Ki pidhaʼ a Jehová jawaʼ más alwaʼ

5:5-7, 11

An israelitas axi tsʼejwantál jayej in éjtowalak ka kʼwajiy koyat kʼal a Jehová. Ma an israelitas axi más tsʼewantál in éjtowalak kin pidhaʼ jun i alwaʼ tsʼakchixtaláb a Jehová, pero kwaʼalak kin pídhaʼchik jawaʼ más alwaʼ in kwaʼal. In éjtowalakchik kin bínaʼ i harina, pero a Jehová in ulalak abal kwaʼalak kin bínaʼ i harina axi alwaʼ, axi in eyendhálakchik abal kin píjchiy an tsaʼbix (Gé 18:6). Walám wawáʼ yab i éjtowal ki tʼojonchij a Jehová antsanáʼ jantʼiniʼ i leʼak, pero Jajáʼ in bátsʼuwal «jawaʼ más alwaʼ» ki ejtow ki pidhaʼ (Heb 13:15).

Max u lej yaʼul o max yabáts u tsapik, ¿jantʼiniʼ tu kanatbedhál axéʼ xi kaw?