Yab ki odhnaʼ an atiklábchik kʼal i káwintal

Jawaʼ in tʼajaʼ a Pablo

VIDEO: A Pablo in ólchal an alwaʼ kaw an atiklábchik axi ti Atenas

1. Ka tsuʼuw an VIDEO o ka ajiy Hechos 17:​22, 23. Ani talbél ka tʼajaʼ ti kwéntaj axéʼ xi konowixtalábchik:

1. ¿Jantʼiniʼ tin atsʼaʼ a Pablo tam ti in tsuʼuw abal ti Atenas lej waʼatsak i walekláb? (Ka tsuʼuw Hechos 17:16).

2. ¿Jantʼiniʼ tin eyendhaʼ a Pablo jawaʼ in belalakchik an atikláb axi ti Atenas abal kin ólchij an alwaʼ kaw?

¿Jantʼoj tu exóbchal in tʼiplabil a Pablo?

2. Neʼets kin leʼnaʼ tu ku otsʼowiy an atikláb max i tʼajál ti kwéntaj jantʼoj i uchál, jantʼiniʼ ani jaykʼiʼ ti uchál.

Ka nitsʼbiy a Pablo

3. Ka takuy alwaʼ an kaw axi neʼets ka uchaʼ. Jun i tʼiplab, max ka elaʼ jun i atikláb axi yab exobchinenek tin kwéntaj a Cristo walám kwaʼal ka tsalpay jantʼiniʼ ti neʼets ka ólchij jawaʼ in ulal an Biblia o tin kwéntaj a Jesús.

4. Yab ka boliy dhubatkʼej an atikláb. Ka jilaʼ abal an atikláb kin olnaʼ jawaʼ in tsalpayal. Ani tam kin uluw jantʼoj axi yab in olnál an Biblia, yab ka kʼwiyaʼ (Sant. 1:19). Max ka lej tʼajaʼ ti kwéntaj jawaʼ in ulal, neʼets ka exlaʼ jawaʼ in belál ani neʼets ka exbay jaleʼ tin belál (Prov. 20:5).

5. Ka uchaʼ an atikláb jawaʼ in tʼajál alwaʼ ani kit kulbéj tam kin uluw jantʼoj axi chubax. Lej exbadh axéʼ kom an atikláb walám in tsalpayal abal tekedh jawaʼ in belál. Okʼox ka ólchij jantʼoj axi in exlálits, ani talbél, kʼayúm kʼayúm ka exóbchij jawaʼ in ulal an Biblia.