynál junkats i tsalap.
An dhuchumchik kʼal an Biblia etsʼey in uluw an chubaxtaláb. An dhuchumchik axi xowéʼ in tsinal tam in bichówil in kʼibál jún i pextaláb. Pero, an dhuchumchik kʼal an Biblia yab jaykʼiʼ in tsinaʼ in ukʼpintal ani in kʼal in bichówil (2 Crónicas 36:15, 16; Salmo 51:1-4).
Jawaʼ in ulal an Biblia etsʼey u putnal. An Biblia in okʼxidh olnaʼ kʼal jún i doscientos i tamub abal an biyál bichow ti Babilonia neʼetsak ka talabedháj (Isaías 13:17-22). Ani yab expidh in olnaʼ jantʼiniʼ ti neʼetsak ka ijkan an bichow, jayej ma in uluw in bij jitaʼ neʼetsak kin ókʼnaʼ an pextaláb (Isaías 45:1-3).
Kʼeʼatchik i káw axi ti Biblia putun antsanaʼ jantʼiniʼ ti dhuchadhak. ¿Yab játs axéʼ, axi aychal tin Káwintal a Dios? (2 Pedro 1:21.)
KA KONÓWIY TA BAʼ
¿Jantʼiniʼ in ejtowal ti kin tólmiy in Káwintal a Dios?
Neʼets ka elaʼ an tokʼtsixtaláb ti an Biblia ti ISAÍAS 48:17, 18 ani 2 TIMOTEO 3:16, 17.