Jantʼiniʼ ki eyendhaʼ an pejach «Tsalap abal ku tʼilmáts»

An pejach «Tsalap abal ku tʼilmáts», tujey ti kalel ti enero ti 2018 ban Tolmixtaláb abal ti exóbal abal an tamkuntaláb I Ejatal ani i tʼojlábil tu aykol kʼal a Cristo. ¿Jantʼiniʼ in tomnál ki eyendhaʼ?

Tam i binál jun i pejach ti tamkuntaláb. In tomnál ki eyendhaʼ an konowixtaláb, an texto, ani an konowixtaláb abal tam ku wichiy ki tsaʼbiy an atikláb. Pero yab in yéjenchal ki uluw patal an kaw antsanáʼ jantʼiniʼ ti kʼwajat ban video. Jun i tʼiplab, i éjtowal ki jaluw jantʼiniʼ ki bínaʼ an olchixtaláb, jantʼiniʼ ku tujey tu tʼilom ani jawaʼ tam olchixtaláb neʼets ki bínaʼ. Jayej i éjtowal ki takuy max i léʼ ki bínaʼ jun i publicación axi i eyendhál abal ki bínaʼ i exobintaláb kʼal an Biblia.

Tam u ólnom. Axéʼ an pejach neʼets tu ku tólmiy ki exlaʼ jantʼiniʼ ki tʼilmay an atiklábchik. Max jun i atikláb in léʼ kin exlaʼ más, ki tʼilmay, ani ki eyendhaʼ jawaʼ kʼwajat ban pejach abal tam tsabchílits i tsaʼbiyal. I éjtowal ki wéʼ jaluw an tsalap abal ku tʼilmáts o ki eyendhaʼ kʼeʼat. Walám ki tsalpay abal neʼets ka eyan más kʼeʼat i texto o jun i tsalap axi kalej al kʼeʼat a itsʼ. Walám wátʼenek jantʼoj ta kwenchálil axi an atikláb kin léʼnaʼ kin exlaʼ ani játs i éjtowal ki eyendhaʼ abal ki tʼilmay. I éjtowal ki eyendhaʼ axéʼ xi exobintaláb jantʼiniʼ ki tsalpay abal an atikláb neʼets kin kulbetnaʼ kin atsʼaʼ. Etsʼey ki tʼilaʼ abal jawaʼ i léʼ pel ki tʼajaʼ patal jawaʼ ki ejtow abal «ki ólchij an alwaʼ kaw an atiklábchik» (1Co 9:22, 23).