A Jehová yab in ukʼchiyal patal an alwaʼ tʼajbiláb axi i tʼajál

Patal jitaʼ in tʼójonchal a Jehová in ejtowal kin tʼajaʼ yán jantʼoj axi alwaʼ, ani a Jehová yab jaykʼiʼ neʼets kin ukʼchiy. Antsanáʼ jantʼiniʼ jún i tataláb yab in ukʼchiyal jawaʼ in tʼajál in tsakámil, a Jehová jayej yab in ukʼchiyal i alwaʼ tʼajbilábil ani patal jawaʼ i tʼajál kom i kʼanidhál (Mt 6:20; Heb 6:10). Yab patal i ejtowal ki tʼojonchij a Jehová jantʼiniʼ tin tʼajál axi kʼeʼatchik, pero max ki tsápnanchij ki tʼajaʼ patal jawaʼ ki ejtow abal ki tʼojonchij a Jehová, neʼets ku kʼwajiy lej kulbél (Gál 6:4; Col 3:23). Al patal an tamub axi watʼenek, yán i epchal kʼwajinek ti tolmix ti Betel. ¿I ejtowal wawáʼ jayej ku tólmixin ti Betel? Ani max imbáj, ¿i ejtowal ki tólmiy jún i epchal abal ka tólmixin ti Betel o jún i yanél abal kin aynanchij kin tʼojonchij a Jehová ti Betel?

TALBÉL TA TSUʼÚMAL AN VIDEO ¿JANTʼOJ KWAʼAL KA TʼAJAʼ ABAL KIT TÓLMIXIN TI BETEL?, KA TÓKʼTSIY AXÉʼ XI KONOWIXTALÁBCHIK:

• ¿Jaleʼ a léʼ kit tʼójon ti Betel?

• ¿Jantʼoj tam lablixtaláb in ulal talchik i epchal abal in batsʼumal tin tʼojlábil ti Betel?

• ¿Jantʼoj kwaʼal ka tʼajaʼ abal kit tólmixin ti Betel?

• ¿Jantʼiniʼ a ejtowal ka konoy ki tólmixin ti Betel?