Etsʼey kit tsab wichiy

Jawaʼ in tʼajaʼ a Pablo

VIDEO: A Pablo yab tsekej ani in aynanchij ti ólnom ti Éfeso

1. Ka tsuʼuw an VIDEO o ka ajiy Hechos 19:​8-10. Ani talbél ka tʼajaʼ ti kwéntaj axéʼ xi konowixtalábchik:

1. Belits abal talchik yab in kulbetnaʼ an alwaʼ kaw, ¿jaleʼ ti exlál abal a Pablo yab tsekej?

2. ¿Jay i kalel in tʼilmayalak an atikláb axi in leʼak kin otsʼowiy an alwaʼ kaw ani jay i kʼij in tʼajaʼ antsanáʼ?

¿Jantʼoj tu exóbchal in tʼiplabil a Pablo?

2. Abal ku wichiy ki tsab tsaʼbiy an atikláb ani ki tujuw i exobintaláb kʼal an Biblia in yejenchal i kʼij ani ki lej tsapnanchij.

Ka nitsʼbiy a Pablo

3. Ka jolkʼaʼ an kʼij tam an atikláb in éjtowal. Ka konowiy ta baʼ: «¿Jaykʼiʼ ti jolat abal ka tʼilmáts? ani ¿juʼtáj tin kulbetnál ka tʼilmáts?». Kit wichiy ka tsaʼbiy an atikláb belits max yab pel an hora axi tatáʼ a kulbetnál.

4. Ka konoy jaykʼiʼ a éjtowal kit wichiy abal kit tʼilmáts. Okʼxidh kit kʼalej, ka konowiy an atikláb an kʼicháj ani an hora tam in leʼ kit wichiy ka tsaʼbiy. Ani ka putuw a kawintal.

5. Ka aynanchij, yab kit tsekej. Yab ka tsalpay abal an atikláb yab in leʼ kin otsʼowiy an alwaʼ kaw kom yab a elál tin kʼimáʼ o kom etsʼey tʼojlidh (1 Cor. 13:​4, 7). Kit wichiy etsʼey ani ka aynanchij ka aliy an atikláb, pero ka alwaʼ eyendhaʼ an kʼij (1 Cor. 9:26).